Zozuwe 23:1 - WẼNNAAM SEBRE 2014

¹ Sẽn-Ka-Saab kɩtame tɩ Israyɛll nebã tõog b bɛɛbã fãa sẽn gũbg bãmbã. Dẽ poore, Israyɛll nebã zĩnda ne bãan n kaoose. A Zozoe rag n kʋʋla wʋsgo.

SEBR SÕNGO

¹ Wẽnd sẽn kõ a Israyɛl t'a vʋʋs ne a bɛɛba n ka tak zabr, paam n kaoos a wʋsgo. A Zozuwe waa n kʋʋlame, a waa n lebga nin-kẽema.

Zozuwe 23:1 Iomraidhean Croise

Sɩngrẽ 25:8

A Abrahaam kiime. Yẽnda paama yõ-wok n yaool n ki. A Abrahaam vɩɩmdame n kaoose, la a paama sũ-noog a kʋʋlem wakate, n yaool n ki tɩ b mum-a t'a bʋʋg a saam-dãmba.

1 Rĩm-dãmbã 1:1

Rĩm a Davɩɩd dag n kʋʋla hal wʋsgo. Ba b sã n dag n pil-a fu-gobse, a waoodã ka yit ye.

1 Kibayã 23:25

Sɩd me, a Davɩɩd dag n yeela woto: Sẽn-Ka-Saab sẽn yaa Israyɛll Wẽnnaamã kõ b nebã vʋʋsgo, la b na n paa Zeruzalɛm wakat sẽn ka sɛta.

1 Kibayã 27:1

Ad Israyɛll buudã kãsem-dãmba, ne b tãb-biis tusr-tusr la b tãb-biis koabg-koabg nanambse, ne b seb-gʋlsdbã sẽn dag n tʋmd rĩmã yĩnga, la b get sul toay-toayã sẽn let taab kiuug-kiuugã yell yʋʋmdã pʋgẽ wã sõore: Sull fãa yaa raop tus pisi la a naase.

2 Kibayã 14:1

A Aaza maana sẽn noom Sẽn-Ka-Saab sẽn yaa yẽnda Wẽnnaamã, la sẽn tat bãmb yam.

2 Kibayã 14:5

Yẽnda mee tẽms sẽn gũbg ne lalse. La tẽngã vɩɩmda bãane, la yʋʋm-kãens fãa pʋgẽ, ned ka leb n wa zab ne yẽnda ye. Bala, Sẽn-Ka-Saab kõo yẽnda vʋʋsgo.

2 Kibayã 20:30

Woto, a Zozafat soolmã zĩnda bãane, la yẽnda Wẽnnaamã kõ-a-la vʋʋsg tẽngã todsã fãa pʋsẽ.

Yɩɩn‑sõamyã 46:9

Wa-y n ges-y Sẽn-Ka-Saab tʋʋmã, wa-y n ges-y sãoong ning bãmb sẽn wa ne dũniyã zugã.

A Ezayi 63:14

Sẽn-Ka-Saab Sɩɩgã talla bãmb n kẽng vʋʋsg zĩigẽ, wa rũms sẽn sig tãng long pʋga. Yãmb tɛ y nebã a woto n kɩt tɩ yãmb yʋʋrã paam ziiri.»

Yaoolem 31:2

«Rũndã, mam tara yʋʋm koabg la pisi. Mam ka tõe n leb n kẽnd la m watẽ ye. La Sẽn-Ka-Saab yeela maam, tɩ m ka na n dʋʋg Zʋrdẽ kʋɩlgã ye.»

Zozuwe 11:23

Dẽ, a Zozoe tõog n deega tẽngã gill wa Sẽn-Ka-Saab sẽn dag n yeel a Moyiisã. La a Zozoe rɩka tẽngã n pʋɩ n kõ Israyɛll nebã wa sẽn zems b buudã sõore. La tẽngã zĩnda bãane, tɩ zabr ka leb n beẽ ye.

Zozuwe 13:1

A Zozoe rag n kʋʋla wʋsgo. Dẽ, Sẽn-Ka-Saab yeel-a lame yaa: «Fo lebga nin-kẽema, fo kʋʋla wʋsgo, la tẽms nins sẽn ket yãmb sẽn tog n deegã yaa wʋsgo.

Zozuwe 21:44

Sẽn-Ka-Saab kɩtame tɩ Israyɛll nebã soolmã sẽn gilgã fãa zĩnd ne laafɩ, wa bãmb sẽn dag n kãab Israyɛll kambã yaab-rãmb tɩ b na n maaname wã. Israyɛll nebã bɛ baa a yembr ka tõog n yals n teeg a yãoog ne bãmb ye. Sẽn-Ka-Saab kɩtame tɩ bãmb tõog b bɛɛbã fãa.

Zozuwe 22:4

Dẽ wã, Sẽn-Ka-Saab sẽn yaa yãmb Wẽnnaamã sẽn sõng yãmb ba-biisã tɩ b zĩ ne bãan wa bãmb sẽn dag n kãab bãmbã, moasã, bɩ y lebg n kuil y tẽngẽ wã. Kẽng-y n tɩ zĩnd-y tẽng ning Sẽn-Ka-Saab tʋmtʋmd a Moyiis sẽn dag n kõ yãmb Zʋrdẽ kʋɩlgã rʋʋndã.

1 Sãmwɛlle 12:2

Moasã, ad rĩm ning sẽn na n lʋɩ yãmb taoorã. Sã n yaa ne maam, mam lebga nin-kẽema, la mam zug pelgame. La mam kambã bee ne yãmba. Mam lʋɩɩ yãmb taoor hal m yãadem wakat tɩ ta rũndã.