Zozuwe 3:5 - WẼNNAAM SEBRE 2014

⁵ Dẽ, a Zozoe yeela nebã yaa: «Yɩlg-y y mense, bala beoogo, Sẽn-Ka-Saab na n maana bõn-yɛɛsds yãmb sʋka.»

SEBR SÕNGO

⁵ A Zozuwe yeela nebã: «Yɩlg-y mens beoog yĩnga, tɩ beoogo Naaba-Wẽnd na n maana bõn-bãna y nifẽ.»

Zozuwe 3:5 Iomraidhean Croise

A. Zoobe 1:5

La tigrã rasem sã n wa n looge, a Zoob boonda a kambã tɩ b wa t'a yɩlg-ba. Yẽnda rag n yikda yibeoog pĩnd n maan maoong sẽn yõogd bugum biig fãa yĩnga. Bala, a Zoob rag n tagsda a woto: «Tõeeme tɩ mam kambã maana yel-wẽnde, n tʋʋs Wẽnnaam b sũyã tagsd pʋgẽ.» A Zoob rag n maanda a woto wakat fãa.

Yɩɩn‑sõamyã 77:15

Yaa yãmb la Wẽnnaam sẽn maand bõn-bãnã. Yãmb kɩtame tɩ nebã bãng yãmb pãngã.

Yɩɩn‑sõamyã 86:10

Bala, yãmb yaa kãsenga, la y maanda bõn-bãna. Yãmb y yembr bal la Wẽnnaam.

A Zowɛlle 2:16

Tigm-y nebã, segl-y tiging sẽn welg toore! Tigm-y kãsem-dãmbã, la y tigim kambã, baa ne kom-peelsã sẽn ket n yẽsemdẽ wã fãa! Bɩ yi-kãad-paalsã yi b rotẽ wã, tɩ pʋg-paalsã me yi b rotẽ!»

Maan‑kʋʋre 10:3

A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.

Maan‑kʋʋre 20:7

Bɩ y yɩlg y mens n yɩ pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.

Sõadga 11:8

Yʋng sã n ta, mandã naagda meenemã n dʋʋgd sik zĩigẽ wã, la yibeoogo, nebã yit n saagdame n wʋkd-a. Bãmb sã n wʋk-a, b werd-a-la neerẽ, wall b to-a teoogẽ. Rẽ poore, b ningd-a-la rʋkẽ n kɩɩme, ka rẽ bɩ b maan-a maasa, t'a noosmã yaa wa bur-maasa.

A Zã Sõng 17:19

Mam welga m meng toor bãmb yĩnga, tɩ bãmb me na welg toor sɩdã pʋgẽ.

Zozuwe 3:13

Maan-kʋʋdb nins sẽn tʋk-b kaoolã koglgã nao sã n tabg Zʋrdẽ koomã pʋga, koomã na n welgame. Koom ning sẽn yit-a zugẽ n watẽ wã na n yalsame n tãoos n kuil yĩngr wa lalga.»

Zozuwe 3:15

Wakat-kãng rag n yaa bɩle tigsg wakate, tɩ Zʋrdẽ kʋɩlgã koom rag n pid n saale. Maan-kʋʋdb nins sẽn tʋk-b kaoolã koglgã taa Zʋrdẽ kʋɩlgã noore, la b naoã sẽn tabg koomã pʋgã bal yee,

Zozuwe 3:4

La baoosgo, bas-y vɩʋʋg sẽn tat nao-yakem tus a yi, yãmb ne kaoolã koglgã sʋka, la y ra kolg-a ye. Woto, yãmb na n bãnga sor ning y sẽn tog n dɩke, bala, yãmb nan zɩ n tũ so-kãng ye.»

Zozuwe 3:6

A Zozoe yeela maan-kʋʋdbã yaa: «Tʋk-y kaoolã koglgã n lʋɩ nebã taoore.» La bãmb tʋka kaoolã koglgã n lʋɩ nebã taoore.

Zozuwe 7:13

Yik n yɩlg nebã la f yeel-b tɩ b maneg b mense, n yɩ yɩlma beoog yibeoogo, bala, Sẽn-Ka-Saab sẽn yaa Israyɛll Wẽnnaamã yetame: Israyɛll nebã, bũmb ning sẽn kisã bee yãmb sʋka. Yãmb sã n ka yiis bũmb ning sẽn kisã yãmb sʋka, yãmb kõn tol n tõog n yals y bɛɛb taoor ye.

1 Sãmwɛlle 16:5

A Sãmwɛll leokame: «Yaa noogo. Mam waame n na n maan maoong Sẽn-Ka-Saab yĩnga. Yɩlg-y y mens n tũ maam tɩ d kẽng maoongã zĩigẽ.» A Sãmwɛll kɩtame t'a Izayi ne a kambã me yɩlg b mense, t'a peeg-b n kẽng maoongã zĩigẽ.