Zozuwe 3:15 - WẼNNAAM SEBRE 2014

¹⁵ Wakat-kãng rag n yaa bɩle tigsg wakate, tɩ Zʋrdẽ kʋɩlgã koom rag n pid n saale. Maan-kʋʋdb nins sẽn tʋk-b kaoolã koglgã taa Zʋrdẽ kʋɩlgã noore, la b naoã sẽn tabg koomã pʋgã bal yee,

SEBR SÕNGO

¹⁵ Tigsg wakato Zʋrdẽ kooma da gãndgda a koagsã. Kuga walsa koglga zɩtba sẽn ta kʋɩlgã, b nao sẽn sɩɩs kooma,

Zozuwe 3:15 Iomraidhean Croise

2 Rĩm-dãmba 2:6

A Eli yeela a Eliize yaa: «Eliize, m kot-f lame tɩ f pa ka, bala, Sẽn-Ka-Saab tʋma maam tɩ m kẽng Zʋrdẽ kʋɩlga.» La a Eliize yeelame: «Mam wẽenda ne Sẽn-Ka-Saab sẽn vɩ wã, la ne yãmb sẽn vɩ wã, tɩ mam kõn pa ka n bas yãmb ye!» Woto, bãmb b yiibã kell n tũu taab n dɩk sore.

1 Kibayã 12:15

Bãmb dag n yaa a Gaad yagense, n yaa tãb-biis nanambse. B yao-zʋʋgã a yembr bal pãngã taa tãb-biis koabg pãnga, tɩ kãsmã pãng ta tãb-biis tusr nanambse.

1 Kibayã 12:16

Yaa bãmb n dʋʋg Zʋrdẽ kʋɩlgã pipi kiuugã, wakat ning kʋɩlgã sẽn dag n pid n puugdẽ wã, n kɩt tɩ neb nins sẽn dag n be tãn-londẽ wã fãa zoe n kẽng yaang la nin-taoorã.

A Ezayi 26:6

B taba yẽnda ne naoã. Naong rãmbã taba yẽnda ne b nao. Nimbãan-nebã na n taba yẽnda n looge.»

Zeremi 12:5

Sẽn-Ka-Saab yetame: «Fo sã n ka tõe n tũ sẽn zoet-b ne nao n zoe, fo na n maana wãn n tõog n wags ne wiidi? Fo sã n be tẽng sẽn gãe bãan pʋgẽ tɩ f yam gãe, fo na n maana a wãn moasã Zʋrdẽ kãgrã pʋgẽ?

Zeremi 49:19

Mam na n waa wa gɩgemd sẽn yit Zʋrdẽ kʋɩlgã noor weoogã pʋgẽ, n dig Edom nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Edom. Bala, ãnda soab n zem maam? Ãnda soab n tar noor ne maam? La na-bʋg n tõe n yals mam taoore?

A Nahum 1:4

Sẽn-Ka-Saab sã n tãs ko-kãsengã, a kʋɩtame Bãmb kɩtdame tɩ kʋɩlsã fãa kʋɩtẽ, tɩ Basan yam-maasã kʋɩtẽ, tɩ Karmell tãngã lʋgrẽ yamdã zelgdẽ, tɩ Libã tɩ-puudã kʋɩtẽ.

Zozuwe 3:13

Maan-kʋʋdb nins sẽn tʋk-b kaoolã koglgã nao sã n tabg Zʋrdẽ koomã pʋga, koomã na n welgame. Koom ning sẽn yit-a zugẽ n watẽ wã na n yalsame n tãoos n kuil yĩngr wa lalga.»

Zozuwe 4:18

Maan-kʋʋdb nins sẽn tʋk kaoolã koglgã sẽn yi kʋɩlgã pʋgẽ wã bala, b sẽn yiis b naoã kʋɩlgã pʋgẽ n tabg tẽn-koɛɛngã zugã bal yee, la Zʋrdẽ koomã sẽn leb n sɩng zoees n pid n tãag a kogsã.