Zozuwe 6:6 - WẼNNAAM SEBRE 2014

⁶ A Nun biig a Zozoe boola maan-kʋʋdbã n yeel-b yaa: «Bɩ y tʋk kaoolã koglgã, tɩ maan-kʋʋdb a yopoe zã bard a yopoe sẽn maan ne pe-raad yɩɩla, n lʋɩ Sẽn-Ka-Saab kaoolã koglgã taoore.»

SEBR SÕNGO

⁶ A Nun biig a Zozuwe, boola maan-kʋʋdbã n yeel-ba: «Tʋk-y kuga walsa koglgo la neb a yopoe lʋɩ taoor ne bard sẽn maan ne pe-raad yɩɩla.»

Zozuwe 6:6 Iomraidhean Croise

Yikri 25:14

Rɩk ra-bɩlmã n tui tuiidsã sẽn be koglgã kɩremsã, tɩ b tar bãmb n zãad koglgã.

Tʋʋma 9:1

Baoosgo, a Soll sẽn dag n ket n namsd Zu-soabã karen-biis n dat kʋ-bã, a kẽnga maan-kʋʋdbã kãsem nengẽ

Zozuwe 24:11

Yãmb pɩʋʋga Zʋrdẽ kʋɩlgã n ta Zeeriko. Zeeriko rãmbã yikame n zab ne yãmba, n paas ne Amoor-dãmbã, Perɛɛz-rãmbã, Kana-rãmbã, Hɛt-rãmbã, Garazim-rãmbã, Hevi-rãmbã ne Zebuus-rãmbã. La mam kɩtame tɩ yãmb tõog-ba.

Zozuwe 3:3

n yeel nebã yaa: «Yãmb sã n wa n yãnd tɩ Leevi buudã sẽn yaa maan-kʋʋdbã tʋk Sẽn-Ka-Saab sẽn yaa yãmb Wẽnnaamã kaoolã koglgã, bɩ y yik n yi zĩig ning yãmb sẽn beẽ wã n pʋgl a poore.

Zozuwe 3:6

A Zozoe yeela maan-kʋʋdbã yaa: «Tʋk-y kaoolã koglgã n lʋɩ nebã taoore.» La bãmb tʋka kaoolã koglgã n lʋɩ nebã taoore.

Zozuwe 6:13

Maan-kʋʋdb a yopoe wã sẽn zãad bard a yopoe sẽn maan ne pe-raad yɩɩl n be Sẽn-Ka-Saab kaoolã koglg taoorã sɩnga kẽna, la b peebd bardã. Tãb-biis nins sẽn tog n be taoorã lʋɩ bãmb taoore, tɩ tãb-biis nins sẽn tog n pa poorẽ wã pʋgd Sẽn-Ka-Saab kaoolã koglgo. Bardã rag n peebdame tɩ nebã kẽnda.

Zozuwe 6:5

La yãmb sã n wʋm baorgã peebg rãamde, bɩ nebã fãa zẽk b koees n kaas ne koe-kãsenga. La wakat-kãng bala, tẽngã lalg na n sirgame n lʋɩ a toore, la ned kam fãa na n kell n tũu zĩig ning a sẽn beẽ wã n kẽ.»

Zozuwe 6:7

Dẽ, a Zozoe yeela nebã yaa: «Kẽng-y-yã, gilg-y tẽngã, la bɩ tãb-biis nins sẽn tog n lʋɩ taoorã lʋɩ Sẽn-Ka-Saab kaoolã koglg taoore.»

Zozuwe 6:8

B maana bũmbã fãa wa a Zozoe sẽn yeel tɩ b maanã: Maan-kʋʋdb a yopoe wã sẽn dag n zãad bard a yopoe sẽn maan ne pe-raad yɩɩlã lʋɩɩ Sẽn-Ka-Saab kaoolã koglgã taoor n kẽnd la b peebd bardã.

1 Sãmwɛlle 4:3

Dẽ, Israyɛll nebã lebg n leba b tãb-sikẽ wã, la Israyɛll kãsem-dãmbã sokame: «Yaa wãn tɩ Sẽn-Ka-Saab bas tɩ Filistẽ-dãmbã tõog tõndo? Wa-y tɩ d kẽng Sɩlo n tɩ tall Sẽn-Ka-Saab kaoolã koglgã n wa. Bɩ Sẽn-Ka-Saab wa tõnd sʋka, n fãag-d d bɛɛbã nugẽ.»