Zozuwe 23:8 - WẼNNAAM SEBRE 2014

⁸ Kell-y n gãd-y Sẽn-Ka-Saab sẽn yaa yãmb Wẽnnaamã wa yãmb sẽn sɩng n maandẽ hal tɩ ta rũndã wã.

SEBR SÕNGO

⁸ Modg-y n tabend Soaala, yãmb Wẽnde, wala y sẽn maan n tãag rũnna.

Zozuwe 23:8 Iomraidhean Croise

2 Rĩm-dãmba 18:6

A Ezekɩyaas sũurã rag n loee ne Sẽn-Ka-Saabo, la yẽnda ka tol n wẽnemd n bas-b ye. La yẽnda rag n sakda tõod nins Sẽn-Ka-Saab sẽn dag n kõ a Moyiisã.

Tʋʋma 11:23

La yẽnda sẽn ta n yãnd Wẽnnaam sẽn ning tẽedbã bark to-to wã, a sũurã yɩɩ noogo. La a paasa b fãa raood n yet tɩ b kell n tũ Zu-soabã ne b sũyã fãa n da bas ye.

Yaoolem 10:20

Zoe-y Sẽn-Ka-Saab sẽn yaa yãmb Wẽnnaamã la y sak bãmb n gãd bãmba, la y wẽen ne bãmb yʋʋre.

Yaoolem 11:22

Yãmb sã n gũus neer n sak tõod nins fãa mam sẽn kõt yãmb tɩ y tũ wã, n nong Sẽn-Ka-Saab sẽn yaa yãmb Wẽnnaamã n tũ bãmb sorã, la y loe y meng ne bãmba,

Yaoolem 13:4

bɩ y ra kelg no-rɛɛs-kãng wall nin-kãng soab goamã ye. Bala, yaa Sẽn-Ka-Saab sẽn yaa yãmb Wẽnnaamã n makd yãmb n dat n bãng yãmb sã n tũuda bãmb ne y sũyã fãa la ne y yamã fãa.

Yaoolem 13:5

Bɩ y tũ Sẽn-Ka-Saab sẽn yaa yãmb Wẽnnaamã la y zoe bãmba. Sak-y bãmb tõodã n kelg b koɛɛgã, la y waoog bãmb n gãd-b kãenkãe.

Yaoolem 4:4

La yãmb fãa sẽn ket n vɩ rũndã wã, yaa yãmb sẽn tũud Sẽn-Ka-Saab sẽn yaa yãmb Wẽnnaamã.

Yaoolem 8:20

Yãmb na n menema wa buud nins Sẽn-Ka-Saab sẽn kɩt tɩ b menem yãmb taoorã. Bala, yãmb ka kelg Sẽn-Ka-Saab sẽn yaa yãmb Wẽnnaamã koɛɛg ye.

Zozuwe 22:5

La bũmb sẽn be bala, modg-y n sak-y noy ninsi, la tõod nins fãa Sẽn-Ka-Saab tʋmtʋmd a Moyiis sẽn dag n wilg yãmbã. B yeelame yaa: Nong-y Sẽn-Ka-Saab sẽn yaa yãmb Wẽnnaamã, la y tũ bãmb soayã neere, n sak bãmb tõodã, la y mobg bãmba, la y tʋm bãmb yĩng ne y sũyã fãa, ne y yamã fãa.»

Zozuwe 23:7

la y ra naag buud a taabã sẽn ket n be ne yãmbã ye. Da sak-y n pʋd-y bãmb wẽnnaam-dãmbã yʋy y sʋka, la y ra saag n wẽen ne-ba, la y ra waoog-b ye. La y ra saag n wõgemd b wẽnnaam-dãmbã taoor ye.

Zozuwe 23:9

Sẽn-Ka-Saab kɩtame tɩ yãmb dig buud wʋsg sẽn tar pãnga. La hal tɩ ta rũndã, ned ba a yembr nan ka tõog n yals n teeg a yãoog ne yãmb ye.