Zozuwe 7:24 - WẼNNAAM SEBRE 2014

²⁴ A Zozoe kɩtame tɩ b yõk a Zeera biig a Akã, la b wʋk wanzuri wã, la kobrã ne sãnem giulgã, la b yõg yẽnda kom-dibli wã ne a kom-pugli wã, la a niigã, ne a bõensã, n paas a rũm-bãoonegã ne a fu-roogã, la a sẽn so wã fãa. La Israyɛll nebã naaga a Zozoe tɩ b tall-b n kẽng Akoor tãngã longẽ.

SEBR SÕNGO

²⁴ B talla a Zera biig a Akã n looge, yẽ ne wanzurfã, ne fu-yorgã la sãnem gilgã, n paas a kom-dibli la a kom-pugli, a loalga, a bõanga, a rũm bõonese, a rooga raad la pɛɛla la a sẽn da so fãa. Israyɛl zãma wã fãa yãag-a lame n tees Akor weoogo.

Zozuwe 7:24 Iomraidhean Croise

Sɩngrẽ 18:25

Tɩ naag nin-tɩrs ne nin-wẽns n kʋ? Yell a woto buud maaneg zãra ne yãmba. Yãmb na n kɩtame tɩ nin-tɩrs paam sɩbgr ning nin-wẽnsã sẽn na n paamã sɩda? Yel-kãng buud maaneg zãra ne yãmba. Yãmb sẽn yaa dũniyã fãa bʋ-kaoodã, yãmb na n maana a wãn n kao bʋʋdã kegre.»

A. Zoobe 20:15

Yẽnda na n wʋba arzegs nins yẽnda sẽn dag n dɩ wã. Wẽnnaam na n vaaga bãmb n yiis yẽ pʋgẽ wã.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yelbũna 15:27

Ned sã n nong zãmb paoongo, a wata ne zu-beed a meng zak pʋga, la sẽn kis-a zãmb kũun na n vɩɩmdame n kaoose.

Kowelɛt 5:13

Yẽnda arzegsã tũnugda tʋʋm-beed n menem zãnga. Yẽnda sẽn dog bi-ribl ningã ka tar bũmb baa fɩ a nugẽ ye.

A Ezayi 65:10

Saaron tẽn-nabdrã na n lebga rũm-bãooneg wãbneg zĩiga, la Akoor longã na n lebga rũm-bɛd gãag zĩiga, yaa mam neb nins sẽn lebg n baood maamã yĩnga.»

A Ooze 2:15

Maam a Sẽn-Ka-Saab yetame: «Mam na n sɩbg-a lame, ray nins yẽnda sẽn yõog wisd n kõ a Baallã yĩnga. Yẽnda rag n ningda tʋblond ne muizãan n kẽnd a roelsen-dãmbã nengẽ, la maam, yẽnda yaool n yĩm mam yelle.»

Zozuwe 15:7

la toadgã kell n tũu Debɩɩr n yegl Akoor longã sẽn be rɩtgã n teesd Gilgall sẽnẽ, n kell n get Adumim rʋʋdgã sẽn be ko-soogã goabgã. A yegda Ɛn-Semees ko-bundmã, n tɩ tãag Ɛn-Rogɛlle.

Zozuwe 22:20

A Zerak biig a Akã sẽn dag n maan yel-wẽnd n beeg Sẽn-Ka-Saabo, yɩɩ Israyɛll nebã fãa n kẽ kongr pʋga, tɩ Sẽn-Ka-Saab sũur puugi. La ka yɩ yẽnda a yembr n ki a beegrã yĩng ye.»

Zozuwe 6:18

La bɩ ned kam fãa gũus n da sɩɩs bũmb ning b sẽn segd n sãamã ye, tɩ b sẽn segd n sãam-bã, bɩ ned da rɩk b bũmb ye. Ned sã n maan woto, a na n waa ne kãab-wẽng ne zũnglug Israyɛll tãb-biisã zugu.

Zozuwe 6:21

Bãmb sãama bũmb nins fãa sẽn dag n be tẽngã pʋgã. Bãmb kʋʋ raopã, pagbã, kambã la nin-kẽembã, la b kʋ niigã, piisã la bõensã fãa ne zabr sʋʋga.

Zozuwe 7:1

La wakat-kãnga, Israyɛll nebã beega Wẽnnaam, n sɩɩs bũmb ning sẽn kisã: A Zeera biig a Zabdi biig a Karmi biig a Akã sẽn yaa Zʋʋda buudã nedã yãka teed nins sẽn yaa kisgã, la Sẽn-Ka-Saab sũur puuga ne Israyɛll nebã.

Zozuwe 7:23

Bãmb dɩka te-kãens fãa n yi fu-roogẽ wã n tall n wa a Zozoe ne Israyɛll nebã fãa nengẽ, la b rʋʋga teedã Sẽn-Ka-Saab taoore.

Zozuwe 7:26

La b wʋka kug n zam a Akã zugu, la kug-rʋrã ket n beeme hal tɩ ta rũndã. Dẽ, Sẽn-Ka-Saab sũur sigame. Yaa rẽnda yĩng n kɩt tɩ b ket n boond zĩ-kãng tɩ Akoore, sẽn dat n togs tɩ ‹toog tãn-long› hal tɩ ta rũndã.