Zozuwe 24:14 - WẼNNAAM SEBRE 2014

¹⁴ A Zozoe paasame n yeel yaa: «Moasã, bɩ y zoe Sẽn-Ka-Saab la y sak bãmb ne burkĩnd la ne pʋ-peelem. Zãag-y y mens ne wẽnnaam-dãmb nins yãmb yaab-rãmbã sẽn dag n pʋʋsd Efrat kʋɩlgã rʋʋndã la Ezɩpt pʋgẽ wã, la y tũ Sẽn-Ka-Saabo.

SEBR SÕNGO

¹⁴ A Zozuwe paasame: «Zoe-y Soaala marsã, tũ-y-b zãng ne pʋ-peelem. Zãag-y y mense ne wẽn-naandsã y yaab rãmba sẽn waoog Efrat yaang, la Ezipt tẽnga. Pʋg-y Soaala.

Zozuwe 24:14 Iomraidhean Croise

Sɩngrẽ 17:1

A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

Sɩngrẽ 35:2

A Zakoob yeela a zaka rãmb ne neb nins fãa sẽn dag n be yẽnda zakẽ wã yaa: «Yiis-y wẽn-naandsã sẽn be yãmb nengẽ wã, la y yɩlg y mense, la y tek futu.

2 Rĩm-dãmba 20:3

«Sẽn-Ka-Saabo, m kotame tɩ y tẽeg m yelle, m kotame tɩ y tẽeg tɩ mam dag n tũuda yãmb ne sɩda la ne m sũur fãa, la mam maana sẽn noom yãmba!» La a Ezekɩyaas yãba nintãm wʋsgo.

Esdras 9:11

Yaa tõod nins yãmb sẽn dag n tũnug y no-rɛɛsdbã n yeel tɩ: Yãmb sẽn dabd n na n tɩ reeg tẽng ning n soogã yaa tẽn-dẽgdo, bala, neb nins sẽn be a pʋgẽ wã yaa rẽgdo. La b maana b tʋʋm-beedã n kɩt t'a pid ne rẽgd zĩiga fãa.

A. Zoobe 1:1

Rao a yembr n dag n be Uts tẽngã pʋga, t'a yʋʋr boondẽ t'a Zoobe. Rao-kãng yaa burkĩna, n yaa nin-tɩrga. Yẽnda rag n zoeta Wẽnnaam, la a zãagd a meng ne wẽng maanego.

A. Zoobe 28:28

La bãmb yaool n yeela ninsaal yaa: «Gese, yaa Sẽn-Ka-Saab zoees la yam, la yaa wẽng baosg la bãngre.»

Yɩɩn‑sõamyã 111:10

Sẽn-Ka-Saab zoees yaa yam sɩngre, neb nins fãa sẽn sakd-b no-tũudsã tara yam sõama. Sẽn-Ka-Saab waoogrã paada wakat fãa.

Yɩɩn‑sõamyã 119:1

Bark bee neb nins sẽn kẽnd ne burkĩndã zutu, neb nins sẽn kẽnd wa sẽn zems Sẽn-Ka-Saab tõogã!

Yɩɩn‑sõamyã 119:80

Mam na n saka y noyã ne m sũur fãa, n da wa paam yãnd ye.

Yɩɩn‑sõamyã 130:4

La sugr bee yãmb nengẽ, tɩ nebã tõe n zoe yãmba.

Yɩɩn‑sõamyã 81:10

Bɩ y ra sak tɩ wẽn-zẽng zĩnd yãmb sʋk ye! Ra wõgemd-y wẽn-sãang taoor ye!

Ezekiyɛl 20:18

Mam yeela bãmb kambã we-raoogã pʋgẽ yaa: «Ra tũ-y y ba-rãmbã noyã, ra sak-y b no-tũudsã, la y ra rẽgem y mens ne b wẽn-naandsã ye.

Ezekiyɛl 23:3

Bãmb koosa b mens Ezɩpt tẽnga, bãmb koosa b mens b pʋg-sademdã wakate. B wẽbsa bãmb bĩis Ezɩpt tẽnga, b saaga bãmb pʋg-sademdẽ yãoogã beenẽ.

A Ooze 3:5

Dẽ poore, Israyɛll nebã na n lebg n waame. Bãmb na n baoo Sẽn-Ka-Saab sẽn yaa bãmb Wẽnnaamã, la a Davɩɩd sẽn yaa bãmb dĩmã. Wakat n wate, tɩ bãmb na wa Sẽn-Ka-Saab nengẽ ne rabeem, n bao bãmba, la b bao b sõmblmã.

Maan‑kʋʋre 17:7

Israyɛll nebã ka tog n leb n maan b maoongã tẽn-kugã sẽn yaa boeesã zutu, bõn-kãng yaa wa yoobo. Yõwã na n yɩɩ no-tũudg sẽn ka sɛta, bãmb ne b yagensã yĩnga.

A Miise 6:8

Ninsaala, b kɩtame tɩ fo bãng sẽn yaa sõamã, Sẽn-Ka-Saab sẽn dat tɩ f maan bũmb ning bala, yaa tɩ f maan sẽn yaa tɩrga, la f nong maan-neere, la f kẽn ne f Wẽnnaamã ne sik-m-menga.

A Luk Sõng 8:15

Zĩ-sõngã, yaa neb nins sẽn wʋmd koɛɛgã ne sũur sẽn yaa sõama la tɩrga, n talld-a, n yalsd kãenkãe, n womd biisã.»

Tʋʋma 9:31

A Zeezi tẽedbã sẽn be Zʋʋde la Galɩle ne Samaari wã fãa dag n bee laafɩ, b pãnga ra paasdame la b ra sakda Zu-soabã, la Sɩɩg-sõng ra sõngd-b lame tɩ b lebgd wʋsgo.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

Efɛɛz Rãmba 6:24

Bɩ neb nins fãa sẽn nong tõnd Zu-soab a Zeezi Kiris ne nonglem sẽn ka tekdã paam barka.

Yaoolem 10:12

La moasã, Israyɛll nebã, bõe la Sẽn-Ka-Saab rat ne yãmba, sã n ka tɩ y zoe Sẽn-Ka-Saab sẽn yaa yãmb Wẽnnaamã n tũ bãmb soayã, la y nong bãmba, n sak Sẽn-Ka-Saab sẽn yaa yãmb Wẽnnaamã ne y sũyã fãa la ne y yamã fãa,

Yaoolem 18:13

Bɩ y yɩ neb sẽn zems zãng Sẽn-Ka-Saab sẽn yaa yãmb Wẽnnaamã nifẽ.»

Yaoolem 6:13

Zoe-y Sẽn-Ka-Saab sẽn yaa yãmb Wẽnnaamã n sak bãmb bala, la y wẽen ne bãmb yʋʋre.

Filip rãmba 1:10

Tɩ woto, yãmb na n bãnga bũmb ning sẽn yaa sõama n yɩɩda sẽn na n yɩlẽ tɩ Kiris waoongã daare, bɩ y yɩ neb sẽn yaa sɩd dãmb tɩ rõadg kaẽ ye,

Zozuwe 24:2

A Zozoe yeela Israyɛll nebã fãa yaa: «Sẽn-Ka-Saab sẽn yaa Israyɛll Wẽnnaamã yeelame: Yãmb yaab-rãmbã: a Teera ne a kambã, a Abrahaam ne a Nahoor dag n bee Efrat kʋɩlgã rʋʋnd hal daar zãra, la b rag n waoogda wẽnnaam-dãmb a taaba.

Zozuwe 24:23

Sã n yaa a woto, bɩ y yiis bu-zẽmsã wẽn-sãamsã sẽn be yãmb sʋkã, la y wẽnemd n sak Sẽn-Ka-Saab sẽn yaa Israyɛll Wẽnnaamã ne y sũyã fãa.»

1 Sãmwɛlle 12:14

Yãmb sã n zoe Sẽn-Ka-Saabo, n tũ bãmb la y sak bãmb noorã, yãmb sã n ka kɩɩs Sẽn-Ka-Saab noorã, yãmb ne rĩm ning sẽn so-a yãmbã na n kell n tũu Sẽn-Ka-Saab sẽn yaa yãmb Wẽnnaamã.

1 Sãmwɛlle 12:24

La bũmb sẽn be bala, bɩ y zoe Sẽn-Ka-Saabo, la y tũ bãmb ne sɩda, la ne y sũyã fãa. Ges-y bõn-kãsems nins bãmb sẽn maan yãmb sʋkã.

1 Sãmwɛlle 7:3

La a Sãmwɛll yeela Israyɛll buudã fãa yaa: «Sã n mikame tɩ yaa ne y sũyã fãa la y rat n lebg n tũ Sẽn-Ka-Saabo, bɩ y yiis bu-zẽmsã wẽnnaam-dãmbã, ne Astarte wẽn-naandsã yãmb sʋka. La y wẽnemd y sũyã n kõ Sẽn-Ka-Saabo, la y tũ bãmb b yembr bala. Woto, bãmb na n fãaga yãmb Filistẽ-dãmbã nusẽ.»