Zozuwe 23:11 - WẼNNAAM SEBRE 2014

¹¹ Dẽ wã, bɩ y gũus y mens neere, la y nong Sẽn-Ka-Saab sẽn yaa yãmb Wẽnnaamã.

SEBR SÕNGO

¹¹ Y sã n dat n põse bɩ y modg n nong Soaala, y Wẽnnaam.

Zozuwe 23:11 Iomraidhean Croise

Yikri 20:6

Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

Yelbũna 4:23

Maan gũusg ne f sũurã tagsg n yɩɩd bũmb fãa, bala, ninsaal vɩɩm yita a sũur pʋgẽ.

A Luk Sõng 21:34

Gũus-y y mens tɩ rɩ-n-tɩk wall rã-tɩgre, la vɩɩmã yɛl yɩɩr da wa n zɩsg yãmb sũyã ye, la tɩ ra-kãng ra wa n ling yãmb

Rom Dãmba 8:28

La tõnd miime tɩ bũmb fãa tʋmda ne taab neb nins sẽn nong Wẽnnaamã, b rãmb sẽn paam boolg wa sẽn zems Wẽnnaam yam-yãkrã sõngr yĩnga.

1 Korẽnt rãmba 16:22

Ned sã n ka nong Zu-soabã, bɩ kãab-wẽng zĩnd a zugu. Maaranata

1 Korẽnt rãmba 8:3

La ned sã n nong Wẽnnaam, Wẽnnaam mi-a lame).

Efɛɛz Rãmba 5:15

Dẽ wã, gũus-y neer ne yãmb kẽnde, n da kẽn wa yalemb ye. Kẽn-y wa yam dãmba.

Yaoolem 30:16

Noor ning mam sẽn kõt yãmb dũndã wã, yaa tɩ y nong Sẽn-Ka-Saab sẽn yaa yãmb Wẽnnaamã, la y sak Sẽn-Ka-Saab sẽn yaa yãmb Wẽnnaamã, n tũ bãmb soyã la y sak bãmb tõodã, ne b no-tũudsã la b noyã, n tõog n vɩɩmd n lebg wʋsgo, tɩ Sẽn-Ka-Saab sẽn yaa yãmb Wẽnnaamã ning-y bark tẽng ning yãmb sẽn na n kẽ n soogã pʋgẽ.

Yaoolem 30:20

la y nong Sẽn-Ka-Saab sẽn yaa yãmb Wẽnnaamã, n sak bãmb koɛɛgã n loe y sũurã ne bãmba. Yaa bãmb n kõt yãmb vɩɩm la yõ-woko, sẽn na yɩl tɩ yãmb tõe n zĩnd tẽng ning Sẽn-Ka-Saab sẽn yaa yãmb Wẽnnaamã sẽn dag n wẽen n yeel y yaab-rãmb a Abrahaam ne a Izaak la a Zakoob tɩ b na n kõo bãmbã.

Yaoolem 4:15

«Gũus-y y mens neere, bala, wakat ning Sẽn-Ka-Saab koɛɛgã sẽn da yi bugum pʋgẽ Horɛɛb tãngã zug n gom ne yãmbã, yãmb ka yã bũmb ye.

Yaoolem 4:9

Bũmb sẽn be bala, gũus-y y mens neer y yõor tɛk n da wa bas bũmb nins yãmb ninã sẽn yãndã n yĩm b yell ye. Rɩk bãmb n zãms y kambã ne y yagensã n wilg bãmb tɩ

Ebre rãmba 12:15

Bɩ yãmb ned kam fãa mao n da wa n mong a meng Wẽnnaam barkã ye, tɩ yẽgen-tõaag baa a yembr da wa tobe, n wa ne rãmbgo, n nams neb wʋsg ye.

Zozuwe 22:5

La bũmb sẽn be bala, modg-y n sak-y noy ninsi, la tõod nins fãa Sẽn-Ka-Saab tʋmtʋmd a Moyiis sẽn dag n wilg yãmbã. B yeelame yaa: Nong-y Sẽn-Ka-Saab sẽn yaa yãmb Wẽnnaamã, la y tũ bãmb soayã neere, n sak bãmb tõodã, la y mobg bãmba, la y tʋm bãmb yĩng ne y sũyã fãa, ne y yamã fãa.»

Zozuwe 23:10

Yãmb ned a yembr tõe n diga bãmb neb tusri, bala, yaa Sẽn-Ka-Saab sẽn yaa yãmb Wẽnnaamã n zabd n sõngd yãmb wa bãmb sẽn dag n yeelã.

Zozuwe 23:12

Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,