Zozuwe 7:1 - WẼNNAAM SEBRE 2014

¹ La wakat-kãnga, Israyɛll nebã beega Wẽnnaam, n sɩɩs bũmb ning sẽn kisã: A Zeera biig a Zabdi biig a Karmi biig a Akã sẽn yaa Zʋʋda buudã nedã yãka teed nins sẽn yaa kisgã, la Sẽn-Ka-Saab sũur puuga ne Israyɛll nebã.

SEBR SÕNGO

¹ Israyɛl kamba tõdgame n dɩk bũmb dɩkr sẽn lebg kisgu. A Akã n dɩk sẽn kisã tɩ Soaala-Wẽnd sũur puugi ne Israyɛl kamba. A Akã yaa a Karmi biiga, t'a Karmi ba yaa a Zabdi, t'a Zabdi yaa a Zera biiga, a Zɩɩda roogẽ.

Zozuwe 7:1 Iomraidhean Croise

Sɩngrẽ 34:27

A Zakoob kambã kẽngame n tɩ kʋ tẽngã nebã, la b zɛ b sẽn so wã, tɩ bala, b sãama bãmb tão-poaka.

2 Sãmwɛlle 24:1

Sẽn-Ka-Saab sũur leb n yika ne Israyɛll nebã, la b kɩtame t'a Davɩɩd maan yell n yeel tɩ b sõd Israyɛll ne Zʋʋda nebã fãa.

2 Rĩm-dãmba 5:24

Bãmb sẽn wa n ta zĩig ning b sẽn boond tɩ Ofɛllã, a Geyaazi reega kũunã n bĩng a roogẽ, la a yeel a Naama tʋmtʋmdbã tɩ b looge, la b lebg n loogame.

1 Kibayã 21:7

Wẽnnaam sũur ka yɩ noog ne a Davɩɩd yam-yãkrã ye. Rẽ kɩtame tɩ b sɩbg Israyɛlle.

2 Kibayã 24:18

Bãmb basa Sẽn-Ka-Saab sẽn yaa bãmb yaab-rãmbã Wẽnnaamã roogo, n waoog a Aseera ra-lugdsã, la wẽn-naands a taaba. Sẽn-Ka-Saab sũurã puug ne Zʋʋda la Zeruzalɛm nebã.

Esdras 9:6

La mam pʋʋsa Wẽnnaam n yeel yaa: «Mam Wẽnnaam, yãnd n tar maam, yãndã tara maam tɩ m ka tol n tõe n zẽk m neng yãmb taoor ye. Tõnd yel-wẽnã yaa wʋsgo, tɩ b zãntlmã yɩɩd tõnd woglmã, tõnd beegrã zamame n tol n tat saasẽ.

A. Zoobe 35:8

Yaa ninsaal wa foom bal n paamd toog fo wẽngã yĩnga. Fo tɩrlmã nafda ninsaalbã bala.

Kowelɛt 9:18

Yam n são zab-teedo, la yel-wẽn maand a yembr sãamda bõn-sõama wʋsgo.

A Dãniyɛlle 9:7

Zu-soaba, yãmb yaa tɩrlem soaba, la rũndã daarã, yãndã bee tõnd sẽn yaa Zʋʋda ne Zeruzalɛm nebã zugu, la Israyɛll gillã fãa neb zugu. Yaa sẽn pẽ-ba, la sẽn zãr-bã. Bãmb bee tẽms nins yãmb sẽn dag n dig-b tɩ b kẽngã pʋse, b sẽn kɩɩs yãmbã yĩnga.

Maan‑kʋʋre 10:6

A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.

A Zonaase 1:7

La koglgã pʋg nebã goma ne taab n yeel yaa: «Wa-y tɩ d maan poeer n bãng sẽn yaa ned ning yĩng la yel-kãngã paamd tõndo.» La bãmb maana poeere, la poeerã wilgame tɩ yaa a Zonaase.

Zozuwe 22:16

«Ade, Sẽn-Ka-Saab nebã fãa sokdame yaa: Bõe yĩng tɩ yãmb beeg Sẽn-Ka-Saab sẽn yaa Israyɛll Wẽnnaamã a woto. Yãmb wẽnemd n basa Sẽn-Ka-Saab n maan tẽn-kugr y mens yĩnga, n wẽnemd n bas Sẽn-Ka-Saab rũndã?

Zozuwe 22:18

Yãmb sã n yik n bas Sẽn-Ka-Saab rũndã, yãmb sã n kɩɩs Sẽn-Ka-Saabo, beoogo, bãmb sũurã na n yika ne Israyɛll nebã fãa.

Zozuwe 22:20

A Zerak biig a Akã sẽn dag n maan yel-wẽnd n beeg Sẽn-Ka-Saabo, yɩɩ Israyɛll nebã fãa n kẽ kongr pʋga, tɩ Sẽn-Ka-Saab sũur puugi. La ka yɩ yẽnda a yembr n ki a beegrã yĩng ye.»