Zozuwe 24:9 - WẼNNAAM SEBRE 2014

⁹ A Sipoor biig a Balak sẽn yaa Moaab rĩmã yikame n zab ne Israyɛlle. A Balak kɩtame tɩ b bool a Bewoor biig a Balaam t'a wa kãab yãmb wẽnga.

SEBR SÕNGO

⁹ La a Balak, a Sipor biig la Moab dãmb dĩm, waa n yikame n na n tak zabr ne Israyɛl. A tɩ boola a Beor biig, a Balaam, t'a wa kãab-y beedo.

Zozuwe 24:9 Iomraidhean Croise

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Sõadga 22:2

La wakat-kãnga, dag n yaa a Sipoor biig a Balak n yaa Moaab rĩma. Dẽ, yẽnda wʋma bũmb ning Israyɛll nebã sẽn maan Amoor-dãmbã. La rĩmã ne a nebã fãa sẽn yã tɩ Israyɛll nebã yaa wʋsg n watẽ wã, rabeem-kãseng yõk-b lame tɩ b sɩng rigbu. Dẽ, Moaab nebã yeela Madiyã nanambsã yaa: «Zãma-kãensã fãa na n dɩɩ tõnd sẽn so wã zãng fãa, wa naaf sẽn wãbd yamd weoogẽ.»

Bʋ-kaoodba 11:17

Dẽ, Israyɛll nebã tʋma neb tɩ b kẽng n tɩ kos Edom rĩmã t'a bas-b tɩ pɩʋʋg a soolmã n looge, la a ka sak ye. La Israyɛll nebã leb n tʋmame tɩ b tɩ kos Moaab rĩmã me t'a bas tɩ b pɩʋʋg a soolmã n looge, la yẽnda me zãgsame. Woto, Israyɛll nebã kell n paa Kadɛɛse.

Bʋ-kaoodba 11:25

Yãmb yɩɩda a Sipoor biig a Balak sẽn dag n yaa Moaab rĩmã la? Yãmb yãnda a sẽn tol n bao Israyɛll nebã noore, bɩ yãmb zoe n yãnda a sẽn zab ne-ba?