Zozuwe 22:5 - WẼNNAAM SEBRE 2014

⁵ La bũmb sẽn be bala, modg-y n sak-y noy ninsi, la tõod nins fãa Sẽn-Ka-Saab tʋmtʋmd a Moyiis sẽn dag n wilg yãmbã. B yeelame yaa: Nong-y Sẽn-Ka-Saab sẽn yaa yãmb Wẽnnaamã, la y tũ bãmb soayã neere, n sak bãmb tõodã, la y mobg bãmba, la y tʋm bãmb yĩng ne y sũyã fãa, ne y yamã fãa.»

SEBR SÕNGO

⁵ Gũus-y neere n tũ saglsã la noya Wẽnd sõgen, a Moyiiz, sẽn wilg-y, n nong Soaala, yãmb Wẽnnaam, ne y sũur fãa, n tũud b soy, n deeg b noya, n bas tɩ y yam kẽ-b zãnga, n waoog-b ne y sũur fãa la y yalẽ fãa.»

Zozuwe 22:5 Iomraidhean Croise

Yɩɩn‑sõamyã 106:3

Bark bee neb nins sẽn kẽnd zemsg pʋga, la b maand tɩrlem wakat fãa wã zutu!

Yɩɩn‑sõamyã 78:7

Dẽ, b na n dɩka b teegrã n teeg Wẽnnaam, la b kõn yĩm Wẽnnaam tʋʋmã ye. Bãmb na n saka Wẽnnaam noyã.

Yikri 15:26

Sẽn-Ka-Saab yeelame: «Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, yãmb sã n maan sẽn tat bãmb yam, yãmb sã n yok y tʋb n kelg bãmb noyã, la y sã n sak bãmb no-tũudsã fãa, mam kõn lobg yãmb ne bãas nins fãa mam sẽn lobg Ezɩpt nebã ba a yembr ye. Bala, mam yaa Sẽn-Ka-Saab sẽn maagd yãmba.»

Yikri 20:6

Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

Yikri 23:13

«Sak-y bũmb nins fãa mam sẽn yeel yãmbã, la y ra pʋd wẽnnaam-dãmb a taab yʋy ye. Ra sak tɩ ned wʋm tɩ fo gomd b yell ye.»

Yikri 23:25

Bɩ y sak Sẽn-Ka-Saab sẽn yaa yãmb Wẽnnaamã. La bãmb na n ninga yãmb dɩɩbã ne y ko-yũudmã barka. La mam na n yiisa bãas yãmb sʋka.

Yelbũna 4:23

Maan gũusg ne f sũurã tagsg n yɩɩd bũmb fãa, bala, ninsaal vɩɩm yita a sũur pʋgẽ.

A Ezayi 55:2

Bõe yĩng tɩ yãmb dɩkd y ligd n daad bũmb ning sẽn ka rɩɩbo? Bõe yĩng tɩ yãmb namsd y mens bũmb sẽn ka pit pʋg yĩnga? Dẽ wã, kelg-y maam tɩ y na n dɩɩ rɩ-sõngo, la yãmb na n paama rɩ-nood n dɩ n tɩge.

Zeremi 12:16

Bãmb sã n togs m nebã n maan wa bãmba, la b sã n wẽen ne maam a Sẽn-Ka-Saab sẽn vɩ wã yʋʋr wa b sẽn dag n zãms m nebã tɩ b wẽen ne Baallã, bãmb me na n paama zĩig m nebã sʋka.

A Matiye Sõng 22:37

A Zeezi leoka yẽnda n yeele: «Nong Zu-soaba fo Wẽnnaam ne f sũur fãa, la ne f sɩɩgã fãa, la ne f tagsgã fãa.»

A Matiye Sõng 4:10

A Zeezi yeela yẽnda: Kẽng n looge, Sʋtãanã! Bala, a gʋlsame tɩ f waoog Zu-soabã fo Wẽnnaam la f sak bãmb b yen bal tãa.

A Matiye Sõng 6:24

Ned ba a yembr ka tõe n sak zu-soben-dãmb a yiib ye. Bala, a na n kisga a yembr la a nong a to wã, wala a loe a meng ne a yembr la a paoog a to wã. Yãmb ka tõe n sak Wẽnnaam la y sak arzegs me ye.

A Luk Sõng 1:74

tɩ b na n fãaga tõnd n yiis d bɛɛbã nusẽ, la b kõ tõnd pãn-tõog tɩ pʋʋs bãmb ne sõmblem la tɩrlem bãmb taoor hal tõnd vɩɩmã tɛka, tɩ rabeem kaẽ ye.

A Zã Sõng 12:26

Ned sã n dat n tʋm mam yĩnga, bɩ a tũ maam. La mam sẽn be zĩig ninga, mam tʋmtʋmdã me na n bee be. Ned sã n tʋmd mam yĩnga, m ba na n waooga a soaba.

A Zã Sõng 14:15

Yãmb sã n nong maam, y na n saka mam tõodã,

Tʋʋma 11:23

La yẽnda sẽn ta n yãnd Wẽnnaam sẽn ning tẽedbã bark to-to wã, a sũurã yɩɩ noogo. La a paasa b fãa raood n yet tɩ b kell n tũ Zu-soabã ne b sũyã fãa n da bas ye.

Tʋʋma 27:23

Bala, Wẽnnaam ning sẽn so maam tɩ mam sakd-a wã malɛɛk waa mam nengẽ yʋngẽ,

Rom Dãmba 1:9

Wẽnnaam mam sẽn sakd ne m sũur fãa, n moond bãmb bi-riblã koe-noogã yaa mam kaset soab tɩ mam pʋtã yãmb yell daar fãa,

Rom Dãmba 12:9

Kɩt-y tɩ zãmb da zĩnd nonglem pʋgẽ ye. Kisg-y wẽnga, la y nong sẽn yaa sõama wã sõama.

Rom Dãmba 8:28

La tõnd miime tɩ bũmb fãa tʋmda ne taab neb nins sẽn nong Wẽnnaamã, b rãmb sẽn paam boolg wa sẽn zems Wẽnnaam yam-yãkrã sõngr yĩnga.

Yaoolem 10:20

Zoe-y Sẽn-Ka-Saab sẽn yaa yãmb Wẽnnaamã la y sak bãmb n gãd bãmba, la y wẽen ne bãmb yʋʋre.

Yaoolem 11:1

Yãmb na n nonga Sẽn-Ka-Saab sẽn yaa yãmb Wẽnnaamã, n sak bãmb no-tũudsã ne b noyã la b tõodã daar fãa.

Yaoolem 11:13

Yãmb sã n sak mam tõod nins mam sẽn kõt yãmb rũndã wã, n nong Sẽn-Ka-Saab sẽn yaa yãmb Wẽnnaamã n sak bãmb ne y sũyã fãa la ne y yamã fãa,

Yaoolem 11:22

Yãmb sã n gũus neer n sak tõod nins fãa mam sẽn kõt yãmb tɩ y tũ wã, n nong Sẽn-Ka-Saab sẽn yaa yãmb Wẽnnaamã n tũ bãmb sorã, la y loe y meng ne bãmba,

Yaoolem 13:4

bɩ y ra kelg no-rɛɛs-kãng wall nin-kãng soab goamã ye. Bala, yaa Sẽn-Ka-Saab sẽn yaa yãmb Wẽnnaamã n makd yãmb n dat n bãng yãmb sã n tũuda bãmb ne y sũyã fãa la ne y yamã fãa.

Yaoolem 4:29

La yãmb sã n zĩnd be n bao Sẽn-Ka-Saab sẽn yaa Wẽnnaamã ne y sũyã fãa, la ne y yamã fãa, y na n yãnd-b lame.

Yaoolem 4:4

La yãmb fãa sẽn ket n vɩ rũndã wã, yaa yãmb sẽn tũud Sẽn-Ka-Saab sẽn yaa yãmb Wẽnnaamã.

Yaoolem 4:6

Sak-y tõodã ne minindã n maan wa b sẽn wilg yãmbã. Woto n na n wilg tɩ yãmb tara yam la bãngre, buud a taabã sẽn na n wʋm tɩ b gomd yãmb minindã yellã nifẽ. Bãmb na n yeelame: «Bu-kãsen-kãngã yaa neb sẽn sɩd tar yam la bãngre.»

Yaoolem 4:9

Bũmb sẽn be bala, gũus-y y mens neer y yõor tɛk n da wa bas bũmb nins yãmb ninã sẽn yãndã n yĩm b yell ye. Rɩk bãmb n zãms y kambã ne y yagensã n wilg bãmb tɩ

Yaoolem 5:10

La mam maanda neb nins sẽn nong maam n sakd mam tõodã yagensã neere, hal tɩ ta zamaan tusri.

Yaoolem 6:17

Gũus-y y mens n sak Sẽn-Ka-Saab sẽn yaa yãmb Wẽnnaamã goamã ne b zãmsgã la tõod nins bãmb sẽn kõ yãmbã.

Ebre rãmba 12:15

Bɩ yãmb ned kam fãa mao n da wa n mong a meng Wẽnnaam barkã ye, tɩ yẽgen-tõaag baa a yembr da wa tobe, n wa ne rãmbgo, n nams neb wʋsg ye.

Zake 1:12

Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn yaa keoor Zu-soabã sẽn kãab neb nins sẽn nong bãmbã.

Zake 2:5

M ba-bi-nongdse, kelg-y-yã! Dẽ yĩnga, Wẽnnaam ka tũus neb nins dũni sẽn get wa naong rãmbã n kɩt tɩ b yɩ arzegs rãmba la b na n soog soolem ning bãmb sẽn kãab neb nins sẽn nong-b bãmbã yĩng sɩda?

Zozuwe 23:8

Kell-y n gãd-y Sẽn-Ka-Saab sẽn yaa yãmb Wẽnnaamã wa yãmb sẽn sɩng n maandẽ hal tɩ ta rũndã wã.

Vẽnegre 15:3

Bãmb yɩɩnda Wẽnnaam tʋmtʋmd a Moyiis yɩɩllã, la pe-bilã yɩɩlle: Zu-soab a Wẽnnaam Sẽn‑Tõe‑Fãa, yãmb tʋʋmã yaa kãsemse la b bee neere! Soolem dãmbã rĩmã, yãmb tʋʋmã zemsame la b yaa sɩda.

1 Sãmwɛlle 12:20

A Sãmwɛll yeela nebã yaa: «Da zoe-y rabeem ye. Yaa sɩd tɩ yãmb maana wẽnga, la ra wẽnemd-y n bas-y Sẽn-Ka-Saab ye. Sak-y bãmb ne y sũyã fãa.

1 Sãmwɛlle 12:24

La bũmb sẽn be bala, bɩ y zoe Sẽn-Ka-Saabo, la y tũ bãmb ne sɩda, la ne y sũyã fãa. Ges-y bõn-kãsems nins bãmb sẽn maan yãmb sʋkã.

1 Sãmwɛlle 7:3

La a Sãmwɛll yeela Israyɛll buudã fãa yaa: «Sã n mikame tɩ yaa ne y sũyã fãa la y rat n lebg n tũ Sẽn-Ka-Saabo, bɩ y yiis bu-zẽmsã wẽnnaam-dãmbã, ne Astarte wẽn-naandsã yãmb sʋka. La y wẽnemd y sũyã n kõ Sẽn-Ka-Saabo, la y tũ bãmb b yembr bala. Woto, bãmb na n fãaga yãmb Filistẽ-dãmbã nusẽ.»