Zozuwe 23:7 - WẼNNAAM SEBRE 2014

⁷ la y ra naag buud a taabã sẽn ket n be ne yãmbã ye. Da sak-y n pʋd-y bãmb wẽnnaam-dãmbã yʋy y sʋka, la y ra saag n wẽen ne-ba, la y ra waoog-b ye. La y ra saag n wõgemd b wẽnnaam-dãmbã taoor ye.

SEBR SÕNGO

⁷ Da saag-y n fãoog y mense ne buud a taba sẽn ket n vɩ-b yãmb sɛɛgẽ wã ye. Da pʋd-y b wẽn-naandsa yʋʋre, da wẽen-y ne bãmba, da pʋg-y-ba, da wõgemd-y b taoor ye.

Zozuwe 23:7 Iomraidhean Croise

2 Rĩm-dãmba 17:12

Bãmb waooga wẽn-naandse, tɩ Sẽn-Ka-Saab yaool n dag n yeel bãmb tɩ b ra sak n maan bũmb a woto ye.

2 Rĩm-dãmba 5:18

Mam sẽn kote, yaa tɩ Sẽn-Ka-Saab maan maam sugri, bala, mam soaalã sã n mi n kẽng wẽn-naandg a Rimo roogẽ wã n na n tɩ pʋʋse, bãmb tikda maam la mam me naagda bãmb n wõgemd n waoog a Rimo. Dẽ yĩngã, mam sã n wa n wõgemd wẽn-naandg a Rimo roogẽ wã, bɩ Sẽn-Ka-Saab kõ-m sugri.»

2 Kibayã 7:19

La yãmb sã n wẽnemd n bas m tõodã ne m noyã m sẽn kõ yãmbã, n kẽng n tɩ tũ wẽn-naands n wõgemd n waoog-ba,

Yɩɩn‑sõamyã 16:4

Nin-wẽnsã wẽn-naandsã lebgda wʋsgo, wẽn-naandg a to sã n wa, tao-tao tɩ b bee beenẽ. Mam kõn tol n maan maoong n daag zɩɩm n kõ zĩrẽ wẽnnaam-dãmbã ye. Abada! Mam kõn tol n yaag m noor n pʋd b yʋy ye.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yikri 23:13

«Sak-y bũmb nins fãa mam sẽn yeel yãmbã, la y ra pʋd wẽnnaam-dãmb a taab yʋy ye. Ra sak tɩ ned wʋm tɩ fo gomd b yell ye.»

Yikri 23:33

Bɩ y ra sak tɩ bãmb zĩnd yãmb soolmã pʋgẽ ye. Sã n ka rẽ, bãmb na n wa kɩtame tɩ yãmb maan yel-wẽnd n beeg maam. Bala, yãmb na n waooga bãmb wẽnnaam-dãmbã, la, yõwã na n yɩɩ bẽdg yãmb yĩnga.

Yelbũna 4:14

Ra maan wa nin-wẽnsã ye, la f ra rɩk tʋʋm-wẽns maandbã sor ye.

Zeremi 12:16

Bãmb sã n togs m nebã n maan wa bãmba, la b sã n wẽen ne maam a Sẽn-Ka-Saab sẽn vɩ wã yʋʋr wa b sẽn dag n zãms m nebã tɩ b wẽen ne Baallã, bãmb me na n paama zĩig m nebã sʋka.

Zeremi 5:7

Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

A Ooze 2:17

La beenẽ, mam na n lebs-a-la a reezẽ tɩɩs pʋtã, la m kɩt tɩ Akoor longã lebg tẽeb sɩngre. Beenẽ, yẽnda na n saka wa a pʋg-sademdẽ wã, la wa wakat ning a sẽn dag n yi Ezɩptã.

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Sõadga 32:38

N paas Nebo, ne Ball-Meyon, la sɩbma, la b bao yʋʋr n kõ tẽms kẽer b sẽn me wã sʋka.

Sõadga 33:55

La yãmb sã n ka rig tẽngã nebã n yiis tẽngã, y sẽn na n bas b rãmba na n namsa yãmba. Bãmb na n yɩɩ wa gõos sẽn na n kõs yãmb nina, la a sɩ y poayã, la bãmb na n zaba ne yãmb tẽng ning yãmb sẽn na n zĩndã pʋgẽ.

1 Korẽnt rãmba 15:33

Da belg-y y mens ye: Tũud-n-ta-wẽng sãamda minim-sõamyã.

Efɛɛz Rãmba 5:11

la y ra tol n paam lagem-n-taar ne likã tʋʋm sẽn ka yõodã ye. Wilg-y tɩ b ka sõama ye.

Yaoolem 10:20

Zoe-y Sẽn-Ka-Saab sẽn yaa yãmb Wẽnnaamã la y sak bãmb n gãd bãmba, la y wẽen ne bãmb yʋʋre.

Yaoolem 6:13

Zoe-y Sẽn-Ka-Saab sẽn yaa yãmb Wẽnnaamã n sak bãmb bala, la y wẽen ne bãmb yʋʋre.

Yaoolem 6:14

Ra tũ-y wẽnnaam-dãmb a taab sẽn be buud a taabã sẽn gũbg yãmbã wẽnnaam-dãmbã sʋk ye.

Zozuwe 23:12

Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,

Zozuwe 23:8

Kell-y n gãd-y Sẽn-Ka-Saab sẽn yaa yãmb Wẽnnaamã wa yãmb sẽn sɩng n maandẽ hal tɩ ta rũndã wã.