Zozuwe 8:2 - WẼNNAAM SEBRE 2014

² Fo sẽn maan Zeeriko ne a rĩmã to-to wã, f na n maana Ayi ne a rĩmã me a woto. La y sã n tõog tẽngã, bɩ y wʋk te-zɛɛdmã ne rũmsã n sooge. Bɩ f yãk tãb-biis n tʋm tɩ b tɩ soond Ayi tẽngã poore.»

SEBR SÕNGO

² Maan Ayi ne a dĩma wala f sẽn maan Zeriko ne a dĩma. Da bas-y neba ye, pʋɩ-y taab teedã la rũmsa bala. Maan yam n deng n solg tãb-biis kẽer tẽnga kudgẽ.»

Zozuwe 8:2 Iomraidhean Croise

2 Kibayã 13:13

La wakat-kãnga, rẽ t'a Zeroboaam rag n tʋma tãb-biis tɩ b soos n gilg Zʋʋda nebã poorẽ. Dẽ, Israyɛll nebã rag n bee Zʋʋda nebã taoore, tɩ nebã b sẽn bẽdã be b poorẽ.

2 Kibayã 20:22

La wakat ning bãmb sẽn zẽk b koees n yɩɩnd pẽgr yɩɩlã, Sẽn-Ka-Saab kɩtame tɩ zũnglug zĩnd Amo ne Moaabe, la Seyɩɩr soolem ning sẽn be tãms sʋkã nebã sẽn dag n wa Zʋʋda wã sʋka, tɩ b kʋ taaba.

Yɩɩn‑sõamyã 39:6

Ade, yãmb kɩtame tɩ m vɩɩmã woglem ka yɩɩd nug-pʋg ye. La mam vɩɩmã woglem yaa wa walem bal yãmb taoore. Yaa sɩda, ninsaal buudã fãa yaa wa pemsem bala.

Yelbũna 13:22

Nin-sõng basda arzegs a yagens yĩnga, la yel-wẽn-maandbã arzegs bĩnga nin-tɩrg yĩnga.

Yelbũna 28:20

Sẽn maand-a sɩd paamda barka, la sẽn dat-a n lebg arzɛk soab tao-tao na n wa paama sɩbgre.

Zeremi 17:11

Ned sẽn maan zãmb n paam arzegs yaa wa koadeng sẽn wũund gɛl a sẽn ka lobe. A arzɛkã na n loog n bas-a-la a vɩɩmã pʋɩ-sʋka, t'a lebg wa yalem bala.»

Zeremi 51:12

Zẽk-y tãb-kaoor tɩ d zab ne Babilond n sãam a lalsã! Paas-y gũudbã sõore. Kɩt-y tɩ gũudbã yals b zĩigẽ. Kɩt-y tɩ neb tɩ soond soayã zutu! Bala, Sẽn-Ka-Saab sẽn yãk yam tɩ b na n maana bũmb ningã, b na n maan-a lame. Yaa b sẽn dag n yeel Babilond nebã wɛɛngẽ wã!

Yaoolem 2:35

Yaa rũmsã ne teedã bal la tõnd zɛ tẽms nins tõnd sẽn deesã pʋsẽ.

Yaoolem 20:14

La yãmb na n sooga b pagbã ne b kambã, la b rũmsã ne bũmb nins fãa sẽn be tẽngã pʋgẽ wã, n dɩ y bɛɛbã bũmb nins fãa Sẽn-Ka-Saab sẽn yaa yãmb Wẽnnaamã sẽn kõ yãmbã.

Yaoolem 3:2

La Sẽn-Ka-Saab yeela maam yaa: «Ra zoe-a ye. Bala, mam dɩka yẽnda ne a nebã fãa la a tẽngã n ning yãmb nugẽ. La fo na n maana yẽnda wa fo sẽn maan Amoor-dãmbã rĩm a Sihon sẽn be Hɛsbõ wã.»

Zozuwe 10:1

Zeruzalɛm dĩm a Adoni-Sedɛk wʋmame t'a Zozoe tõoga Ayi n sãam-a zãnga, n menes-a ne a rĩmã wa a sẽn dag n maan Zeeriko ne a rĩmã to-to wã. A leb n wʋmame tɩ Gabawõ nebã yõga zood ne Israyɛll nebã n vɩ b sʋka.

Zozuwe 10:28

Badaar bala, a Zozoe tõoga Makeda tẽngã, n kʋ a nebã ne b rĩmã ne zabr sʋʋga. Yẽnda kʋʋ nebã fãa ne neb nins fãa sẽn dag n be tẽngã pʋgẽ be wã, n ka bas tɩ ned ba a yembr põs ye. Yẽnda maana Makeda rĩmã wa yẽnda sẽn dag n maan Zeeriko rĩmã to-to wã.

Zozuwe 11:14

Israyɛll nebã wʋka tẽn-bãmb paoongã fãa ne b rũmsã n sooge. La b kʋʋ nebã fãa ne zabr sʋʋg n ka bas ned baa yembr tɩ vɩɩmd ye.

Zozuwe 6:21

Bãmb sãama bũmb nins fãa sẽn dag n be tẽngã pʋgã. Bãmb kʋʋ raopã, pagbã, kambã la nin-kẽembã, la b kʋ niigã, piisã la bõensã fãa ne zabr sʋʋga.

Zozuwe 8:12

A Zozoe yãka raop sẽn kolg tus a nu n kɩt tɩ b kẽng n tɩ soond Betɛll ne Ayi sʋka, Ayi tẽngã nin-taoore.

Zozuwe 8:14

Dẽ, Ayi rĩmã sẽn yã woto, yẽnda ne a nebã fãa yika tao-tao n yi n na n tɩ zab ne Israyɛll nebã tãngã sigdg sẽn be Araba tẽn-nabdrã neng taoorã. La Ayi rĩmã rag n ka mi tɩ neb n solg tẽngã nin-taoor ye.

Zozuwe 8:19

Wakat-kãng bala, neb nins sẽn dag n soondã yii soondgã zĩigẽ tao-tao n zoe n kẽ tẽngã n yãmbe, n ning-a bugum.

Zozuwe 8:24

Israyɛll nebã sẽn kʋ Ayi tẽngã neb nins sẽn dag n digd bãmb n teesd weoogẽ wã, n ka bas tɩ Ayi ned ba a yembr põsã, Israyɛll nebã fãa lebg n kẽe Ayi tẽngã n kʋ neb nins sẽn ketã ne zabr sʋʋse.

Zozuwe 8:3

A Zozoe yika ne a tãb-biisã fãa n na n tɩ zab ne Ayi. A Zozoe yãka tãb-biis sẽn yaa gãndaad tus a tãabo, n tʋm bãmb ne yʋngo.

Zozuwe 8:7

bɩ y yi n kẽ tẽngã. Sẽn-Ka-Saab sẽn yaa yãmb Wẽnnaamã na n kɩtame tɩ y tõog-a.

Zozuwe 8:8

Yãmb sã n ta tẽngã, bɩ y yõog-a bugum. Maan-y wa Sẽn-Ka-Saab sẽn yeelã. Gũus-y y mens n maan wa mam sẽn yeel yãmbã.»

Zozuwe 8:9

A Zozoe yeela bãmb tɩ b kẽnge. La bãmb kẽng n tɩ soonda Betɛll ne Ayi sʋka, Ayi tẽngã nin-taoore. A Zozoe kell n paa nebã sʋk yʋn-kãnga.

Zozuwe 9:3

Gabawõ nebã me wʋma a Zozoe sẽn maan Zeeriko ne Ayi bũmb ningã.