Zozuwe 24:19 - WẼNNAAM SEBRE 2014

¹⁹ A Zozoe yeela nebã yaa: «Yãmb ka na n tõog n sak Sẽn-Ka-Saab ye. Bala, b yaa Wẽnnaam sẽn yaa pʋ-peelem soaba, la b yaa Wẽnnaam sẽn ka sakd tɩ b bas bãmb n waoog wẽnnaam-dãmb a taab ye. Bãmb ka na n bas yãmb beegrã ne y yel-wẽnã taal ye.

SEBR SÕNGO

¹⁹ Dẽ la a Zozuwe yeel-ba: «Y pa na n tõog n pʋg Soaala ye tɩ b yaa Wẽnd sẽn pid ne sõmblem. Yaa Wẽnd sẽn pa rat tɩ b waoog bũmb a to n paas bãmb ye. B kõ pa n ka sɩbg y tõdgre la y beegr ye.

Zozuwe 24:19 Iomraidhean Croise

2 Kibayã 36:16

La bãmb dag n yaanda Wẽnnaam tʋmtʋmdbã n paoogd b goamã, la b yaand-b no-rɛɛsdbã, hal tɩ Sẽn-Ka-Saab sũurã wa puug ne b nebã tɩ tɩɩm ka ye.

Yɩɩn‑sõamyã 99:3

Bɩ nebã waoog yãmb yʋʋrã sẽn yaa kãsenga, la sẽn sek zoeesã! Bãmb yaa Pʋ-Peelem-Soaba!

Yɩɩn‑sõamyã 99:5

Kils-y Sẽn-Ka-Saab sẽn yaa tõnd Wẽnnaamã yĩnga, la y wõgemd bãmb nao-roagendgã taoore, bala, bãmb yaa pʋ-peelem soaba!

Yɩɩn‑sõamyã 99:9

Pẽg-y Sẽn-Ka-Saab sẽn yaa tõnd Wẽnnaamã, la y wõgemd bãmb tãngã sẽn welg toorã zugu! Bala, Sẽn-Ka-Saab sẽn yaa tõnd Wẽnnaamã yaa pʋ-peelem soaba!

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yikri 23:21

Gũus-y neere, n sak koɛɛg ning fãa yẽnda sẽn na n togs yãmbã. Ra kɩt tɩ yẽnda sũur yik ye. Sã n ka rẽ, yẽnda ka na n kõ yãmb sugr y beegrã yĩng ye. Bala, mam yʋʋr bee yẽnda pʋgẽ.

Yikri 34:14

Bɩ y ra wõgemd wẽnnaam a to taoor ye. Sẽn-Ka-Saab yaa sũ-kiir soaba, bãmb yaa Wẽnnaam sẽn yaa sũ-kiir soaba.

Yikri 34:7

La mam maanda sɩd hal tɩ ta zamaan tusri, n kõt neb sugr b beegrã ne b kɩɩsgã la b yel-wẽnã fãa yĩnga. La baoosgo, mam ka na n bas yãmb taal y beegrã yĩng ye. Mam na n kɩtame tɩ ba-rãmbã beegrã sɩbgr zĩnd bãmb kambã zutu, la bãmb yagensã zut hal tɩ ta zamaan a tãabo, la ne a naase.»

A Ezayi 2:9

Ninsaalbã na n paama yãnde. Nebã na n paama paoogre. Da-y kõ-y bãmb sugr ye!

A Ezayi 27:11

Wilã sã n kʋɩ, b kaood-b lame. La pagbã wat n ning-b-la bugum. Bala, bãmb yaa neb sẽn ka mi võor ye. Rẽ kɩtame tɩ b naandã ka zoe bãmb nimbãaneg ye. Sẽn naan-a bãmbã ka paam nimbãan-zoeer b yĩng ye.

A Ezayi 30:11

Bʋdg-y n bas-y sorã, bʋdg-y n bas-y so-bukã, Da leb-y n gom-y ne tõnd Israyɛll Pʋ-Peelem-Soab a Wẽnnaam yell ye!»

A Ezayi 30:15

Bala, Sẽn-Ka-Saab sẽn yaa Israyɛll Pʋ-Peelem-Soab a Wẽnnaam yetame: «Yaa yãmb sẽn na n tek yam n zĩnd bãane, la yãmb na n paam fãagre, yaa vɩ-bãan ne kɩs sɩd pʋg la yãmb na n paam pãnga. La yãmb ka tʋlg bõn-kãng ye!»

A Ezayi 5:16

Saasẽ-Pãng-Soabã na n paama waoogr b bʋʋdã kaoob sẽn yaa tɩrgã pʋgẽ. Wẽnnaam sẽn yaa pʋ-peelem soabã na n wilga b pʋ-peelmã b bʋʋdã kaoob pʋga.

Maan‑kʋʋre 10:3

A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.

Maan‑kʋʋre 11:44

Bala, mam yaa Sẽn-Ka-Saab sẽn yaa yãmb Wẽnnaam. Yãmb tog n manega y mens n yɩ pʋ-peelem dãmba. Bala, mam yaa pʋ-peelem soaba. Dẽ wã, ra sak-y n bas-y tɩ rũm-bãoonegã sẽn saagd tẽn-gãongã zugã rẽgem yãmb ye.

Maan‑kʋʋre 11:45

Bala, mam yaa Sẽn-Ka-Saabo, la yaa maam n yiis yãmb Ezɩpt tẽnga pʋga, n na n kell n yɩ yãmb Wẽnnaam. Rẽ wã, bɩ y yɩ pʋ-peelem dãmba. Bala, mam yaa pʋ-peelem soaba.

Maan‑kʋʋre 19:2

«Gom ne Israyɛll nin-buiidã n yeel-b yaa: Yɩ-y pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.

Maan‑kʋʋre 20:26

Yãmb tog n yɩɩ pʋ-peelem dãmb mam yĩnga, bala, maam a Sẽn-Ka-Saab yaa pʋ-peelem soaba. Mam welga yãmb toor buud a taabã sʋka, tɩ yãmb tõe n yɩ mam dẽnda.

Maan‑kʋʋre 20:7

Bɩ y yɩlg y mens n yɩ pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.

A Nahum 1:2

Sẽn-Ka-Saab yaa Wẽnnaam sẽn ka rat tɩ b rɩk bãmb waoogrã n kõ Wẽnnaam a to ye. Sẽn-Ka-Saab rokda b sũuri, bãmb sũ-puug-kãsengã pʋga. Bãmb dokda b sũur ne kɩɩsdbã. Bãmb ka basd b bɛɛbã taal ye.

Abakuk 1:13

Yãmb ninã yaa yɩlem wʋsgo, n ka tõe n ges wẽng ye. Yãmb ka tõe n sak n getẽ tɩ b maand wẽngã ye. La yaa bõe yĩng tɩ y sĩnd n get zãmb dãmbã? Bõe yĩng tɩ yãmb sĩnd n getẽ tɩ nin-wẽng sãamd sẽn yaa-a tɩrg n yɩɩd yẽnda wã?

A Matiye Sõng 6:24

Ned ba a yembr ka tõe n sak zu-soben-dãmb a yiib ye. Bala, a na n kisga a yembr la a nong a to wã, wala a loe a meng ne a yembr la a paoog a to wã. Yãmb ka tõe n sak Wẽnnaam la y sak arzegs me ye.

Zozuwe 24:18

Bãmb n dig buud a taabã fãa tɩ b zoe tõnd taoore, ne Amoor-dãmbã sẽn dag n be tẽn-kãngã pʋgã me. Dẽ wã, tõnd me na n saka Sẽn-Ka-Saabo, bala, bãmb yaa tõnd Wẽnnaam.»

Zozuwe 24:23

Sã n yaa a woto, bɩ y yiis bu-zẽmsã wẽn-sãamsã sẽn be yãmb sʋkã, la y wẽnemd n sak Sẽn-Ka-Saab sẽn yaa Israyɛll Wẽnnaamã ne y sũyã fãa.»

A Ruti 1:15

Dẽ, a Naoomi yeelame: «Ade, fo pʋg-to wã lebg n leba a nebẽ, la a wẽnnaam-dãmbẽ, bɩ f lebg n tũ-a tɩ y kuili.»

1 Sãmwɛlle 3:14

Yaa woto yĩng n kɩte, tɩ mam wẽend n yetẽ tɩ maand bɩ kũun ka tol n tõe n yẽes a Eli roogã yel-wẽnã ye.»

1 Sãmwɛlle 6:20

Bɛt-Semees nebã sokame yaa: «Ãndã n tõe n yals Wẽnnaam Sẽn-Ka-Saab sẽn yaa pʋ-peelem soabã taoore? La kaoolã koglgã sã n yi tõnd nengẽ, yɛ la a na n kẽnge?»