Zozuwe 4:24 - WẼNNAAM SEBRE 2014

²⁴ Woto fãa yaa sẽn na n yɩlẽ tɩ dũniyã rãmb fãa bãng tɩ Sẽn-Ka-Saab tara pãnga, la yaa tɩ yãmb me tõe n zoe Sẽn-Ka-Saab sẽn yaa yãmb Wẽnnaamã daar fãa.»

SEBR SÕNGO

²⁴ Yaa sẽn na yɩlẽ tɩ dũni ninsaalba reege tɩ Soaala-Wẽnd nug zɩsa la yãmb me zoe-y Soaala, yãmb Wẽnnaama, nifu, beoog sẽn vẽege.› »

Zozuwe 4:24 Iomraidhean Croise

1 Rĩm-dãmbã 8:40

Rẽ na n kɩtame tɩ Israyɛll nebã sẽn be tẽng ning yãmb sẽn kõ tõnd yaab-rãmbã zoe yãmb wakat fãa.

1 Rĩm-dãmbã 8:60

Woto, dũniyã nebã fãa na n bãngame tɩ Sẽn-Ka-Saab bal n yaa Wẽnnaam, la Wẽnnaam a to ka be ye.

2 Rĩm-dãmba 19:19

Moasã, Sẽn-Ka-Saab sẽn yaa tõnd Wẽnnaam, d kotame tɩ y fãag tõnd a Senakeriib nugẽ, tɩ dũniyã soolem-dãmbã fãa bãng tɩ yaa yãmb a Sẽn-Ka-Saab y yembr bal n yaa Wẽnnaam.»

2 Rĩm-dãmba 5:15

A Naama ne a nebã fãa tũu taab n lebg n leb Wẽnnaam daoã nengẽ. La bãmb sẽn ta, a Naama yalsa Wẽnnaam dao a Eliize taoor n yeel-a yaa: «Moasã, mam bãngame tɩ dũniyã gill fãa pʋga, Wẽnnaam ka be zĩig a to tɩ sã n ka Israyɛll ye. Dẽ, mam kotame tɩ y sak n deeg kũun ning mam sẽn na n kõ yãmbã!»

1 Kibayã 29:12

Arzɛk la ziir yita yãmb nengẽ, la y yaa bũmb fãa soaala. Yãmb tara pãnga, n tõe tɩ ned lebg kãsenga, la y kõ-a pãnga.

A. Zoobe 40:9

Fo kangã wẽnda Wẽnnaam kangã la? Fo koɛɛgã sãta wa bãmb koɛɛgã la?

Yɩɩn‑sõamyã 106:8

La Sẽn-Ka-Saab baas n fãaga bãmba, b mengã yʋʋr waoogr yĩnga, tɩ nebã tõe n yãnd bãmb pãngã.

Yɩɩn‑sõamyã 89:13

Yãmb n kɩt tɩ dũniyã rɩtg ne a goabg beẽ. Taboor ne Hɛrmo tãmsã kaasda ne sũ-noog yãmb yʋʋrã yĩnga.

Yɩɩn‑sõamyã 89:7

Sɩd me, ãnda n be saasẽ n tõe n mak a meng ne yãmb a Sẽn-Ka-Saabo? Ãnda n be wẽnnaam-dãmbã sʋka, n zem yãmb a Sẽn-Ka-Saabo?

Yikri 14:31

Israyɛll nebã yãnda Sẽn-Ka-Saab sẽn zab ne Ezɩpt nebã ne pãn-kãseng ningã. La nebã zoee Sẽn-Ka-Saabo, la bãmb tẽe Sẽn-Ka-Saab ne b tʋmtʋmd a Moyiisi.

Yikri 15:16

Sẽn-Ka-Saabo, rabeem-kãseng ne yɛɛsg yõka bãmba, yãmb nugã pãn-kãseng yĩnga. Bãmb lebga mugs wa kugri, hal tɩ yãmb nebã looge, hal tɩ yãmb nebã yãmb sẽn da wã looge.

Yikri 20:20

La a Moyiis yeela nebã yaa: «Ra zoe-y rabeem ye. Bala, Wẽnnaam sẽn wa wã yaa sẽn na n mak yãmba, tɩ yãmb zoe bãmb n da maan yel-wẽnã ye.»

Yikri 9:16

La mam basa foom tɩ f vɩɩmde, sẽn na n yɩlẽ tɩ fo yãnd mam pãngã, la tɩ mam yʋʋr saag dũniyã fãa pʋgẽ.

A Ezayi 52:10

Sẽn-Ka-Saab wilga b pʋ-peelem kangã tɩ buud a taabã fãa yãnde. La dũniyã kɩremsã fãa na n yãnda tõnd Wẽnnaamã fãagre.

Zeremi 32:40

Mam na n maana kaool sẽn paad wakat fãa ne bãmba, la m kõn leb n wẽnemd n bas bãmb ye. Mam na n maan-b-la neere, la m na n kɩtame tɩ b zoe maam n da wa zãag ne maam ye.

Yaoolem 28:10

Neb nins fãa sẽn be tẽng zugã na n yãame tɩ b boond yãmb ne Sẽn-Ka-Saab yʋʋre, la bãmb na n zoee yãmba.

Yaoolem 6:2

Yaa sẽn na n yɩlẽ tɩ yãmb vɩɩmã tɛka, bɩ yãmb ne y kambã la y yagensã zoe Sẽn-Ka-Saab sẽn yaa yãmb Wẽnnaamã n sak bãmb no-tũudsã la b tõodã fãa mam sẽn vigl yãmb yĩngã, tɩ y tõe n paam yõ-woko.

1 Sãmwɛlle 17:46

Rũndã, Sẽn-Ka-Saab na n kɩtame tɩ m tõog-fo. Mam na n kʋ-f lame n fiuug f zugã. La mam na n kʋʋ Filistẽ tãb-biisã b tãb-sikẽ wã, n kõ yĩngr bõn-yɩgdɩ ne we-rũms tɩ b rɩ. Woto, dũniyã neb fãa na n bãngame tɩ Israyɛll tara Wẽnnaam.