Zozuwe 24:31 - WẼNNAAM SEBRE 2014

³¹ Israyɛll nebã saka Sẽn-Ka-Saabo, a Zozoe vɩɩmã wakate, la nin-kẽemb nins sẽn dag n be ne a Zozoe wã vɩɩm wakate, la b sẽn da ket n tẽr Sẽn-Ka-Saab sẽn maan bũmb nins fãa n kõ Israyɛll nebã wakate.

SEBR SÕNGO

³¹ A Israyɛl pʋga Wẽnd n tãag a Zozuwe kũum la nin-kẽemsa fãa sẽn kell n vɩɩnd, yẽ loogr poore. A Israyɛl pʋga Wẽnd n tãag sẽn da yãend-b tʋʋm sõma niyns Wẽnd sẽn tʋm a Israyɛl yĩnga loogre.

Zozuwe 24:31 Iomraidhean Croise

Sɩngrẽ 14:10

Sũud bogd wʋsg n dag n be Sidim longã pʋga, la Sodom dĩmã ne Gomoor dĩma zoeeme n tɩ lʋɩ bog-bãmb pʋse. La neb nins sẽn ket-bã zoeeme n tees tãngã sẽnẽ.

2 Kibayã 24:2

Maan-kʋʋd a Zehozada vɩɩmã fãa tɛka, a Zoaas maana sẽn noom Sẽn-Ka-Saabo.

2 Kibayã 34:33

Dẽ zugẽ, a Zoziyaas menesa tẽms a taabã wẽnnaam-dãmbã sẽn yaa yel-beedã, Israyɛll nebã sẽn dag n tarã. La a modga neb nins fãa sẽn dag n be Israyɛll pʋgẽ wã tɩ b waoog Sẽn-Ka-Saab sẽn yaa bãmb Wẽnnaamã. A Zoziyaas vɩɩmã tɛka, a ka tol n bʋdg baa bilf n bas Sẽn-Ka-Saab sẽn yaa bãmb yaab-rãmb Wẽnnaam ye.

Tʋʋma 20:29

Mam miime tɩ mam loogr poore, neb sẽn wẽnd wa rigd-n-yĩid‑toos n na n wa yãmb sʋk n sãam piisã.

Yaoolem 11:2

Bãng-y rũndã, tɩ mam ka gomd ne yãmb kambã sẽn ka bãng la b ka yã Sẽn-Ka-Saab sẽn yaa yãmb Wẽnnaamã zãmsgã, b kãosengã, ne b nug sẽn tar pãngã la b nugã sẽn tẽegã ye.

Yaoolem 11:7

Yaa yãmb mens nin n yãnd tʋʋm-kãseng ning Sẽn-Ka-Saab sẽn maanã.

Yaoolem 31:13

woto, bãmb kamb nins sẽn ka mi tõodã me na n tõog n wʋme, n zãms Sẽn-Ka-Saab sẽn yaa yãmb Wẽnnaamã zoees wakat fãa, yãmb sẽn be tẽng ning y sẽn na n dʋʋg Zʋrdẽ kʋɩlgã n tɩ reeg n soogã pʋgẽ.»

Yaoolem 31:29

Bala, mam miime tɩ mam kũum poorẽ, yãmb na n maana wẽnga, yãmb na n basa sor ning mam sẽn wilg yãmbã, la wakat sẽn wata, toog na n paama yãmba, yãmb sẽn beeg Sẽn-Ka-Saab n kɩt tɩ b sũur yik ne yãmb y tʋʋm-wẽnsã poorẽ wã yĩnga.

Filip rãmba 2:12

Woto, m zo-nongdse, wa yãmb sẽn sak wakat fãa wã, bɩ y tʋm fãagrã tʋʋm ne rabeem la rigbu, la ka mam sẽn da be yãmb sʋkã bal ye, la bɩ y tʋm moasã mam sẽn ka be yãmb sʋkã n yɩɩda.

Bʋ-kaoodba 2:10

Zamaan-kãng nebã fãa me kiime n sak b saam-dãmba, la zamaan a to n pʋgl bãmb n wa, n dag n ka mi Sẽn-Ka-Saabo, la b ka mi tʋʋm-kãsems nins Sẽn-Ka-Saab sẽn maan n kõ Israyɛll nebã me ye.

Bʋ-kaoodba 2:6

A Zozoe kuilsa Israyɛll nebã, la Israyɛll buud fãa kẽng n tɩ kẽ n sooga tẽng ning b sẽn pʋɩ n kõ-a wã.

Bʋ-kaoodba 2:7

A Zozoe vɩɩmã tɛka, nebã saka Sẽn-Ka-Saabo, la yẽnda kũumã zugẽ, kãsem-dãmb nins sẽn yãnd tʋʋm-kãsems nins fãa Sẽn-Ka-Saab sẽn maan n kõ Israyɛllã vɩɩm tɛka, nebã kell n saka Sẽn-Ka-Saabo.