Zozuwe 23:12 - WẼNNAAM SEBRE 2014

¹² Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,

SEBR SÕNGO

¹² Y sã n sak wɩɩbdo n tɩ fãoog ne buud niyns sẽn yeg b yãmbã, n kẽ b buudẽ, tɩ b lebg y reem dãmba, tɩ y kẽed b tẽnsẽ tɩ bãmb me kẽed y tẽnsẽ,

Zozuwe 23:12 Iomraidhean Croise

Sɩngrẽ 2:24

Yaa woto yĩng n kɩte, tɩ rao na n bas a ba ne a ma, n tɩ loe a meng ne a paga. La bãmb na n lebga yĩng a yembre.

Sɩngrẽ 34:3

A Sɩkɛm yamã rag n loee ne a Zakoob biig a Dina. Yẽnda rag n nonga pʋg-sadã hal wʋsgo, rẽ, yẽnda goma gom-nood n na n noog a Dina sũuri.

1 Rĩm-dãmbã 11:2

Sẽn-Ka-Saab yaool n dag n goma ne Israyɛll nebã bu-bãmb wɛɛngẽ n yeele: «Bɩ y ra kẽng n tɩ naag bu-kãense, la y ra bas-b tɩ b wa naag yãmb ye. Bala, b na n kɩtame tɩ yãmb yamã tek tɩ y wẽnemd n bas Sẽn-Ka-Saab n tũ b wẽn-naandsã.» La a Salmo sẽn dag n nong pʋg-bãmbã wã yĩng kɩtame t'a loe a meng ne-ba.

1 Rĩm-dãmbã 11:4

Rĩm a Salmo sẽn wa n kʋʋle, a pagbã tõog n wẽnemda a yamã t'a tũ wẽn-naandse, la a yamã rag n ka loe ne Sẽn-Ka-Saab sẽn yaa yẽnda Wẽnnaamã zãnga, wa a ba a Davɩɩd yamã sẽn dag n loe ne Sẽn-Ka-Saab to-to wã ye.

Yɩɩn‑sõamyã 125:5

La sã n yaa ne neb nins sẽn tũud-b so-golemsã, bɩ Sẽn-Ka-Saab naag-b ne tʋʋm-wẽns maandbã n digi! Bɩ Israyɛll vɩɩmd ne bãane!

Yɩɩn‑sõamyã 36:3

Yẽnda belgda a menga, n ka sakd n deeg a kongr n kisg-a ye.

A Ezayi 1:4

Toog bee bu-kãngã sẽn yaa yel-wẽn-maandã zugu, bãmb yaa koangdba, bãmb yaa tʋʋm-wẽns rãmba, bãmb yaa kom-wegemse! Bãmb basa Sẽn-Ka-Saabo, bãmb paooga Israyɛll Pʋ-Peelem-Soabã, bãmb wẽnemd n basa bãmba.

Ezekiyɛl 18:24

Nin-tɩrg sã n bas a tɩrlmã n maan sẽn ka tɩrga, a sã n maan tʋʋm-beed nins fãa nin-wẽng sẽn maanã, a na vɩɩmd sɩda? B kõn tol n leb n tẽeg a tɩrlem tʋʋm nins fãa yẽnda sẽn maanã ba a yembr yell ye. Yẽnda sẽn maan sẽn kisã, la a sẽn maan yel-wẽnã yĩnga, a na n kiime.

Sofoni 1:6

Mam na n menesa neb nins sẽn basd maam a Sẽn-Ka-Saabã, ne neb nins sẽn ka baood maamã la sẽn ka baood-b mam saglgã.

A Matiye Sõng 12:45

A kẽngdame n tɩ peeg zĩn-dãmb a yopoe sẽn yaa wẽns n yɩɩd yẽnda mengã tɩ b wa kẽ n zĩnd be. La rao-kãng yaoolem toogã na n yɩɩ wẽng n yɩɩg pipi wã. A na n yɩɩ a woto me zamaan‑kãngã nin-wẽnsã yĩnga.

A Zã Sõng 6:66

Sẽn sɩng ne wakat-kãnga, bãmb karen-biis wʋsg leba poorẽ, n bas n ka leb n tũud a Zeezi ye.

Rom Dãmba 12:9

Kɩt-y tɩ zãmb da zĩnd nonglem pʋgẽ ye. Kisg-y wẽnga, la y nong sẽn yaa sõama wã sõama.

Yaoolem 6:15

Bala, Sẽn-Ka-Saab sẽn yaa yãmb Wẽnnaamã sẽn be yãmb sʋkã ka rat tɩ b rɩk b waoogrã n kõ ned a to ye. Bãmb sũurã na n puuga ne yãmb tɩ b kɩt tɩ y menem tẽngã zugu.

Yaoolem 7:3

Ra maan yi-kãadem ne bu-bãmb ye. Da rɩk f bi-pugl n kõ bãmb tɩ b maan b pag ye. La ra peeg bãmb bi-pugl n kõ f kamb tɩ b maan b pag ye.

Yaoolem 7:4

Bala, b na n kɩtame tɩ yãmb kambã bas maam n tɩ tũ wẽnnaam-dãmb a taaba. La Sẽn-Ka-Saab sũur na n puuga ne yãmb tɩ b sãam yãmb tao-tao.

Zozuwe 23:11

Dẽ wã, bɩ y gũus y mens neere, la y nong Sẽn-Ka-Saab sẽn yaa yãmb Wẽnnaamã.

1 Zã 2:9

Ned ning sẽn yet t'a bee vẽenemẽ n yaool n kis a ba-biiga, a ket n bee lik bida pʋgẽ.

Bʋ-kaoodba 14:3

A Samsõ ba wã ne a ma wã yeela yẽnda yaa: «Yaa pag n ka be fo roagdbã kom-pugli sʋk bɩ? Bɩ tõnd buudã fãa sʋka, pag n ka be beenẽ, tɩ fo wa tɩ rat Filistẽ-dãmbã sẽn ka kẽ bãongã biig n maan f paga?» La a Samsõ yeela a baaba yaa: «Kos-y yẽnda n kõ-ma, bala, yaa yẽnda n ta mam yam.»

Bʋ-kaoodba 3:6

Israyɛll nebã peega bu-bãmb kom-pugli wã n maan b pagba, la b rɩgs b kom-pugli n kõ bu-bãmb kom-dibli wã tɩ b maan b pagba, la b pʋʋs bu-bãmb wẽn-naandsã.