Zozuwe 7:11 - WẼNNAAM SEBRE 2014

¹¹ Israyɛll nebã beegame. Bãmb sãama kaool ning mam sẽn dag n maan ne bãmbã. Bãmb yãka bũmb ning sẽn yaa kisgã. B zuk-a lame n solge, b bĩng-a-la b teedã pʋga.

SEBR SÕNGO

¹¹ Ad-a Israyɛl n maan wẽnga n sãam m zoodã. N-ye! Bũmb rɩkr sẽn kis la b rɩk yã, bũmb la b zuk yã n solg b teedẽ wã.

Zozuwe 7:11 Iomraidhean Croise

2 Rĩm-dãmba 18:12

Sẽn yɩ woto wã yaa tɩ Israyɛll nebã ka kelg Sẽn-Ka-Saab sẽn yaa bãmb Wẽnnaamã koɛɛg ye. Bãmb kɩɩsa kaoolã, la b ka kelg Sẽn-Ka-Saab tʋmtʋmd a Moyiis koɛɛgã, n maan bũmb nins fãa a sẽn yeelã ye.

2 Rĩm-dãmba 5:24

Bãmb sẽn wa n ta zĩig ning b sẽn boond tɩ Ofɛllã, a Geyaazi reega kũunã n bĩng a roogẽ, la a yeel a Naama tʋmtʋmdbã tɩ b looge, la b lebg n loogame.

A Ezayi 24:5

Tẽngã nebã n wẽneg n sãam tẽngã. Bala, bãmb kɩɩsda tõodã, b tõdga Sẽn-Ka-Saab noyã, la b sãama kaool ning sẽn be wakat fãa wã.

Zeremi 31:32

La ka na n yɩ wa kaool ning mam sẽn dag n maan ne b ba-rãmbã, daar ning mam sẽn gãd bãmb nus n tall-b n yiis Ezɩpt tẽngã ye. Bãmb sãama kaool-kãngã, baa ne mam sẽn yaa bãmb Zu-soabã. Maam Sẽn-Ka-Saab n yeele.

A Ooze 6:7

Yãmb kɩɩsa kaoolã wa Ãdem tẽngã. Yaa beenẽ la yãmb zãmb maam.

Maan‑kʋʋre 5:15

«Ned sã n beege, baa beegrã sã n yaa yĩdgu, a sã n yãk bũmb ning sẽn welg toor Sẽn-Ka-Saab yĩngã, ad bũmb ning yẽnda sẽn tog n tall n wa Sẽn-Ka-Saab taoor a beegrã yĩnga: Yaa pe-raoog sẽn ka tar zang a sẽn yãk a rũm-bãoonegã sʋka, la pe-raoog ning sẽn na n yɩ maoong beegrã yĩngã ligd tog n zemsa ne yaood ning b sẽn zĩnig sɛk roogã pʋgẽ wã.

Abakuk 2:6

Bu-bãmb fãa na n wẽneg n yaala bãmba, n dɩk-b tɩ b lebg yel-bũndi. Bãmb na n yetame: «Gese, toog bee ned ning sẽn wʋkd a sẽn ka so zugu, yãmb na n fãa nebã hal tɩ ta dabʋre? Yaa sam bal la a wʋkd n samd a menga!

Zakari 5:4

Sẽn-Ka-Saab yeelame: «Mam na n yiis a kãab-wẽngã t'a tõe n kẽ wagdrã roogẽ, ne sẽn wẽend-a zĩrẽ wẽeneg ne mam yʋʋrã roogẽ, n pa be n sãam yẽnda ne a raadã la a kugã.»

A Matiye Sõng 22:21

La b leokame: «Yaa Sezaar dẽnda.» Dẽ a Zeezi yeela bãmba: «Sã n yaa woto, bɩ y lebs Sezaar bũmb ning sẽn yaa Sezaar dẽnda, la y lebs Wẽnnaam bũmb ning sẽn yaa Wẽnnaam dẽnda.»

Tʋʋma 5:9

Dẽ, a Pɩyɛɛr yeela yẽnda yaa: Yɩɩ a wãn tɩ yãmb sed ne taab n na n mak Zu-soabã Sɩɩga? Gese, neb nins sẽn mum fo sɩdã bee rignoorẽ, la bãmb na n dɩka foom me n looge.

Yaoolem 17:2

Sã n mikame tɩ tẽms nins Sẽn-Ka-Saab sẽn yaa yãmb Wẽnnaamã sẽn kõ yãmbã pʋga, rao bɩ pag n be tẽng a yembr pʋgẽ, n maand sẽn yaa wẽng Sẽn-Ka-Saab sẽn yaa yãmb Wẽnnaamã nifẽ, n bas b kaoolã,

Ebre rãmba 4:13

Bõn-naandg baa a yembr ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.

Zozuwe 7:1

La wakat-kãnga, Israyɛll nebã beega Wẽnnaam, n sɩɩs bũmb ning sẽn kisã: A Zeera biig a Zabdi biig a Karmi biig a Akã sẽn yaa Zʋʋda buudã nedã yãka teed nins sẽn yaa kisgã, la Sẽn-Ka-Saab sũur puuga ne Israyɛll nebã.

Zozuwe 7:10

Wẽnnaam yeela a Zozoe yaa: «Yiki! Yaa bõe tɩ f fõgend f neng tẽnga?

Bʋ-kaoodba 2:20

La Sẽn-Ka-Saab sũur puuga ne Israyɛll nebã tɩ b yeele: «Bu-kãngã sẽn sãam mam kaoolã mam sẽn dag n gʋls n kõ b yaab-rãmbã, la b sẽn ka kelg mam goamã yĩnga,

1 Sãmwɛlle 14:38

A Sayull yeelame: «Yãmb fãa sẽn yaa nebã nanambsã, yãmb mens bãnga bũmb ning sẽn wilgd tɩ yãmb beega rũndã wã.