Zozuwe 5:9 - WẼNNAAM SEBRE 2014

⁹ Sẽn-Ka-Saab yeela a Zozoe yaa: «Rũndã, mam yiisa Ezɩpt rãmbã yãnd yãmb zutu.» La b pʋda zĩ-kãng yʋʋr tɩ Gilgalle, la a yʋʋrã kell n paa woto hal tɩ ta rũndã.

SEBR SÕNGO

⁹ Naaba-Wẽnd yeela a Zozuwe: «Dũnna m dɩka Ezipt rẽgdã n gil-gil-a n lob yɩɩga.» Yaa rẽ yĩng la tẽnga boond tɩ Gilgal n tol n tãag rũnna.

Zozuwe 5:9 Iomraidhean Croise

Sɩngrẽ 34:14

A Zakoob kambã yeela bãmb yaa: «Tõnd ka tõe n dɩk d tão wã n kõ ned sẽn ka kẽ bãong t'a maan a pag ye, yõwã yaa yãnd ne tõndo.

2 Sãmwɛlle 19:15

A Davɩɩd goamã tõogame tɩ Zʋʋda nebã fãa paam yam a yembre, n lebg wa nin-yende. La Zʋʋda nebã tʋma koɛɛg n yeel rĩmã t'a lebg n wa ne a nebã fãa.

A Neemi 12:29

Bãmb leb n yii Bɛt-Gilgalle, ne Geba soolmẽ wã, ne Azmavɛt soolmã sẽn gilg Zeruzalɛmã n wa.

Yɩɩn‑sõamyã 119:39

Zãag-y maam ne paoogrã mam sẽn zoetã. Bala, yãmb bʋʋdã yaa sõama.

Zeremi 9:25

Yaa Ezɩpt ne Zʋʋda la Edom ne Amo nebã, la Moaab ne we-raoogã neb nins sẽn kõogd b yɛɛmã. Bala, buud toay-toayã fãa ka kẽ bãong ye, la Israyɛll buudã fãa sũyã ka kẽ bãong ye.»

Ezekiyɛl 23:3

Bãmb koosa b mens Ezɩpt tẽnga, bãmb koosa b mens b pʋg-sademdã wakate. B wẽbsa bãmb bĩis Ezɩpt tẽnga, b saaga bãmb pʋg-sademdẽ yãoogã beenẽ.

Ezekiyɛl 23:8

Yẽnda kell n ka bas a koos-m-mengã yẽnda sẽn dag n maand Ezɩpt tẽngã ye. Bala, nin-bãmbã rag n gãanda yẽnda a pʋg-sademdã wakate, b saaga yẽnda yãoogã t'a nan ka mi rao ye. La b kẽesa yẽnda koos-m-meng pʋga.

A Ooze 4:15

Israyɛll nebã, yãmb basa maam wa pag sẽn bas a sɩd n kẽng yoobo. La bɩ Zʋʋda nebã ra maan wa yãmba, n kong bʋʋm ye. Da kẽng-y Gilgall ye, ra kẽng-y Bet-Avɛn ye, la ra wẽen-y ne Sẽn-Ka-Saab sẽn vɩ wã yʋʋr ye!

Maan‑kʋʋre 24:14

«Kɩt tɩ b yiis ned ning sẽn tʋʋs-a maamã sik zĩigã pʋga, la bɩ y kɩt tɩ neb nins sẽn wʋm tʋʋsgã rɩk b nusã n tik a zugã, tɩ nebã fãa lob-a ne kug t'a ki.

A Amoose 5:5

Da bao-y maam Betɛll ye, la y ra kẽng Gilgall me ye Ra kẽng-y Bɛɛrseba ye. Bala, b na n yõga Gilgall nebã n kẽng yembdo, la Betɛll na n sãama zãnga,

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Sofoni 2:8

Mam wʋma tʋy nins Moaab nebã sẽn tʋ mam nebã, la paoogr ningã Amo nebã sẽn paoog bãmbã. Bãmb paoogda mam nebã, la b reeg b zĩisã n sooge.

Zozuwe 24:14

A Zozoe paasame n yeel yaa: «Moasã, bɩ y zoe Sẽn-Ka-Saab la y sak bãmb ne burkĩnd la ne pʋ-peelem. Zãag-y y mens ne wẽnnaam-dãmb nins yãmb yaab-rãmbã sẽn dag n pʋʋsd Efrat kʋɩlgã rʋʋndã la Ezɩpt pʋgẽ wã, la y tũ Sẽn-Ka-Saabo.

Zozuwe 4:19

Yɩɩ pipi kiuugã rasem piig daare, la Israyɛll nebã rʋʋg Zʋrdẽ kʋɩlgã, n tɩ sig Gilgall sẽn be Zeeriko tẽngã yaanga.

Zozuwe 5:8

B sẽn kẽes nebã fãa bãong n sɛ, b kell n paa sikã zĩigẽ hal tɩ b noadã maage.

1 Sãmwɛlle 14:6

A Zonatã yeela a rakõorã sẽn zãad yẽnda zab-teedã yaa: «Wa tɩ d kẽng nin-bãmbã sẽn ka kẽ bãongã tãb-sikẽ. Daar ninga, Sẽn-Ka-Saab na n sõnga tõndo, bala, bũmb ka be n tõe n gɩdg Sẽn-Ka-Saab tɩ b tũnug neb bilf wall neb wʋsg n fãag ye.»

1 Sãmwɛlle 17:26

A Davɩɩd soka neb nins sẽn dag n pẽ yẽnda wã yaa: «Ned sã n tõog n kʋ Filistẽ dao-kãngã n dok Israyɛll nebã yãndã, b na n kõ a soab bõe? Filistẽ nin-kãngã yaa ãnda, n paoogd Wẽnnaam sẽn vɩ tãb-biisã? Ned sẽn ka kẽ bãongo!»

1 Sãmwɛlle 17:36

Yaa woto la mam maan n kʋ gɩgmã ne kata. La a na n yɩɩ woto me ne Filistẽ nin-kãngã sẽn ka kẽ bãongã, bala, yẽnda paooga Wẽnnaam sẽn vɩ wã tãb-biisi!»

1 Sãmwɛlle 7:16

Yʋʋmd fãa, yẽnda rag n kẽnda Betɛll ne Gilgall la Mispa, n kaood Israyɛll nebã bʋʋd zĩ-kãens fãa.