Zozuwe 7:15 - WẼNNAAM SEBRE 2014

¹⁵ La b sẽn na n yãk ned ning n wilg tɩ yaa yẽnda n wa ne kãab-wẽngã, b na n yõog-a-la bugum, yẽnda ne bũmb nins fãa a sẽn so wã. Bala, a kɩɩsa kaool ning Sẽn-Ka-Saab sẽn kãabã, n maan sẽn kisi, n wa ne yell Israyɛll zugu.»

SEBR SÕNGO

¹⁵ B sẽn na n mik bũmb ning rɩkr sẽn kisa ned ning teedẽ, b yõogda a soab bugmẽ, yẽnda ne a sẽn so fãa, t'a sãama Soaala-Wẽnd zoodo, n maan wɩɩbdo, Israyɛl tẽmpeelmẽ.»

Zozuwe 7:15 Iomraidhean Croise

Sɩngrẽ 34:7

A Zakoob kom-dibli wã sẽn yi weoogẽ wã n wa, b wʋma yellã. Dẽ, bãmb sũyã sãama hal wʋsgo, la b sũyã yikame, a Sɩkɛm sẽn maan tʋʋm-beed ning a Israyɛll buudã pʋgẽ wã yĩnga. Yaa yẽnda sẽn gãand a Zakoob bi-pugl a Dina wã, yaool n dag n yaa bũmb sẽn yaa kisgu.

2 Sãmwɛlle 13:13

Mam na n deega yãnd a woto n kẽ yɛɛnẽ? La fo mengã na n lebga nin-yaalg Israyɛll pʋgẽ. Maan sugr la f tɩ gom ne rĩmã, tɩ tõe tɩ daar ning bɩ b sak n dɩk maam n kõ foom.»

Zozuwe 7:11

Israyɛll nebã beegame. Bãmb sãama kaool ning mam sẽn dag n maan ne bãmbã. Bãmb yãka bũmb ning sẽn yaa kisgã. B zuk-a lame n solge, b bĩng-a-la b teedã pʋga.

Zozuwe 7:16

A Zozoe sãda yibeoog pĩnda, n kɩt tɩ Israyɛll nebã kolg buud-buudu. La b yãka a Zʋʋda buudã.

Bʋ-kaoodba 20:10

Israyɛll buudã fãa sʋka, tõnd na n yãka neb piig neb koabg pʋgẽ, la d yãk neb koabg neb tusr pʋgẽ, la neb tusr neb tus-piig pʋgẽ. Nin-bãmb na n kẽngame, n tɩ bao rɩɩb n wa kõ Israyɛll neb nins sẽn kẽng n na n tɩ sɩbg Gibeya sẽn be Benzame soolmẽ wã nebã, wa sẽn zems yel-beed ning b sẽn maan Israyɛll pʋgẽ wã.»

Bʋ-kaoodba 20:5

Gɩbeya tẽnga taoor dãmb yika ne yʋngo, n wa gũbg roog ning mam sẽn dag n be a pʋgẽ wã, n na n zab ne maam. Yaa mam mengã la b rag baood n na n kʋ. La b baas n modga mam pagã n yõg-a hal t'a ki.

Bʋ-kaoodba 20:6

Dẽ, mam dɩka m pagã, n pas-a n tʋm Israyɛll buudã soolmã zĩiga fãa. Bala, nin-bãmbã sẽn maan bũmb ningã yaa yel-beed meng-meng Israyɛll pʋgẽ.

1 Sãmwɛlle 26:21

A Sayull yeelame: «M biig a Davɩɩde, lebg n wa tɩ mam kongame. Lebg n wa tɩ m ka na n leb n maan-f wẽng ye. Rũndã daarã, fo gesame tɩ mam vɩɩmã tara yõod wʋsgo. Ade, mam maana yalemdo, n tudg m meng tudg-kãsenga.»