Zozuwe 23:13 - WẼNNAAM SEBRE 2014

¹³ bɩ y bãng neere, tɩ Sẽn-Ka-Saab sẽn yaa yãmb Wẽnnaamã ka na n leb n sõng yãmb tɩ y tõog n dig bu-kãensã ye. Bu-kãensã na n kɩtame tɩ yãmb lʋɩ bẽdg pʋg n paam toogo, b na n namsa yãmb wa b sẽn pãbd ned ne kalwaase, la wa gõos sẽn kõs ned nini, hal tɩ yãmb wa menem n bas tẽn-sõng-kãng Sẽn-Ka-Saab sẽn yaa yãmb Wẽnnaamã sẽn kõ yãmbã.

SEBR SÕNGO

¹³ bãng-y tɩ wakat kãng tɛka Soaala, yãmb Wẽnnaam, kõn le rig-b yãmb taoor ye. La yãmb yĩnga b na lebga tãooga, n lebg bẽdgo, n lebg sãbsga y lugẽ, n lebg gõaag y nini al tɩ y wa tol n menem zãng, tẽn-sõng ning Soaala-Wẽnnaam sẽn kõ yãmba.

Zozuwe 23:13 Iomraidhean Croise

1 Rĩm-dãmbã 11:4

Rĩm a Salmo sẽn wa n kʋʋle, a pagbã tõog n wẽnemda a yamã t'a tũ wẽn-naandse, la a yamã rag n ka loe ne Sẽn-Ka-Saab sẽn yaa yẽnda Wẽnnaamã zãnga, wa a ba a Davɩɩd yamã sẽn dag n loe ne Sẽn-Ka-Saab to-to wã ye.

2 Rĩm-dãmba 17:18

Dẽ, Sẽn-Ka-Saab sũurã puuga ne Israyɛll nebã hal wʋsgo, tɩ b kɩt tɩ b zãag ne bãmba. La yaa Zʋʋda buudã bal n dag n kete.

2 Rĩm-dãmba 17:20

Woto, Sẽn-Ka-Saab basa Israyɛll buudã zãng n ning-b yãnde, n bas tɩ fãadb wa fã-ba. La Sẽn-Ka-Saab baas n dig-b lame tɩ b zãag ne bãmba.

2 Rĩm-dãmba 25:21

Babilond rĩmã kɩtame tɩ b kʋ bãmb Ribla sẽn be Hamat soolmã pʋga. Yɩɩ woto la b tall Zʋʋda nebã n zãag ne b soolmã.

2 Rĩm-dãmba 25:26

Rẽnda kɩtame tɩ nebã fãa, sẽn sɩng ne nin-bãooneg tɩ tãag nin-bɛda, ne tãb-biisã nanambsã fãa yik n zoe n kẽnga Ezɩpt tẽnga, bala, bãmb dag n zoeta Kalde rãmbã.

Yɩɩn‑sõamyã 69:22

Bãmb ningda zẽnem mam dɩɩbẽ, la ko-yũud sẽn tar maam yĩnga, b kõta maam miisim tɩ m yũ.

Yikri 10:7

La rĩmã tʋmtʋmdbã yeela rĩmã yaa: «Rao-kãngã na n yɩɩ bẽdg tõnd yĩng hal tɩ ta dabʋre? Bas-y nin-bãmbã tɩ b kẽng n tɩ waoog Sẽn-Ka-Saab sẽn yaa bãmb Wẽnnaamã. Yãmb ket n nan ka mi tɩ Ezɩpt tẽngã sãamdame?»

Yikri 23:33

Bɩ y ra sak tɩ bãmb zĩnd yãmb soolmã pʋgẽ ye. Sã n ka rẽ, bãmb na n wa kɩtame tɩ yãmb maan yel-wẽnd n beeg maam. Bala, yãmb na n waooga bãmb wẽnnaam-dãmbã, la, yõwã na n yɩɩ bẽdg yãmb yĩnga.

Yikri 34:12

Fo sã n ta zĩig ning fo sẽn dabdã, bɩ f gũus n da wa maan kaool ne tẽngã nebã, tɩ b lebg wa bẽdg yãmb sʋk ye.

Yikri 34:16

La bɩ f ra peeg bãmb kom-pugli n kõ f kamb tɩ b maan b pagb ye, tɩ bãmb kom-pugli wã sẽn maand yoob ne b wẽnnaam-dãmbã, ra wa kɩt tɩ fo kom-dibli wã maan yoob ne bãmb wẽnnaam-dãmbã ye.

Ezekiyɛl 28:24

Dẽ, tẽms nins fãa sẽn karg n gũbg Israyɛll n paoogd-a wã sʋka, yẽnda kõn leb n yɩ gõ-payãndga, wall gõaag sẽn kõsd tɩ zabdẽ, Israyɛll yĩng ye. Woto la b na n bãng tɩ mam yaa Zu-soab a Sẽn-Ka-Saabo.

Sõadga 33:55

La yãmb sã n ka rig tẽngã nebã n yiis tẽngã, y sẽn na n bas b rãmba na n namsa yãmba. Bãmb na n yɩɩ wa gõos sẽn na n kõs yãmb nina, la a sɩ y poayã, la bãmb na n zaba ne yãmb tẽng ning yãmb sẽn na n zĩndã pʋgẽ.

A Luk Sõng 21:24

Zabr sʋʋg n na n kʋ bãmba, la b na n yõga bãmb n maan yembse, n tall n kẽng buudã fãa sʋka. La bu-zẽms na n sooga Zeruzalɛm ne pãng hal tɩ b wakatã pidi.

Yaoolem 29:28

Bũmb nins sẽn solgã yaa Sẽn-Ka-Saab sẽn yaa tõnd Wẽnnaamã n so. La bũmb nins b sẽn vẽnegã yaa tõnd ne d kambã yĩng wakat fãa, sẽn na n yɩl tɩ tõnd dɩk tõ-kãensã goamã fãa n ning b nao-kẽndr zugu.»

Yaoolem 30:18

mam yeta yãmb dũndã tɩ y na n menema zãnga. Yãmb ka na n vɩɩmd n kaoos tẽng ning yãmb sẽn na n dʋʋg Zʋrdẽ wã n tɩ kẽ n soogã pʋgẽ ye.

Yaoolem 4:26

mam dɩkda saasã ne tẽngã tɩ b yaa mam kaset dãmb dũndã, tɩ yãmb na n menema tẽng ning yãmb sẽn na n dʋʋg Zʋrdẽ kʋɩlgã n tɩ soogã pʋgẽ tao-tao. Yãmb ka na n zĩnd be n kaoos ye, yãmb na n sãama zãnga.

Yaoolem 7:16

Fo na n sãama buud nins fãa Sẽn-Ka-Saab sẽn yaa fo Wẽnnaamã sẽn na n kɩt tɩ f tõogã. Ra zoe b nimbãaneg ye. Ra tũ-b wẽnnaam-dãmbã ye. Bala, na n yɩ bẽdg fo yĩnga.

2 Tɩmote 2:26

tɩ b leb n paam yam-sõngo, la b tõog n yi sʋtãanã kũusa sẽn yõg bãmb tɩ b sak-a wã pʋgẽ.

Bʋ-kaoodba 2:21

mam me ka na n kɩt tɩ b tõog n zab n deeg a Zozoe sẽn ki n bas tẽms ninsã baa a yembr ye.