Zozuwe 4:10 - WẼNNAAM SEBRE 2014

¹⁰ Maan-kʋʋdb nins sẽn tʋk kaoolã koglgã kell n yalsa Zʋrdẽ kʋɩlgã tẽn-sʋka, hal tɩ b maan bũmbã fãa wa Sẽn-Ka-Saab sẽn dag n yeel a Zozoe t'a yeel nebã tɩ b maanã. La kell n yɩɩ wa a Moyiis sẽn dag n wilg a Zozoe wã. Dẽ, nebã rʋʋga kʋɩlgã tao-tao.

SEBR SÕNGO

¹⁰ Maan-kʋʋdba yalsa kʋɩlga tẽnsʋka ne kuga walsa koglgo. B yalsa boto tɩ bũmba fãa wa pids, wala Soaala-Wẽnd sẽn da yeel a Zozuwe t'a togs neba, wala a Moyiiz meng sẽn da zoe n wilg a Zozuwe. Yɩɩ ne yãgbo marsã la neba rʋʋg kʋɩlgã.

Zozuwe 4:10 Iomraidhean Croise

Yɩɩn‑sõamyã 119:60

Mam yãgdame n sakd yãmb noyã, n ka basdẽ tɩ kaoosdẽ ye.

Yikri 12:39

Bãmb dɩka zom-nagdem nins b sẽn yi ne Ezɩptã n maan bur-maas sẽn ka ning rã-bɩlle. Bala, b riga bãmb Ezɩpt tɩ b ka paam n yals tɩ zom-nagdmã wuki, la b ka paam n bao rɩɩb n zã me ye.

Yelbũna 27:1

Ra pẽg f meng ne beoog yell ye, bala, fo ka mi rũndã daarã sẽn na n yɩ-a soab ye.

Kowelɛt 9:10

Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.

A Ezayi 28:16

Bõn-kãng yĩng kɩtame tɩ Zu-soab a Wẽnnaam yetẽ: «Ade, mam vigla kugr sẽn tar pãng Sɩyõ. Yaa kugr sẽn yaa sõama n be soakã zĩigẽ, yaa kugr sẽn tar yõodo, la a vigla kãenkãe. Sẽn teeg-a kug-kãng ka baood n zoe ye.

2 Korẽnt rãmba 6:2

Bala, bãmb yetame: Mam leoka foom sẽn zems a wakate, la fo sẽn dat fãagr wakate, mam waa n sõnga foom. Ade, moasã yaa wakat sẽn zemse. Ade, moasã yaa fãagr daare.

Yaoolem 31:9

A Moyiis gʋlsa tõ-kãensã fãa n kõ a Leevi buudã neb nins sẽn yaa maan-kʋʋdb n zãad Sẽn-Ka-Saab kaoolã koglgã, ne Israyɛll kãsem-dãmbã.

Zozuwe 24:11

Yãmb pɩʋʋga Zʋrdẽ kʋɩlgã n ta Zeeriko. Zeeriko rãmbã yikame n zab ne yãmba, n paas ne Amoor-dãmbã, Perɛɛz-rãmbã, Kana-rãmbã, Hɛt-rãmbã, Garazim-rãmbã, Hevi-rãmbã ne Zebuus-rãmbã. La mam kɩtame tɩ yãmb tõog-ba.

Zozuwe 3:13

Maan-kʋʋdb nins sẽn tʋk-b kaoolã koglgã nao sã n tabg Zʋrdẽ koomã pʋga, koomã na n welgame. Koom ning sẽn yit-a zugẽ n watẽ wã na n yalsame n tãoos n kuil yĩngr wa lalga.»

Zozuwe 4:11

La nebã fãa sẽn dʋʋg kʋɩlgã n sɛ, kaoolã koglgã ne maan-kʋʋdbã lʋɩɩ nebã taoore.

Zozuwe 4:9

La a Zozoe kɩtame tɩ b vigl kug piig la a yiibã Zʋrdẽ kʋɩlgã tẽn-sʋka, zĩig ning maan-kʋʋdb nins sẽn tʋk kaoolã koglgã sẽn dag n tab n yasẽ wã, la kug-kãens keta be hal tɩ ta rũndã.