Zozuwe 9:1 - WẼNNAAM SEBRE 2014

¹ Rĩm-dãmb nins sẽn be Zʋrdẽ kʋɩlgã rʋʋnd ne sẽn be-b tãmsã sʋkã, la kunkubã sʋkã ne ko-kãsengã noorã hal n tall n tɩ tãag Libã wã, sẽn yaa Hɛt ne Amoor la Kana-rãmbã, ne Ferɛɛz la Hevi ne Zebuus-rãmbã sẽn wʋm tɩ Israyɛll nebã sãama Ayi tẽngã,

SEBR SÕNGO

¹ Ayi kibara zẽkame n ta dĩm dãmba sẽn da be Zʋrdẽ Dʋʋre, tãng zug rãmba, sẽn da ti-b tẽn-nabrẽ, Mog Kãsenga noorẽ dãmba, n ta Libã. Da yaa Ititse, Amoritse, Kanaã rãmba, Perizitse, Ivitse, Zebuzitse.

Zozuwe 9:1 Iomraidhean Croise

2 Sãmwɛlle 24:7

Bãmb kẽnga Tɩ soolem b sẽn me lals n gũbgã pʋgẽ, ne Hevi nebã ne Kanan nebã tẽms fãa pʋgẽ. La bãmb sẽn yi beenẽ, bãmb kẽng n tɩ baasa sõadgã Bɛɛr-seba sẽn be Zʋʋda soolmã nug goabgã.

Yikri 23:23

Mam malɛɛkã na n lʋɩɩ fo taoor n yãag foom tɩ f ta tẽng ning Amoor-dãmbã ne Hɛt-dãmbã la Ferɛɛz-rãmbã ne Kana-rãmbã la Hevi-rãmbã ne Zebuuz-rãmbã sẽn be wã. La mam na n menesa bãmb zãnga.

Yikri 23:31

Mam na n kɩtame tɩ yãmb soolmã tɛk yɩ rudum ko-kãsengã noor tɩ ta Filisti ko-kãsengã noore, la we-raoogã tɛk tɩ ta kʋɩl-kãsengã noore. Bala, mam na n ninga tẽngã nebã yãmb nugẽ, la yãmb na n diga bãmb tɩ b zoe.

Yikri 3:17

Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»

Yikri 34:11

Gũus neer n sak bũmb ning mam sẽn wilgd foom dũndã wã. La mam na n diga Amoor-dãmbã ne Kana-rãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã fo taoore.

Sõadga 13:29

La Amalɛk nebã bee Negɛɛv tẽngã, tɩ Hɛt-dãmbã ne Zebuus-rãmbã, la Amoor-dãmbã be tãmsẽ wã. La Kana-rãmbã n be ko-kãsengã, ne Zʋrdẽ kʋɩlgã noore.»

Sõadga 34:6

Nin-taoorã, yãmb soolmã toadgã na n yɩɩ ko-kãsengã wogellã.

Yaoolem 1:7

Yik-y n wẽnemd-y n kẽng-y Amoor-dãmbã tãms sʋka, la Araba sẽn yegd bãmbã, la tãmsã sʋka, ne tẽn-nabdrẽ wã, la Negɛɛv ne ko-kãsengã noore, la Kana tẽngã, ne Libã hal tɩ ta kʋɩl-kãseng ning sẽn boond tɩ Efratã.

Yaoolem 3:25

Mam kotame tɩ y bas maam tɩ m kẽng n tɩ ges tẽn-noog ning sẽn be Zʋrdẽ kʋɩlgã rʋʋndã, tẽn-neerã sẽn be tãms sʋkã, la ne Libã tẽngã.

Yaoolem 4:49

La tẽn-nabdr ning fãa sẽn be Zʋrdẽ kʋɩlgã rʋʋndã sẽn be yaang sẽnẽ wã, n tɩ tãag Araba kʋɩlgã sẽn be Pisga sigdgẽ wã.

Yaoolem 7:1

Sẽn-Ka-Saab sẽn yaa yãmb Wẽnnaamã sã n wa tall yãmb n tɩ kẽes tẽng ning yãmb sẽn na n soogã pʋgẽ, bãmb sã n wa rig buud wʋsg nins sẽn be f taoorã sẽn yaa Hɛt-rãmbã ne Girgaaz-rãmbã la Amoor-dãmbã ne Kana-rãmbã la Ferɛɛz-rãmbã ne Hevi-rãmbã la Zebuuz-rãmbã, buud a yopoe wã sẽn yaa wʋsg n tar pãng n yɩɩd yãmbã,

Zozuwe 1:15

Maan-y woto, hal tɩ Sẽn-Ka-Saab ges y ba-biisã yell wa b sẽn ges yãmb yellã, tɩ b na tõog n soog tẽng ning Sẽn-Ka-Saab sẽn yaa yãmb Wẽnnaamã sẽn kõt bãmbã. Rẽ zugẽ, yãmb na yaool n lebg n wa reeg soolem ning Sẽn-Ka-Saab tʋmtʋmd a Moyiis sẽn dag n kõ yãmb tɩ yaa y pʋɩɩrã sẽn be yaangã Zʋrdẽ kʋɩlgã rʋʋndã.

Zozuwe 1:4

Yãmb soolmã na n sɩnga ne we-raoogã, la Libã tãmsã yãmb sẽn ne wã, hal tɩ ta kʋɩl-kãsengã b sẽn boond tɩ Efratã, la Hɛt-rãmba tẽngã fãa, n tɩ ta ko-kãsengã sẽn be wĩndgã sẽn lʋɩtẽ wã.

Zozuwe 10:23

Woto, b yiisa rĩm-dãmb a nu wã tãngã bokẽ n tɩ kɩs a Zozoe. Yaa Zeruzalɛm dĩmã, Ebrõ rĩmã, Yamut rĩmã, Layiis rĩmã ne Eglõ rĩmã.

Zozuwe 11:17

Sẽn sɩng ne tãn-beellã sẽn teesd Seyɩɩr sẽnẽ hal tɩ ta Baall-Gaad sẽn be Libã, Ɛrmon tãngã pendã, a Zozoe reega bãmb fãa. A Zozoe tõoga tẽn-bãmb rĩm-dãmbã, n kʋ-ba.

Zozuwe 13:5

la ne Geball rãmbã tẽnga, ne Libã yaang tẽmsã, sẽn sɩng ne Baall-Gaad sẽn be Hɛrmo tãngã pendã n tɩ tãag Hamat tẽngã noore,

Zozuwe 15:12

Nin-taoor toadgã sɩngda ne ko-kãsengã ne a kɩremsã. Tod-bãmbã fãa yaa Zʋʋda nebã soolem todse, wa sẽn zems b rotã.

Zozuwe 22:4

Dẽ wã, Sẽn-Ka-Saab sẽn yaa yãmb Wẽnnaamã sẽn sõng yãmb ba-biisã tɩ b zĩ ne bãan wa bãmb sẽn dag n kãab bãmbã, moasã, bɩ y lebg n kuil y tẽngẽ wã. Kẽng-y n tɩ zĩnd-y tẽng ning Sẽn-Ka-Saab tʋmtʋmd a Moyiis sẽn dag n kõ yãmb Zʋrdẽ kʋɩlgã rʋʋndã.

Zozuwe 22:7

A Moyiis rag n kõ a Manaase buudã pʋɩ-sʋkã zĩig Basan soolmã pʋg tɩ b sooge, la a Zozoe kõo pʋɩ-sʋk ning sẽn ketã zĩig sẽn be Zʋrdẽ kʋɩlgã rʋʋndã nin-taoore, n yegl b saam-biisã. A Zozoe sẽn yeel-b tɩ b kuilã, a ning-b-la barka,

Zozuwe 23:4

Mam maana poeer n pʋɩ soolmã n kõ yãmb tɩ y sooge, wa sẽn zems y buudã rot sõore. Yaa tẽms nins sẽn ket sẽn sɩng ne Zʋrdẽ kʋɩlgã tɩ y tog n deegã, ne tẽms nins fãa mam sẽn zab n deegã, hal n tãag ko-kãsengã, wĩndgã sẽn lʋɩtẽ wã sẽnẽ.

Zozuwe 24:11

Yãmb pɩʋʋga Zʋrdẽ kʋɩlgã n ta Zeeriko. Zeeriko rãmbã yikame n zab ne yãmba, n paas ne Amoor-dãmbã, Perɛɛz-rãmbã, Kana-rãmbã, Hɛt-rãmbã, Garazim-rãmbã, Hevi-rãmbã ne Zebuus-rãmbã. La mam kɩtame tɩ yãmb tõog-ba.

Zozuwe 3:10

A Zozoe yeelame: «Ad bũmb ning sẽn na n kɩt tɩ yãmb bãng tɩ Wẽnnaam sẽn vɩ wã sɩd bee ne yãmba, la b na n diga Kana-rãmbã, Hɛt nebã, la Hevi-rãmbã, ne Ferɛɛz-rãmba, la Girgaaz nebã, ne Amoor-dãmbã ne Zebuus nebã tɩ b zoe yãmb taoore.

Zozuwe 3:17

Maan-kʋʋdb nins sẽn dag n tʋk Sẽn-Ka-Saab kaoolã koglgã yalsa Zʋrdẽ kʋɩl-koɛɛngã tẽn-sʋk n ka serg ye, hal tɩ Israyɛll nebã fãa pɩʋʋg kʋɩlgã koɛɛng n looge.

Zozuwe 5:1

Amoor-dãmbã rĩm-dãmb nins fãa sẽn be Zʋrdẽ kʋɩlgã rʋʋnd nin-taoorã, ne Kana rĩm-dãmb nins fãa sẽn be ko-kãsengã sẽnẽ wã sẽn wʋm tɩ Sẽn-Ka-Saab kɩtame tɩ Zʋrdẽ koomã kʋɩ tɩ Israyɛll nebã pɩʋʋgã, rabeem yõk-b lame tɩ b ka leb n tar daood Israyɛll nebã taoor ye.

Zozuwe 6:27

Sẽn-Ka-Saab rag n bee ne a Zozoe, n kɩtdẽ t'a yʋʋrã saagd tẽngã fãa.

Zozuwe 9:7

La Israyɛll nebã yeela Hevi-rãmba yaa: «Tõeeme tɩ yãmb yaa tõnd yagse. Dẽ, tõnd na n maana a wãn n maan kaool ne yãmba?»