Zozuwe 24:10 - WẼNNAAM SEBRE 2014

¹⁰ La mam ka kelg a Balaam ye. La yɩɩ kãab-nood bal la a rag n kãabd yãmba, la mam fãaga yãmb a Balak nugẽ.

SEBR SÕNGO

¹⁰ M pa sak n kelg a Balaam ye. Menga, a kong ning-y-la barka la m fãag-y-la a Balak nugẽ.

Zozuwe 24:10 Iomraidhean Croise

A Ezayi 54:17

Zab-teoog ning fãa b sẽn maan n na n zab ne foomã kõn tol n tõog n maan foom bũmb ye. La ned ning fãa sẽn na n yik-a bʋʋd zĩigẽ n dõd foom, fo na n kɩtame t'a kong bʋʋm. Ad Sẽn-Ka-Saab tʋmtʋmdbã pʋɩɩr la woto, tɩrlem ning sẽn yit mam nengẽ wã. Maam a Sẽn-Ka-Saab n yeele.

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Sõadga 22:35

La Sẽn-Ka-Saab malɛɛkã leoka a Balaam yaa: «Kell n tũ nebã n kẽnge, la bɩ f bãng tɩ yaa goam nins mam sẽn na n togs foomã bal la f na n gome.» Dẽ, a Balaam kell n tũu nanambs nins a Balak sẽn tʋmã n looge.

Yaoolem 23:5

Bala, bãmb ka tall rɩɩb ne koom n seg yãmb sorã zug y sẽn wa n yi Ezɩpt wakatẽ wã ye. La sẽn paas me, bãmb kõo a Bewoor biig a Balaam sẽn yit Petoor sẽn be Mezopotami soolmẽ wã ligd t'a kãab yãmb wẽnga.

Zozuwe 24:11

Yãmb pɩʋʋga Zʋrdẽ kʋɩlgã n ta Zeeriko. Zeeriko rãmbã yikame n zab ne yãmba, n paas ne Amoor-dãmbã, Perɛɛz-rãmbã, Kana-rãmbã, Hɛt-rãmbã, Garazim-rãmbã, Hevi-rãmbã ne Zebuus-rãmbã. La mam kɩtame tɩ yãmb tõog-ba.