Zozuwe 6:4 - WẼNNAAM SEBRE 2014

⁴ Gilgrã wakate, bɩ maan-kʋʋdb a yopoe zã bard a yopoe sẽn maan ne pe-raad yɩɩla, n lʋɩ kaoolã koglgã taoore. Rasem a yopoe wã daare, bɩ y gilg tẽngã naoor a yopoe, tɩ maan-kʋʋdbã peeb bardã.

SEBR SÕNGO

⁴ Maan-kʋʋdba a yopoe n na n lʋɩ zood kasetã, kuga walsa koglga, taoore ne bard a yopoe. Daar a yopoe soaba, y na n gilga tẽnga naoor a yopoe la wakat kãnga, maan-kʋʋdba na n peeba b bardã sẽn maan ne pe-raad yɩɩla.

Zozuwe 6:4 Iomraidhean Croise

Sɩngrẽ 2:3

Woto, Wẽnnaam ninga rasem a yopoe wã daar barka, n welg-a toor b mengã yĩnga. Bala, bãmb vʋʋsa badaar ne tʋʋm nins fãa bãmb sẽn maanã.

1 Rĩm-dãmbã 18:43

La a Eli yeela a rakõorã yaa: «M kos tɩ f rʋ n ges ko-kãsengã sẽnẽ.» La a rakõorã rʋʋme n ges n yeele: «Mam ka ne bũmb ye.» A Eli tʋm-a lame t'a tɩ ges naoor a yopoe.

2 Rĩm-dãmba 5:10

A Eliize tʋma ned t'a yi n yeel a Naama yaa: «Kẽng Zʋrdẽ kʋɩlgã pʋg n tɩ lis naoor a yopoe, la f yĩn-gãong bãagã na n sɛɛme tɩ f lebg yɩlemde.»

2 Rĩm-dãmba 5:14

Dẽ, a Naama sigame n kẽ Zʋrdẽ koomã pʋg n lis naoor a yopoe wa Wẽnnaam dao a Eliize sẽn dag n yeel yẽnda wã. La a yĩn-gãong bãagã sɛɛme, t'a lebg yɩlemde. A yĩngã rag n lebga wa bi-bilf yĩnga.

2 Kibayã 13:12

La ade, Wẽnnaam n yaa tõnd naaba, la tõnd tara bãmb maan-kʋʋdbã ne tãntãadã sẽn tar n peebdẽ wã n na n peeb n zab ne yãmba. Dẽ, Israyɛll kamba bɩ y ra zab-y ne Sẽn-Ka-Saab sẽn yaa yãmb yaab-rãmb Wẽnnaamã ye. Bala, yãmb ka na n tõog ye.»

2 Kibayã 20:17

La bãng-y tɩ ka zabr la y na n zab ye. Kẽng-y be n tɩ yalse, yals-y yĩngr bal n ges fãagr ning Sẽn-Ka-Saab sẽn na n fãag Zʋʋda ne Zeruzalɛm nebã. Da zoe-y rabeem, la ra yɛɛs-y ye! Beoogo, bɩ y yi n seg-ba, la maam a Sẽn-Ka-Saab na n zĩnda ne yãmba.»

2 Kibayã 20:19

La a Kehat yagensã, ne a Koore yagensã sẽn yaa Leevi buudã nebã yikame n zẽk b koees ne pãnga, n pẽg Sẽn-Ka-Saab sẽn yaa Israyɛll Wẽnnaamã.

2 Kibayã 20:21

Woto, a Zozafat yẽsa ne nebã, la a yãk yɩɩn-yɩɩndb Sẽn-Ka-Saab yĩnga, tɩ b na n lʋɩ tãb-biisã taoore, n pẽgd Sẽn-Ka-Saab b sẽn yaa pʋ-peelem soabã yĩng n yetẽ: «Pẽg-y Sẽn-Ka-Saabo! Bala, bãmb nonglmã paada wakat fãa!»

A. Zoobe 42:8

Moasã, bao-y lols a yopoe ne pe-raad a yopoe, n kẽng mam tʋmtʋmd a Zoob nengẽ n tɩ maan maoong sẽn yõogd bugum y mensã yĩnga. La mam tʋmtʋmd a Zoob sã n pʋʋs maam yãmb yĩnga, mam sẽn nand-a wã yĩnga, mam na n deega a pʋʋsgã n ka maan yãmb wa sẽn zems y yalemdã ye. Bala, yãmb ka gom mam yell neer wa m tʋmtʋmd a Zoob ye.»

A Ezayi 27:13

Badaare, b na n peeba baor-bedre, dẽ, neb nins sẽn dag n menem n be Asiiri tẽngã, ne neb nins sẽn sãeeg n be Ezɩpt tẽngã na n waame. Bãmb na n wõgemda Sẽn-Ka-Saab taoore, tãn-sõngã sẽn be Zeruzalɛmã zugu.

Maan‑kʋʋre 14:16

La bɩ maan-kʋʋdã tẽk kaamã sẽn be yẽnda goabg nugã pʋgã ne a rɩtg nug-bil n mes Sẽn-Ka-Saab taoor naoor a yopoe.

Maan‑kʋʋre 4:6

Yẽnda na n dɩka a nug-bil n tẽk zɩɩmã pʋga, n mes-a naoor a yopoe Sẽn-Ka-Saab taoore, n tees fu-lillidgã sẽn be zĩ-sõngẽ wã sẽnẽ.

Zakari 4:2

Yẽnda soka maam yaa: «Fo nee bõe?» La mam leokame: «Mam nee fɩtl doagendg sẽn yaa sãnem gilli, n tar tʋk sẽn be a yĩngrã, la fɩtl-dãmb a yopoe n dog a zugu, la fɩtl fãa tara yõgneg zĩis a yopoe sẽn be a zugẽ wã.

Zakari 4:6

Dẽ, malɛɛkã yeela maam yaa: «Ad Sẽn-Ka-Saab koɛɛg a Zorobabɛll yĩnga: ‹Ka ne gãndaalem, leb n ka ne pãng me ye. Yaa ne mam sɩɩgã. Yaa maam a Sẽn-Ka-Saab sẽn yaa Saasẽ-Pãng-Soabã n yeele.»

Sõadga 23:1

A Balaam yeela a Balak yaa: «Me tẽn-kug a yopoe ka, la f tall lols a yopoe, ne pe-raad a yopoe n wa kõ-ma.»

Zozuwe 6:13

Maan-kʋʋdb a yopoe wã sẽn zãad bard a yopoe sẽn maan ne pe-raad yɩɩl n be Sẽn-Ka-Saab kaoolã koglg taoorã sɩnga kẽna, la b peebd bardã. Tãb-biis nins sẽn tog n be taoorã lʋɩ bãmb taoore, tɩ tãb-biis nins sẽn tog n pa poorẽ wã pʋgd Sẽn-Ka-Saab kaoolã koglgo. Bardã rag n peebdame tɩ nebã kẽnda.

Zozuwe 6:3

Foom ne f tãb-biisã na n gilga tẽngã vugr daar fãa hal tɩ ta rasem a yoobe.

Zozuwe 6:5

La yãmb sã n wʋm baorgã peebg rãamde, bɩ nebã fãa zẽk b koees n kaas ne koe-kãsenga. La wakat-kãng bala, tẽngã lalg na n sirgame n lʋɩ a toore, la ned kam fãa na n kell n tũu zĩig ning a sẽn beẽ wã n kẽ.»

Vẽnegre 1:20

Ad ãds a yopoe wã fo sẽn yã mam rɩtgã ne sãnem fɩtl-dogends a yopoe wã yel-solemdã võore: Ãds a yopoe wã yaa wẽnd-dot a yopoe sẽn be tẽms a yopoe wã gũudba, la sãnem fɩtl-dogends a yopoe wã yaa wẽnd-dot a yopoe wã sẽn be tẽms a yopoe wã.

Vẽnegre 1:4

Maam a Zã n tʋmd seb‑kãngã wẽnd-dot a yopoe wã sẽn be Aazi Porvẽnsã pʋgẽ wã. Bɩ soab ning sẽn be, la sẽn dag n be la sẽn watã, n paas sɩɩs a yopoe wã sẽn be bãmb geerã taoorã, la a Zeezi Kiris sẽn yaa kaset soab sẽn yaa tɩrga, la pipi soab Wẽnnaam sẽn vʋʋg n bas kũum la dũniyã rĩm-dãmbã Rĩmã ning yãmb zut barka, la b kõ-y bãane. Soab ning sẽn nonga tõndo, n pek tõnd ne b zɩɩmã

Vẽnegre 10:3

A zẽka a koɛɛg n tãs ne pãng wa gɩgemd sẽn kelemde. Malɛɛkã sẽn kelmã, sa-kelems a yopoe wã gomame tɩ nebã wʋme.

Vẽnegre 15:1

Dẽ poore, mam yãnda bãnd a to arzãn sẽn yaa kãseng n sek gesgo. Yaa malegs a yopoe sẽn da zãad tood a yopoe, yaoolem dãmbã. Bala yaa ne to-kãens la Wẽnnaam sũ-puugrã na n pidsi.

Vẽnegre 15:7

Ned a yembr bõn-vɩɩs a naasã sʋk kõo malegs a yopoe wã sãnem laas a yopoe sẽn pid ne Wẽnnaam sẽn vɩ zamaan woo zamaanã sũ-puugri.

Vẽnegre 16:1

Mam wʋma koe-kãseng sẽn yi wẽnd doogẽ wã n yeel malegs a yopoe wã yaa: Kẽng-y n tɩ kiig-y Wẽnnaam sũ-puugrã sẽn be laas a yopoe wã pʋsã dũniyã zugu.

Vẽnegre 5:1

La mam yãnda sebr sẽn be sẽn zao-a geerã zugã nug‑rɩtgẽ. Sebrã pʋg ne a poorã fãa gʋlsame, la b sog-a-la ne sogds a yopoe.

Vẽnegre 5:6

La mam yãnda pe-bil sẽn yas yĩngr geerã sʋka, la bõn-vɩɩs a naasã ne kãsem-dãmbã sʋka, la a yaa wa pesg b sẽn kodge. Pe-bilã dag n tara yɩɩl a yopoe la nin a yopoe sẽn yaa Wẽnnaam sɩɩs a yopoe wã b sẽn tʋm dũniyã tɛk fãa wã.

Vẽnegre 8:2

Mam yãnda malegs a yopoe sẽn yas Wẽnnaam taoorã, la b kõ-b-la bard a yopoe.

Vẽnegre 8:6

La malegs a yopoe wã sẽn da zãad bard a yopoe wã seglame n na n peeb bardã.