Zozuwe 6:24 - WẼNNAAM SEBRE 2014

²⁴ B yõoga tẽngã bugum ne bũmb nins fãa sẽn dag n be a pʋgẽ wã. Yaa wanzuri wã, sãnemã la bũmb nins sẽn maan ne zũudu, la kutã bal la b tall n tɩ ning Sẽn-Ka-Saab laogã bĩngr zĩigẽ.

SEBR SÕNGO

²⁴ Tẽnga ne a teed fãa dɩɩ bugum, sã n ka wanzurf, sãnem, zũudu la kutu b sẽn tall n tɩ ning Soaala-Wẽnd doogẽ.

Zozuwe 6:24 Iomraidhean Croise

2 Sãmwɛlle 10:5

B rɩka yellã n taas a Davɩɩde, la yẽnda tʋma ned t'a kẽng n tɩ seg-ba, bala, nin-bãmbã sɩd dag n bee yãn-kẽeng pʋga. Rĩmã tʋmame tɩ b tɩ yeel-b yaa: «Pa-y Zeeriko hal tɩ y toeemsã yi, tɩ y yaool n wa.»

2 Rĩm-dãmba 25:9

Yẽnda ninga Sẽn-Ka-Saab roogã ne rĩmã zakã, la Zeruzalɛm dotã fãa bugum. Yẽnda ninga ro-bɛdã fãa bugum.

1 Kibayã 18:11

Rĩm a Davɩɩd rɩka wanzuri wã ne sãnemã yẽnda sẽn dag n deeg buud a taabã fãa nengẽ wã, Edom, Moaabe, Amo nebã, Filistẽ-dãmbã ne Amalɛk nebã nengẽ wã, n kõ Sẽn-Ka-Saabo.

Sõadga 31:10

La Israyɛll nebã yõoga Madiyã nebã tẽmsã, ne b sik zĩisã fãa bugum.

Yaoolem 13:16

bɩ y kʋ tẽngã neb ne b rũmsã fãa ne zabr sʋʋga. Sãam-y tẽngã ne bũmb nins fãa sẽn be a pʋgẽ wã.

Yaoolem 13:17

Bɩ y wʋk teedã fãa n wa tẽngã zĩ-sõasdgẽ, la y yõog tẽngã ne bũmb nins fãa sẽn be a pʋgẽ wã bugum Sẽn-Ka-Saab sẽn yaa yãmb Wẽnnaamã yĩnga, t'a lebg bug-toaalg wakat fãa. Bɩ b ra leb n me-a ye.

Yaoolem 20:16

La sã n yaa ne buud nins tẽms Sẽn-Ka-Saab sẽn kõ yãmb tɩ y soogã pʋgẽ, ra bas-y bũmb baa a yembr tɩ vɩɩmd ye.

Zozuwe 11:11

B kʋʋ bãmb fãa ne zabr sʋʋga, la b sãam neb nins fãa sẽn dag n be tẽngã pʋgã, n ka bas ned ba a yembr tɩ põs ye. La b yõoga Hasoor tẽngã bugum.

Zozuwe 6:19

La wanzuri wã ne sãnemã, la bũmb nins fãa sẽn maan ne zũudu, la kutã fãa yaa Sẽn-Ka-Saab n so. B tog n naag-b-la Sẽn-Ka-Saab laog bĩngr zĩigẽ.»

Zozuwe 6:25

La pʋg-yoodr a Rahaab ne a buudã, ne neb nins sẽn yaa yẽnda nebã, a Zozoe bas-b lame n ka kʋ ye. La a Rahaab kell n paa ne Israyɛll nebã n tãag rũndã. Yẽnda sẽn dag n solg neb nins a Zozoe sẽn dag n tʋm tɩ b tɩ gũus Zeeriko tẽngã yĩnga.

Zozuwe 8:28

A Zozoe yõoga Ayi tẽngã bugum n kɩt t'a lebg raboog hal tɩ ta rũndã.

Vẽnegre 17:16

Yɩɩl piigã fo sẽn yãndã, n paas rũngã na n kisga pʋg-yoodrã, n dees a futã n bas-a a zaala, la b wãb a nemdã, la b ning-a bugum t'a rɩ tẽma.

Vẽnegre 18:8

Rẽnda yĩngã, yẽnda toodã na n waa daar a yembr pʋgẽ. Bãag sẽn na n kʋ-a, sũ-sãanga, kom, la bugum na n dɩ-a lame. Bala, Zu-soab a Wẽnnaam, sẽn kaood-a yẽnda bʋʋdã yaa pãn-kẽeng soaba.