Zozuwe 23:10 - WẼNNAAM SEBRE 2014

¹⁰ Yãmb ned a yembr tõe n diga bãmb neb tusri, bala, yaa Sẽn-Ka-Saab sẽn yaa yãmb Wẽnnaamã n zabd n sõngd yãmb wa bãmb sẽn dag n yeelã.

SEBR SÕNGO

¹⁰ Yãmb nin-yend tõe n diga neb tusri, tɩ yaa Wẽnnaam meng b toore, n da zabd y yĩnga, wala b sẽn da kãabe.

Zozuwe 23:10 Iomraidhean Croise

2 Sãmwɛlle 23:8

Ad a Davɩɩd gãndaadã yʋya: Takmoon dao a Yosɛɛb-Basebɛte, sẽn yaa gãndaadã sull a yembr ned a yembrã. Yaa yẽnda n tall kãnd zabr pʋgẽ n kʋ neb kobs nii zĩig pʋgẽ balã. B rag n boond-a lame me t'a Ɛsni tẽng rao a Adino.

1 Kibayã 5:20

Bãmb paamame tɩ b sõng-b n zab ne Hagaar nebã. Dẽ, b yõga Hagaar nebã ne neb nins fãa sẽn dag n be ne bãmbã. Bala, zabrã wakate, bãmb kelem n boola Wẽnnaam, la Wẽnnaam leoka b kosgã, b sẽn dag n dɩk b teegrã n teeg Wẽnnaamã yĩnga.

1 Kibayã 5:22

Bãmb tõog n kʋ b bɛɛbã sʋk neb wʋsg tɩ bala, Wẽnnaam meng n zab zabrã. Dẽ, bãmb deega Hagaar nebã tẽnga, n zĩnd be n tãag wakat ning b sẽn tall-b n loog yembdã.

Yɩɩn‑sõamyã 35:1

A Davɩɩd yɩɩlle. Sẽn-Ka-Saabo, yɩ-y mam bɛɛbã bɛ, Zab-y ne sẽn zabd-b ne maamã!

Yɩɩn‑sõamyã 46:7

Bu-zẽmsã yikame n guglumdẽ, soolem toay-toayã miimdame. Wẽnnaam zẽka b koɛɛga, la tẽn-gãongã yẽnegame.

Yikri 14:14

Sẽn-Ka-Saab na n zaba yãmb yĩnga. Yãmb tɛka, yaa y sĩnd sɩddd...»

A Ezayi 30:17

Nin-yend bala, bɛɛbã nin-yend na n tãsa bãmb neb tusr tɩ b zoe. Bãmb neb a nu sã n tãs yãmba, yãmb na n zoeeme. Yãmb na n zoeeme hal n tɩ yals wa tãb-kaoor sẽn lugl tãng zugu, la wa tãb-kaoor sẽn be kunkubr zugu.

Maan‑kʋʋre 26:7

Yãmb na n diga y bɛɛbã, n kɛ-b ne sʋʋs n kʋ.

Maan‑kʋʋre 26:8

Yãmb neb a nu na n diga bãmb neb koabga, la yãmb neb koabg na n diga bãmb neb tus-piiga. La yãmb na n tõoga y bɛɛbã ne zabr sʋʋga.

Zakari 12:8

Badaare, Sẽn-Ka-Saab na n kogla Zeruzalɛm nebã. Ned sã n be bãmb sʋkã n ka tar pãnga, badaare, a na n talla pãng wa a Davɩɩde, la a Davɩɩd buudã na n yɩɩ wa Wẽnnaam, a na n yɩ wa Sẽn-Ka-Saab malɛɛk sẽn be bãmb taoore.

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnda n tõe n zab ne tõndo?

Yaoolem 20:3

«Israyɛll nebã, kelg-y-yã! Rũndã, yãmb segda y bɛɛbã n na n zabe. Da sak-y tɩ y sũyã sãam ye. Da zoe-y rabeem ye. Da yɛɛs-y-yã, la ra rig-y bãmb taoor ye.

Yaoolem 20:4

Bala, Sẽn-Ka-Saab sẽn yaa yãmb Wẽnnaamã yãagda yãmba, n na n zab ne y bɛɛbã n fãag yãmba.»

Yaoolem 28:7

Sẽn-Ka-Saab na n kɩtame tɩ y tõog y bɛɛb nins sẽn dat n zab ne yãmbã. Bãmb sã n yi n na n zab ne yãmba, b na n tũu sor a ye n wa. La yãmb na n diga bãmb tɩ b tũ soay a yopoe n zoe.

Yaoolem 3:22

Bɩ y ra zoe bãmb ye: bala, yaa Sẽn-Ka-Saab sẽn yaa yãmb Wẽnnaamã n na n zab n kõ yãmba.»

Yaoolem 32:20

Bãmb yeelame: Mam na n solga m meng ne bãmb n gese, b na n maana wãna. Bala, bãmb yaa nin-tõtse. Bãmb yaa zamaan neb yam sẽn yuusda.

Yaoolem 32:30

Nin-yend na n yɩɩ wãn n dig neb tusri, la neb a yiib na n yɩɩ wãn n dig neb tus piiga, tɩ sã n ka kugr ning bãmb sẽn teegã n koos bãmba? Yaa Sẽn-Ka-Saab n bas bãmba.

Zozuwe 10:42

A Zozoe tõoga rĩm-dãmb-kãens ne b tẽmsã wakat a ye pʋgẽ. Bala, Sẽn-Ka-Saab sẽn yaa Israyɛll Wẽnnaamã rag n zabd n sõngda Israyɛlle.

Zozuwe 23:11

Dẽ wã, bɩ y gũus y mens neere, la y nong Sẽn-Ka-Saab sẽn yaa yãmb Wẽnnaamã.

Zozuwe 23:3

La yãmb yãnda bũmb nins fãa Sẽn-Ka-Saab sẽn yaa yãmb Wẽnnaamã sẽn maan buud a taabã n sõng yãmbã. Bala, yaa Sẽn-Ka-Saab sẽn yaa yãmb Wẽnnaamã n zab n sõng yãmba.

Bʋ-kaoodba 15:15

A Samsõ yãnda bõang b sẽn nan kʋ paalem yeer kõbre, la a rɩk-a lame, n tall kʋ neb tusri.

Bʋ-kaoodba 3:31

A Ewuud loogr zugẽ, yaa a Anat biig a Samgaar n pʋgle. A Samgaar talla niig rasaar n tõog n kʋ Filistẽ-dãmbã neb kobs-yoobe. A Samgaar me yɩɩ ned sẽn fãag Israyɛll nebã.

1 Sãmwɛlle 14:6

A Zonatã yeela a rakõorã sẽn zãad yẽnda zab-teedã yaa: «Wa tɩ d kẽng nin-bãmbã sẽn ka kẽ bãongã tãb-sikẽ. Daar ninga, Sẽn-Ka-Saab na n sõnga tõndo, bala, bũmb ka be n tõe n gɩdg Sẽn-Ka-Saab tɩ b tũnug neb bilf wall neb wʋsg n fãag ye.»