Zozuwe 3:1 - WẼNNAAM SEBRE 2014

¹ A Zozoe ne Israyɛll nebã fãa yika yibeoog pĩnda, n yi Sitim n kẽng n tɩ sig Zʋrdẽ kʋɩlgã noore. La bãmb gãanda beenẽ yʋn-kãng sẽn deng kʋɩlgã rʋʋgre.

SEBR SÕNGO

¹ Yaa tõd-beoog la a Zozuwe yik ne Israyɛl kamba n yi Sitim n ta Zʋrdẽ la yaa kʋɩlga noor la b wẽ b sikã n gãand n gũ beoog vẽegre, n yaool n dʋʋg-a.

Zozuwe 3:1 Iomraidhean Croise

Sɩngrẽ 21:14

A Abrahaam yika yibeoog pĩnda, n bao rɩɩbo, la a sui koom ne waooga n kõ a Agaar t'a palg a bãoko. La a rɩk biigã me n kõ-a, la a rig-a t'a looge. A Agaar loogame n menem n kẽ Bɛɛr-Seba weoogã n gõodẽ.

Sɩngrẽ 22:3

A Abrahaam sãda beoog n ning a bõang yolgo, la a peeg a tʋmtʋmdb a yiib sẽn yaa kom-bɩɩse, la a peeg a Izake. La a wesa raad maoong sẽn yõogd bugmã yĩnga, n dɩk sor n dabd zĩig ning Wẽnnaam sẽn dag n wilg yẽnda wã.

Yɩɩn‑sõamyã 119:60

Mam yãgdame n sakd yãmb noyã, n ka basdẽ tɩ kaoosdẽ ye.

Zeremi 25:3

«Zʋʋda rĩm a Amon biig a Zoziyaas sẽn deeg naam tɩ yʋʋm piig la a tãablẽ tɩ ta rũndã, yaa yʋʋm pisi la a tãab la Sẽn-Ka-Saab gom ne maam. Mam togs-a-la yãmb n ka bas ye. Mam togs-a-la yãmb la y ka kelg ye.

Zeremi 26:5

la y ka kelg mam tʋmtʋmdbã sẽn yaa no-rɛɛsdbã mam sẽn tʋm yãmb nengẽ naoor wʋsg tɩ y ka kelg-bã,

Zeremi 7:13

Maam a Sẽn-Ka-Saab yetame: «Yãmb sẽn maan bõn-kãens fãa wã yĩnga, mam sẽn gom ne yãmb n leb n gom n ka tol n bas tɩ yãmb ka kelgã, mam sẽn bool yãmb tɩ y ka sakã yĩnga,

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Sõadga 25:1

Israyɛll nebã kẽng n tɩ zĩnda Sitim, la beenẽ, bãmb maana yoob ne Moaab kom-pugli wã.

A Mark Sõng 1:35

A Zeezi sãda beoogo, tɩ zĩigã ket n yaa lika, n kẽng zĩig neb sẽn ka be n tɩ pʋʋse.

Zozuwe 2:1

A Nun biig a Zozoe zĩnda Sitim n tʋm tẽn-gũusdb a yiib n yeel-b yaa: «Kẽng-y n tɩ soos-y n ges-y Zeeriko tẽngã, n bãng a yell neere.» Bãmb kẽngame, la b tɩ siga pʋg-yoodr a yembr yʋʋr sẽn boond t'a Rahaab zakẽ, n yõg gãag sobendo.

Zozuwe 6:12

A Zozoe sãda beoogo, la maan-kʋʋdbã tʋka Sẽn-Ka-Saab kaoolã koglgã.

Zozuwe 6:15

La rasem a yopoe wã daare, b sãda beoogo, n gilg tẽngã wa b sẽn sɩng n maandẽ wã, n gilg-a naoor a yopoe n sege. Yaa badaar bal la b gilg tẽngã naoor a yopoe.

Zozuwe 7:16

A Zozoe sãda yibeoog pĩnda, n kɩt tɩ Israyɛll nebã kolg buud-buudu. La b yãka a Zʋʋda buudã.

Zozuwe 8:10

A Zozoe yika yibeoog pĩnd n saag n ges nebã. La yẽnda ne Israyɛll kãsem-dãmbã lʋɩɩ nebã taoor n na n tɩ zab ne Ayi.

Bʋ-kaoodba 20:19

Israyɛll nebã yika yibeoog pĩnda, n tɩ tilg b tãb-sikã n na n zab ne Gɩbeya nebã.

1 Sãmwɛlle 17:20

Dẽ, a Davɩɩd sãda yibeoog pĩnda, n bas a piisã ne ned a to la a rɩk rɩɩbã n kẽnge, wa a ba wã sẽn yeel-a wã. Yẽnda sẽn wa n ta tãb-sikẽ wã tɩ Israyɛll nebã yiime n kaasd n dabd zabrã zĩigẽ.