Zozuwe 7:26 - WẼNNAAM SEBRE 2014

²⁶ La b wʋka kug n zam a Akã zugu, la kug-rʋrã ket n beeme hal tɩ ta rũndã. Dẽ, Sẽn-Ka-Saab sũur sigame. Yaa rẽnda yĩng n kɩt tɩ b ket n boond zĩ-kãng tɩ Akoore, sẽn dat n togs tɩ ‹toog tãn-long› hal tɩ ta rũndã.

SEBR SÕNGO

²⁶ B wʋka kug zembala n sam a zugu la kuga saongã keta ne rũnna. Yaa rẽ yĩng me la b pʋd zĩigã tɩ Akor, zu-beed tẽnga, la b ket n boond-a-la boto al ne rũnna. Dẽ marsã la Soaala-Wẽnd sũura maag yã.

Zozuwe 7:26 Iomraidhean Croise

2 Sãmwɛlle 18:17

Bãmb rɩka a Absalom kũumã n lob bok pʋgẽ we-raoogã sʋka, la b zama kug wʋsg a zug t'a lebg kug-rʋre. La Israyɛll nebã fãa zoeeme n kuili.

2 Sãmwɛlle 21:14

B muma a Sayull ne a biig a Zonatã kõaba a Sayull ba a Kiis yaoogã pʋgẽ Sela tẽngã sẽn be Benzame soolmẽ wã. La b maana bũmb nins fãa rĩmã sẽn yeelã. Yõwã zugẽ, Wẽnnaam sũurã siga ne tẽngã.

2 Kibayã 29:10

Moasã mam dat n maana kaool ne Sẽn-Ka-Saab sẽn yaa Israyɛll Wẽnnaamã, tɩ bãmb tõe n zãag b sũ-puugrã ne-do.

Esdras 10:14

Tõnd kotame, tɩ tõnd nanambsã yals nebã fãa yʋʋr yĩnga, tɩ Israyɛll neb nins fãa sẽn be tẽngã pʋg n peeg bu-zẽmsã kamb n maan b pagbã, tũ b tẽngã kãsem-dãmbã ne b bʋ-kaoodbã n wa daar ning b sẽn yãkã. La tõnd na n gesa yel-kãngã yell tɩ manege, hal tɩ tõnd Wẽnnaamã sũur sẽn yik ne tõnd yel-kãngã wɛɛngẽ wã sigi.»

Yɩɩn‑sõamyã 85:4

Yãmb basa y sũ-puugrã fãa tɩ sɛ, yãmb lebg n sika y sũuri.

Yikri 32:12

Yaa bõe tɩ Ezɩpt nebã na n yeele: ‹Wẽnnaam yiisa bãmb Ezɩpt tẽngã n na n tɩ kʋ-b tãmsã sʋka, tɩ b buudã menem tẽng zugu!› Bas-y yãmb sũ-kãbrã, la y ra maan y nebã wẽng ning y sẽn dag n dat n maan-bã ye.

A Ezayi 40:2

Gom-y n paas-y Zeruzalɛm daoodo, moon-y n yeel-y t'a yembdã sɛɛme, t'a paama a kongrã sugri, t'a zoe n deega a yel-wẽnã sɩbgr naoor a yiib Sẽn-Ka-Saab nengẽ.»

A Ezayi 65:10

Saaron tẽn-nabdrã na n lebga rũm-bãooneg wãbneg zĩiga, la Akoor longã na n lebga rũm-bɛd gãag zĩiga, yaa mam neb nins sẽn lebg n baood maamã yĩnga.»

Kʋʋr yɩɩla 3:53

Bãmb sagla maam bok pʋgẽ vɩɩga, la bãmb loba maam ne kuga.

A Ooze 2:15

Maam a Sẽn-Ka-Saab yetame: «Mam na n sɩbg-a lame, ray nins yẽnda sẽn yõog wisd n kõ a Baallã yĩnga. Yẽnda rag n ningda tʋblond ne muizãan n kẽnd a roelsen-dãmbã nengẽ, la maam, yẽnda yaool n yĩm mam yelle.»

A Ooze 2:17

La beenẽ, mam na n lebs-a-la a reezẽ tɩɩs pʋtã, la m kɩt tɩ Akoor longã lebg tẽeb sɩngre. Beenẽ, yẽnda na n saka wa a pʋg-sademdẽ wã, la wa wakat ning a sẽn dag n yi Ezɩptã.

A Zowɛlle 2:13

Da pãrs-y y fut ye, maneg-y y sũyã, n lebg n wa Sẽn-Ka-Saab sẽn yaa yãmb Wẽnnaamã nengẽ, bala, b yaa sugr soaba, la nimbãan-zoeer soaba, bãmb sũur ka yikd tao-tao ye, la b yaa nonglem-kãseng soaba, bãmb sã n sɩbge, b sũurã sãamdame.

A Zowɛlle 2:18

Sẽn-Ka-Saab nonga b tẽngã ne nonglem-kãsenga. Bãmb zoee b nebã nimbãanega.

A Zonaase 1:15

Dẽ, bãmb dɩka a Zonaas n lob koomẽ wã. La wakat-kãng bala, sob-kãsengã yõkame, tɩ ko-pɛmã sigi.

Zakari 6:8

Malɛɛkã boola maam n yeel yaa: «Gese, wed-moos nins sẽn yi n tees nug-rɩtg tẽmsã sẽnẽ wã na n sika mam sɩɩgã nug-rɩtg tẽngã zugu.»

Sõadga 25:8

Yẽnda pʋgla raoã n tɩ kẽ n bʋʋg yẽnda ne pagã fu-roogẽ wã, n kõs bãmb b yiibã fãa pɛlã, tɩ b ki. La wakat-kãng bala, bãagã sẽn dag n kʋʋd Israyɛll nebã yalsame.

Yaoolem 13:17

Bɩ y wʋk teedã fãa n wa tẽngã zĩ-sõasdgẽ, la y yõog tẽngã ne bũmb nins fãa sẽn be a pʋgẽ wã bugum Sẽn-Ka-Saab sẽn yaa yãmb Wẽnnaamã yĩnga, t'a lebg bug-toaalg wakat fãa. Bɩ b ra leb n me-a ye.

Yaoolem 13:18

Ra sak-y n dɩk-y bũmb nins sẽn yaa kãab-wẽngã ba a yembr ye. Bas-y tɩ Sẽn-Ka-Saab sũur sig tɩ b zoe yãmb nimbãaneg n kɩt tɩ y fɩɩg n lebg wʋsg wa b sẽn dag n wẽen ne y yaab-rãmbã.

Zozuwe 10:27

Wĩndgã sẽn wa n kolg kõom, a Zozoe kɩtame tɩ b sik-b tɩɩsã zutu, n tall b kũumã n tɩ lob bok ning bãmb sẽn dag n zoe n tɩ soondã pʋga, n bilim kug-bɛd n pag bokã noore. La kugã ket n bee be hal tɩ ta rũndã.

Zozuwe 7:24

A Zozoe kɩtame tɩ b yõk a Zeera biig a Akã, la b wʋk wanzuri wã, la kobrã ne sãnem giulgã, la b yõg yẽnda kom-dibli wã ne a kom-pugli wã, la a niigã, ne a bõensã, n paas a rũm-bãoonegã ne a fu-roogã, la a sẽn so wã fãa. La Israyɛll nebã naaga a Zozoe tɩ b tall-b n kẽng Akoor tãngã longẽ.

Zozuwe 8:29

B luula Ayi rĩmã tɩɩg zugu, la b bas-a-la beenẽ hal tɩ ta zaabre. La wĩndgã sẽn kẽ, a Zozoe kɩtame tɩ b sik kũumã tɩɩgã zugu, n tɩ lob tẽngã noore. La b zama kug a zugu, la kugã keta beenẽ hal tɩ ta rũndã.