Zozuwe 6:21 - WẼNNAAM SEBRE 2014

²¹ Bãmb sãama bũmb nins fãa sẽn dag n be tẽngã pʋgã. Bãmb kʋʋ raopã, pagbã, kambã la nin-kẽembã, la b kʋ niigã, piisã la bõensã fãa ne zabr sʋʋga.

SEBR SÕNGO

²¹ B reega Wẽnd n so-zãnga noore, la woto, sẽn da be-b tẽnga pʋgẽ fãa, b kood-b la gilli: rapa, pagba, nin-kẽemse, kom-bõonego, niisi, piisi, bõeense.

Zozuwe 6:21 Iomraidhean Croise

1 Rĩm-dãmbã 20:42

Dẽ, Wẽnnaam no-rɛɛsã yeela Israyɛll rĩmã yaa: «Ade, Sẽn-Ka-Saab yetame: ‹Fo sẽn bas ned ning mam sẽn kãab t'a tog n kiime wã t'a põsã, b na n kʋʋ foom n lebse, la b kʋ fo nebã n led yẽnda nebã zĩigẽ.› »

Zeremi 48:18

Diyõ tẽn-neerã nebã, Sig f ziirã geer zugu! Sig n zĩnd tẽn-koɛɛngã zugu, bala Moaab sãamdã yika zabr ne foom, a sãamda fo pãng zĩisã.

Yaoolem 13:16

bɩ y kʋ tẽngã neb ne b rũmsã fãa ne zabr sʋʋga. Sãam-y tẽngã ne bũmb nins fãa sẽn be a pʋgẽ wã.

Yaoolem 2:34

Wakat-kãnga, tõnd deega a tẽmsã fãa n kʋ pagbã ne raopã la kambã n ka bas yẽnda ned baa a ye t'a põs ye.

Yaoolem 7:16

Fo na n sãama buud nins fãa Sẽn-Ka-Saab sẽn yaa fo Wẽnnaamã sẽn na n kɩt tɩ f tõogã. Ra zoe b nimbãaneg ye. Ra tũ-b wẽnnaam-dãmbã ye. Bala, na n yɩ bẽdg fo yĩnga.

Zozuwe 10:28

Badaar bala, a Zozoe tõoga Makeda tẽngã, n kʋ a nebã ne b rĩmã ne zabr sʋʋga. Yẽnda kʋʋ nebã fãa ne neb nins fãa sẽn dag n be tẽngã pʋgẽ be wã, n ka bas tɩ ned ba a yembr põs ye. Yẽnda maana Makeda rĩmã wa yẽnda sẽn dag n maan Zeeriko rĩmã to-to wã.

Zozuwe 10:39

Bãmb tõoga Debɩɩr tẽngã ne a rĩmã, ne tẽn-bãooneg nins fãa yẽnda sẽn so wã. Israyɛll nebã kʋʋ Debɩɩr nebã ne zabr sʋʋga, baa ne neb nins fãa sẽn dag n be tẽngã pʋgẽ wã, n ka bas ned ba a yembr tɩ põs ye. A Zozoe maana Debɩɩr tẽngã ne a rĩmã wa yẽnda sẽn dag n maan Ebrõ la Libna neb rĩm-dãmbã to-to wã.

Zozuwe 11:11

B kʋʋ bãmb fãa ne zabr sʋʋga, la b sãam neb nins fãa sẽn dag n be tẽngã pʋgã, n ka bas ned ba a yembr tɩ põs ye. La b yõoga Hasoor tẽngã bugum.

Zozuwe 11:14

Israyɛll nebã wʋka tẽn-bãmb paoongã fãa ne b rũmsã n sooge. La b kʋʋ nebã fãa ne zabr sʋʋg n ka bas ned baa yembr tɩ vɩɩmd ye.

Zozuwe 8:2

Fo sẽn maan Zeeriko ne a rĩmã to-to wã, f na n maana Ayi ne a rĩmã me a woto. La y sã n tõog tẽngã, bɩ y wʋk te-zɛɛdmã ne rũmsã n sooge. Bɩ f yãk tãb-biis n tʋm tɩ b tɩ soond Ayi tẽngã poore.»

Zozuwe 8:22

Israyɛll neb a taabã yii tẽngẽ wã n seg bãmba, la Israyɛll nebã gũbga Ayi nebã zĩigã fãa tɩ b be sʋka. Israyɛll nebã kʋʋ bãmb tɩ ned ba a yembr ka põs ye.

Zozuwe 9:3

Gabawõ nebã me wʋma a Zozoe sẽn maan Zeeriko ne Ayi bũmb ningã.

Vẽnegre 18:21

Dẽ, malɛɛk sẽn tar pãng tebga kugr sẽn wẽnd neer sẽn yaa bedr n lob-a ko-kãsengã pʋgẽ n yeele: B na n tusa Babilond sẽn yaa tẽn-kãsengã a woto ne pãng n lubi, la ned kõn leb n yãnd-a yɛs ye.

1 Sãmwɛlle 15:3

Moasã, bɩ f kẽng n tɩ zab ne Amalɛk nebã, n sãam bũmb nins b sẽn tarã zãnga. Da zoe-y b nimbãaneg ye. Kʋ-y pagbã ne raopã, kambã ne kom-peelsã, niigã ne piisã, la yʋgma wã ne bõensã fãa.»

1 Sãmwɛlle 15:8

Yẽnda yõka Amalɛk rĩm a Agaag vɩɩga, la a kʋ nebã fãa ne sʋʋga.