Zozuwe 23:3 - WẼNNAAM SEBRE 2014

³ La yãmb yãnda bũmb nins fãa Sẽn-Ka-Saab sẽn yaa yãmb Wẽnnaamã sẽn maan buud a taabã n sõng yãmbã. Bala, yaa Sẽn-Ka-Saab sẽn yaa yãmb Wẽnnaamã n zab n sõng yãmba.

SEBR SÕNGO

³ Yãmb mens yãee ne y nini, Wẽnnaam, y Soaala, sẽn maan bũmb ning ne sẽn da so-b tẽnga pĩndã. Yaa Wẽnnaam, y Soaalã, n sõng yãmba.

Zozuwe 23:3 Iomraidhean Croise

Yikri 14:14

Sẽn-Ka-Saab na n zaba yãmb yĩnga. Yãmb tɛka, yaa y sĩnd sɩddd...»

Yikri 19:4

‹Yãmb mens yãnda mam sẽn maan Ezɩpt nebã bũmb ningã. Mam dɩka yãmb ne pa-nand-tugr pɩgsa, n tall yãmb n wa mam nengẽ.

Ezekiyɛl 20:28

Mam talla bãmb n ta tẽng ning mam sẽn dag n zẽk m nug n wẽen tɩ m na n kõo bãmbã pʋga, la bãmb wẽnemd n gesa kunkub nins fãa sẽn zẽkã, la b ges tɩɩg ning sẽn tar maasem wʋsgã. Bãmb maana b maandã beenẽ, la b wa ne b kũun n yik m sũuri. Bãmb waa ne kũun toor-toor sẽn tar yũ-noogo, la b raag b bõn-yũudl kũunã.

Malasi 1:5

Yãmb nin na n yãnda bõn-kãense, la yãmb mens na n yeelame tɩ Sẽn-Ka-Saab yaa kãsenga, hal baa sẽn gãndg Israyɛll todsã!

Yaoolem 1:30

Bala, Sẽn-Ka-Saab sẽn yaa yãmb Wẽnnaamã sẽn lʋɩ yãmb taoor n kẽndã na n zab n kõo yãmb wa b sẽn dag n maan Ezɩpt to-to yãmb fãa nifẽ wã.

Yaoolem 20:4

Bala, Sẽn-Ka-Saab sẽn yaa yãmb Wẽnnaamã yãagda yãmba, n na n zab ne y bɛɛbã n fãag yãmba.»

Yaoolem 4:9

Bũmb sẽn be bala, gũus-y y mens neer y yõor tɛk n da wa bas bũmb nins yãmb ninã sẽn yãndã n yĩm b yell ye. Rɩk bãmb n zãms y kambã ne y yagensã n wilg bãmb tɩ

Yaoolem 7:17

Yãmb sã n wa yeel y sũurẽ: «Bu-bãmbã yaa wʋsg n yɩɩd tõndo, tõnd ka tõe n tõog-b ye.»

Yaoolem 7:24

Bãmb na n sõnga yãmb tɩ y tõog bãmb rĩm-dãmbã, la yãmb na n kɩtame tɩ b yʋʋr menem tẽng zugu. Bãmb ned baa a yembr ka na n tõog n yals n zab ne yãmba, hal tɩ yãmb wa sãam-b zãnga.

Zozuwe 10:14

Daar sẽn wẽnd woto dag n nan zɩ n zĩnd ye. A buud ka zĩnd sẽn deng rẽndã, wall rẽ loogr poore, tɩ Sẽn-Ka-Saab sak ninsaal noor a woto ye. Bala, yaa Sẽn-Ka-Saab n dag n zabd n sõngd Israyɛll nebã.

Zozuwe 10:42

A Zozoe tõoga rĩm-dãmb-kãens ne b tẽmsã wakat a ye pʋgẽ. Bala, Sẽn-Ka-Saab sẽn yaa Israyɛll Wẽnnaamã rag n zabd n sõngda Israyɛlle.

Zozuwe 23:10

Yãmb ned a yembr tõe n diga bãmb neb tusri, bala, yaa Sẽn-Ka-Saab sẽn yaa yãmb Wẽnnaamã n zabd n sõngd yãmb wa bãmb sẽn dag n yeelã.