Zozuwe 5:1 - WẼNNAAM SEBRE 2014

¹ Amoor-dãmbã rĩm-dãmb nins fãa sẽn be Zʋrdẽ kʋɩlgã rʋʋnd nin-taoorã, ne Kana rĩm-dãmb nins fãa sẽn be ko-kãsengã sẽnẽ wã sẽn wʋm tɩ Sẽn-Ka-Saab kɩtame tɩ Zʋrdẽ koomã kʋɩ tɩ Israyɛll nebã pɩʋʋgã, rabeem yõk-b lame tɩ b ka leb n tar daood Israyɛll nebã taoor ye.

SEBR SÕNGO

¹ Amoritsa dĩm dãmba sẽn be b Zʋrdẽ nin-taoore la Kanaã dĩm dãmb sẽn be Mog Kãsenga noore wʋmame tɩ Soaala-Wẽnd kʋɩɩsa Zʋrdẽ kʋɩlga Israyɛl kamba taoore n tãag b fãa gill sẽn waa n dʋʋge. Ad-y b sũura digemdame la b vʋʋsma tulgame.

Zozuwe 5:1 Iomraidhean Croise

Sɩngrẽ 12:6

A Abram pɩʋʋga tẽngã hal n tɩ ta Moore terebẽnt tɩɩsã sẽn be Sɩkɛmã. Wakat-kãng tɩ yaa Kana nebã n dag n be soolem-kãng pʋga.

Sɩngrẽ 48:22

Mam kõta foom pʋɩɩr n yɩɩd f kẽem-dãmbã. Yaa bũmb ning mam sẽn dag n zab ne sʋʋg la tãp n deeg Amoor-dãmbã nengẽ wã.»

2 Sãmwɛlle 21:2

Gabawõ nebã yaa a Amoor buudã neb bilf ning sẽn dag n ketã. Bãmb dag n ka Israyɛll buud ye. Israyɛll nebã rag n wẽename n yeel tɩ bãmb ka na n maan Gabawõ nebã bũmb ye. La baoosgo, yẽnda a Sayull sãama bãmba, yẽnda sẽn dag n tar nonglem-kãseng Israyɛll ne Zʋʋda buudã yĩngã. Rĩm a Davɩɩd boola Gabawõ nebã n na n gom ne-ba.

1 Rĩm-dãmbã 10:5

ne rɩ-nood nins sẽn be rĩmã taabl zugã, la rĩmã tʋmtʋmdbã rotã sẽn yaa to-to wã, ne sõgen-kambã sẽn tʋmd to-to wã, la b yer fut ninsã, ne b sẽn get rĩmã bõn-yũudlã yell to-to wã, la maand sẽn yõogd bugmã rĩmã sẽn maand Sẽn-Ka-Saab roogã pʋgã, a maka goam n konge.

Esdras 9:1

Yel-kãens fãa zugẽ, nanambsã wa n yeela maam yaa: «Israyɛll nebã, ne maan-kʋʋdbã, la Leevi nebã ka welg b mens ne tẽn-kãngã nebã ye. Bala, Kana nebã, ne Hɛt nebã, la Perɛɛz nebã ne Zebuus nebã, la Amo nebã, ne Moaab nebã, la Ezɩpt nebã, ne Amoor nebã sẽn maand tʋʋm-beed ninsã, bãmb me maanda a woto.

Yɩɩn‑sõamyã 135:11

Yaa Amoor-dãmbã rĩm a Sɩhon, ne Basã-rãmbã rĩm a Ooge, la Kana soolem dĩm-dãmbã fãa.

Yikri 23:28

Mam na n tʋma kãnenkãas tɩ b reng yãmb taoor n dig Hevi-rãmbã ne Kana-rãmbã la Hɛt-rãmbã tɩ b zoe.

A Ezayi 41:5

Tẽms nins koom sẽn gũbgã yãnd-b lame tɩ rabeem yõk-ba. Dũniyã ween-vɩɩsã fãa rigdame. Bãmb fãa kolgdame, b watame.

Ezekiyɛl 16:3

Yeel-b yaa: «Ad maam a Zu-soab a Sẽn-Ka-Saab sẽn yet Zeruzalɛm: ‹Fo yẽgrã ne f rogmã zĩig yaa Kana. Fo baaba wã rag n yaa Amoor neda, tɩ f ma wã yaa Hɛt buudu.

Ezekiyɛl 21:7

«Ninsaala, wẽnemd f neng n tees Zeruzalɛm sẽnẽ n togs pĩnd-n-bãngr goam n mong a pʋʋsg zĩisã bʋʋm. La f togs pĩnd-n-bãngr goam n sagl Israyɛll nebã.

A Dãniyɛlle 5:6

La rĩmã pɛleng yɩkame, t'a yamã bondge, t'a gĩinã maage, t'a rũmã pãbd taaba.

A Amoose 2:9

Mam yaool n sãama Amoor-dãmbã bãmb nifẽ, Amoor-dãmbã rag n zẽk n taa sɛɛdr tɩɩs woglem, tɩ b pãngã tat sɛn tɩɩse. La mam sãama b sẽn wom biis ninsã, la m võ b yẽgã me.

Sõadga 13:29

La Amalɛk nebã bee Negɛɛv tẽngã, tɩ Hɛt-dãmbã ne Zebuus-rãmbã, la Amoor-dãmbã be tãmsẽ wã. La Kana-rãmbã n be ko-kãsengã, ne Zʋrdẽ kʋɩlgã noore.»

Zozuwe 17:12

A Manaase yagensã ka tõog n deeg tẽn-bãmb ye. Dẽ, Kana nebã kell n yãka yam tɩ b na n paa soolem-kãng pʋga.

Zozuwe 17:18

Woto wã yĩnga, yãmb na n sooga tãngã, baa ne a sẽn yaa tʋgrã. Yãmb na n kɛ-a lame n sooge. Yãmb na n diga Kana nebã, baa ne bãmb sẽn tar kut saar-dãmba, la baa ne b sẽn tar pãngã.»

Zozuwe 24:15

Yãmb sã n ka rat n tũ Sẽn-Ka-Saabo, bɩ y bao y sẽn na n tũ a soab rũndã: Sã n yaa wẽnnaam-dãmb nins yãmb yaab-rãmbã sẽn dag n tũud Efrat kʋɩlgã rʋʋndã la y rat n tũ, bɩ y tũ. Sã n leb n yaa Amoor-dãmbã sẽn be yãmb sʋkã wẽnnaam-dãmb la y rat n tũ, bɩ y tũ. La maam ne m zakã rãmb yẽ, tõnd na n tũu Sẽn-Ka-Saabo.»

Zozuwe 3:16

koomã sẽn yit zugẽ n watẽ wã sẽn ta Ãdem sẽn pẽ Sartanã wã yalsame n tãoos n kuil yĩngr n lebg wa lalga. La koom ning sẽn zoet n sigd n dabd Araba ne yamsem ko-kãsengã sẽnẽ wã welg n looga zãnga. La nebã pɩʋʋga kʋɩlgã Zeeriko sẽnẽ n kẽng rʋʋndã.

Zozuwe 3:17

Maan-kʋʋdb nins sẽn dag n tʋk Sẽn-Ka-Saab kaoolã koglgã yalsa Zʋrdẽ kʋɩl-koɛɛngã tẽn-sʋk n ka serg ye, hal tɩ Israyɛll nebã fãa pɩʋʋg kʋɩlgã koɛɛng n looge.

Vẽnegre 18:10

Bãmb sẽn zoet rabeem tɩ yẽnda toogã na n wa paam bãmbã yĩnga, b na n yalsa yɩɩg n yeel yaa: Kayto! Kayto! Tẽn-kãsengã, Babilond tẽng sẽn tar pãnga! Fo sɩbgr waa wakat a yembr pʋgẽ bala.

Bʋ-kaoodba 1:1

A Zozoe kũumã zugẽ, Israyɛll nebã soka Sẽn-Ka-Saab yaa: «Yaa bu-bʋg tõnd sʋkã, n tog n lʋɩ taoor n kẽng n tɩ zab ne Kana nebã?»

Bʋ-kaoodba 11:23

Sẽn-Ka-Saab sẽn yaa Israyɛll Wẽnnaamã kɩtame tɩ Israyɛll nebã tõog n dig Amoor-dãmbã n deeg b soolmã, tɩ yãmb yik moasã n dat n dig tõnd sẽn yaa Israyɛll nebã n yiisi!

Bʋ-kaoodba 3:3

Bãmb sẽn bas buud nins tẽngẽ wã la woto, yaa Filistẽ-dãmbã soolem nanambs a nu wã, ne Kana-rãmba fãa, la Sɩdõ nebã, ne Hevi-rãmbã sẽn dag n be Libã tãmsã sʋkã, sẽn sɩng ne Baall-Hɛrmo tãngã n tɩ tãag Lebo-Hamate.

Bʋ-kaoodba 4:2

Dẽ, Sẽn-Ka-Saab kɩtame tɩ Kana rĩm a Yabẽ sẽn dag n dɩt naam Hasoor tẽngã tõog Israyɛll nebã. Rĩm a Yabẽ tãb-biisã naab yʋʋr la a Sizera. A Sizera rag n bee Harosɛt-Goyim.

1 Sãmwɛlle 25:37

La beoogã sẽn vẽeg tɩ reezẽ rãamã yi n bas a Naballã, a pagã togs-a-la bũmb nins fãa sẽn maanã. La a Naball pɛlengã yɩkame t'a sobg n gãe.