Zozuwe 22:4 - WẼNNAAM SEBRE 2014

⁴ Dẽ wã, Sẽn-Ka-Saab sẽn yaa yãmb Wẽnnaamã sẽn sõng yãmb ba-biisã tɩ b zĩ ne bãan wa bãmb sẽn dag n kãab bãmbã, moasã, bɩ y lebg n kuil y tẽngẽ wã. Kẽng-y n tɩ zĩnd-y tẽng ning Sẽn-Ka-Saab tʋmtʋmd a Moyiis sẽn dag n kõ yãmb Zʋrdẽ kʋɩlgã rʋʋndã.

SEBR SÕNGO

⁴ Marsã, Soaala, yãmb Wẽnnaam, kõ-la y saam-biisã laafi ninga b sẽn da kãab-bã. Dẽ yĩngã yãmb me leb y rotẽ, Wẽnd sõgen a Moyiiz sẽn kõ yãmb tẽng ninga pʋgẽ, Zʋrdẽ yaanga.

Zozuwe 22:4 Iomraidhean Croise

1 Kibayã 22:18

Dẽ yĩngã, Sẽn-Ka-Saab sẽn yaa yãmb Wẽnnaamã ka be ne yãmb la? B ka kõ yãmb vʋʋsg zĩig fãa la? Bãmb kõo maam tẽn-kãngã nebã fãa tɩ m sooge, la soolmã yaa Sẽn-Ka-Saab ne b nebã n so.

Yikri 33:14

La Sẽn-Ka-Saab yeelame: «Mam mengã n na n yãag foom, la mam na n kõo foom vʋʋsgo.»

Sõadga 32:18

Dẽ wã, tõnd ka na n lebg n kuil tɩ sã n ka Israyɛll ned kam fãa n wa n paam a zĩig ye.

Yaoolem 12:9

Bala, yãmb nan ka ta vʋʋsg tẽng ning Sẽn-Ka-Saab sẽn yaa yãmb Wẽnnaamã sẽn kõ yãmb tɩ y soogã pʋgẽ ye.

Yaoolem 29:8

Woto yĩnga, gũus-y y mens n sak kaool-kãngã goamã fãa, la y rɩk-b n ning b nao-kẽndr zugu, tɩ y tõe n paam tõogr bũmb nins fãa yãmb sẽn maandã pʋga.

Yaoolem 3:20

hal tɩ Sẽn-Ka-Saab wa kõ yãmb saam-biisã zĩig wa b sẽn kõ yãmbã, tɩ b soog tẽng ning Sẽn-Ka-Saab sẽn yaa yãmb Wẽnnaamã sẽn na n kõ bãmb Zʋrdẽ kʋɩlgã rʋʋndã. Dẽ poore, yãmb ned kam fãa tõe n lebg n waa zĩig ning mam sẽn kõ yãmbã.

Ebre rãmba 4:8

Sɩd me, a Zozoe sã n da tõogame n kõ nebã vʋʋsgã, Wẽnnaam dag n ka na n gom vʋʋsg daar a to yell ye.

Zozuwe 1:15

Maan-y woto, hal tɩ Sẽn-Ka-Saab ges y ba-biisã yell wa b sẽn ges yãmb yellã, tɩ b na tõog n soog tẽng ning Sẽn-Ka-Saab sẽn yaa yãmb Wẽnnaamã sẽn kõt bãmbã. Rẽ zugẽ, yãmb na yaool n lebg n wa reeg soolem ning Sẽn-Ka-Saab tʋmtʋmd a Moyiis sẽn dag n kõ yãmb tɩ yaa y pʋɩɩrã sẽn be yaangã Zʋrdẽ kʋɩlgã rʋʋndã.

Zozuwe 12:6

Sẽn-Ka-Saab tʋmtʋmd a Moyiis ne Israyɛll nebã kʋʋ bãmb fãa, n dɩk b tẽngã n kõ Rubɛn buudã, Gaad buudã ne Manaase buudã pʋɩ-sʋka.

Zozuwe 13:15

Dẽ, a Moyiis kõo Rubɛn nebã b pʋɩɩre, wa sẽn zems b roto.

Zozuwe 13:8

Manaase buudã pʋɩ-sʋk a yembrã, ne Rubɛn buudã la Gaad buudã rag n zoe n deega b zĩis Zʋrdẽ kʋɩlgã yaanga, wa Wẽnnaam tʋmtʋmd a Moyiis sẽn dag n kõ-bã.

Zozuwe 22:3

Hal daar zãr tɩ ta rũndã, yãmb ka tol n bas y ba-biisã ye. Yãmb saka Sẽn-Ka-Saab sẽn yaa yãmb Wẽnnaamã sẽn yeel yãmb tɩ y maan bũmb ningã.