Zozuwe 5:10 - WẼNNAAM SEBRE 2014

¹⁰ Israyɛll nebã siga Gilgalle, n maan Pakã tigr kiuugã rasem piig la a naas daarã zaabre, Araba tẽn-nabdrã sẽn be Zeeriko sẽnẽ wã.

SEBR SÕNGO

¹⁰ Israyɛl kamba paa Gilgal la b maana tẽegra kibsa, kiuuga piig la a naas raare, zĩ-sobdo, Zeriko tẽn-nabrẽ.

Zozuwe 5:10 Iomraidhean Croise

2 Sãmwɛlle 15:28

La ne maam, mam na n tɩ yalsa we-raoogẽ wã, zĩig ning sẽn pẽ Zʋrdẽ kʋɩlga noorã. Mam na n paa be, hal n wa paam n wʋm yãmb kibare.»

Yikri 12:11

Ad yãmb sẽn na n dɩ-a to-to: Sẽb-y y sẽbdga, la y wid y neooda, tɩ y dasaarã be y nugẽ. Rɩ-y-yã-a ne yãgbo. Sẽn-Ka-Saab Pak tigrã la woto.

Yikri 12:18

Pipi kiuugã rasem piig la a naasã daar zaabre, yãmb na n dɩta bur sẽn ka ning rã-bɩlle, n tãag a rasem pisi la a yembrã daar zaabre.

Yikri 12:6

Yãmb na n baoo zĩig n bĩng-a tɩ ta ki-kãngã rasem piig la a naasã daare. Israyɛll nebã fãa na n kodg-a-la zaab-noor wakate.

Zeremi 39:5

La Kalde tãb-biisã riga bãmb n tɩ yõk a Sedesiyaas Zeriko tẽn-nabd-koɛɛngẽ wã n tall n kẽng Babilond dĩm a Nebukatnedzaar nengẽ Ribla sẽn be Hamat tẽngã pʋgẽ wã, t'a bʋ a bʋʋdo.

Ezekiyɛl 12:3

La foom a ninsaala, sẽb f teed yembd kẽnd yĩnga. Yi n loog yembd wĩnto-sʋk bãmb nifẽ! Yi zĩig ning fo sẽn beẽ wã n kẽng yembd zĩig a to, bãmb nifẽ. Daarninga, b na yãnd tɩ b yaa buud sẽn yaa tõata.

Maan‑kʋʋre 23:5

Pipi kiuugã rasem piig la a naasã daar zaabre, yãmb na n maana Pak tigr Sẽn-Ka-Saab waoogr yĩnga.

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Zozuwe 4:19

Yɩɩ pipi kiuugã rasem piig daare, la Israyɛll nebã rʋʋg Zʋrdẽ kʋɩlgã, n tɩ sig Gilgall sẽn be Zeeriko tẽngã yaanga.

Zozuwe 5:11

Pakã tigr vẽkembeoogo, badaar bala, Israyɛll nebã rɩɩ tẽngã koodo. Yaa bur sẽn ka ning rã-bɩlle, la bɩle b sẽn kɩɩme.

Zozuwe 9:6

Bãmb kẽnga a Zozoe nengẽ, b sikã zĩigẽ Gilgalle, n tɩ yeel a Zozoe ne Israyɛll nebã yaa: «Tõnd yii tẽng sẽn zãre, n wa ka. La d kota yãmb tɩ y maan kaool ne tõndo.»

1 Sãmwɛlle 7:16

Yʋʋmd fãa, yẽnda rag n kẽnda Betɛll ne Gilgall la Mispa, n kaood Israyɛll nebã bʋʋd zĩ-kãens fãa.