Zozuwe 22:30 - WẼNNAAM SEBRE 2014

³⁰ Maan-kʋʋd a Fineyaas ne Israyɛll nebã nanambsã la Israyɛll nin-buiidã taoor dãmbã sẽn dag n yas ne yẽnda wã sẽn wʋm goam nins fãa Rubɛn nebã ne Gaad nebã la Manaase buudã pʋɩ-sʋkã sẽn gomã, b sũyã yɩɩ noogo.

SEBR SÕNGO

³⁰ Maan-kʋʋd a Pinas, nin-kẽembã la buuda kãsem-dãmb sẽn wʋm a Rubẽ, a Gad la a Manase kamba sẽn leoke, b yeelame tɩ zemsame.

Zozuwe 22:30 Iomraidhean Croise

Sɩngrẽ 28:8

A Ezayu mikame tɩ Kana kom-pugli wã ka ta yẽnda ba a Izak yam ye.

2 Kibayã 30:4

La yam yãk-kãng taa rĩmã ne zãma wã fãa yam.

A Ɛstɛɛre 1:21

La gom-kãngã taa rĩmã ne a nanambsã yam, la rĩmã maana wa a Memukan sẽn yeelã.

Yelbũna 15:1

Leok-bʋgsg sigsda sũuri, la gom-kɛgeng paasda sũ-puugri.

Tʋʋma 11:18

Bãmb sẽn wʋm bõn-kãnga, b sĩnda b noore. La b pẽga Wẽnnaam n yeel yaa: Rẽnd Wẽnnaam kɩtame tɩ bu-zẽmsã me tek yam n kos sugr n na n paam vɩɩm.»

Zozuwe 22:29

Dẽ wã, tõnd sã n tagsd n dat n kɩɩs Sẽn-Ka-Saabo wall d sã n dat n wẽnemd n bas bãmb rũndã n maan tẽn-kugr n maan maand sẽn yõogd bugum a zugu, wall d maan bõn-koaadl kũun maoongo, bɩ maand a taaba, n paas Sẽn-Ka-Saab sẽn yaa tõnd Wẽnnaamã tẽn-kugr sẽn be bãmb sɛk roogã noorã, yõwã yaa yel-beedo!»

Zozuwe 22:31

Maan-kʋʋd a Eleyazaar biig a Fineyaas yeela Rubɛn nebã ne Gaad nebã la Manaase buudã pʋɩ-sʋkã yaa: «Moasã, tõnd miime tɩ Sẽn-Ka-Saab bee ne tõndo, yãmb sẽn ka beeg bãmb wa tõnd sẽn dag n tẽedã yĩnga. Yãmb sẽn maan woto wã, yãmb fãaga Israyɛll nebã ne Sẽn-Ka-Saab sɩbgrã.»

Zozuwe 22:33

Israyɛll nebã sẽn wʋm bõn-kãense, b sũyã yɩɩ noogo, la b pẽga Wẽnnaam. La bãmb ka leb n gom tɩ b na n kẽnga Rubɛn nebã ne Gaad nebã tẽngẽ n tɩ zab ne-b ye.

Bʋ-kaoodba 8:3

Wẽnnaam kɩtame tɩ yãmb tõog Madiyã nanambsã: a Orɛɛb ne a Zeebe. Rẽ wã, bõe la mam maan n yɩɩd yãmb sẽn maanã?» A Zedyõ sẽn gom woto wã, Efrayiim nebã sũyã sigame.

1 Sãmwɛlle 29:6

A Akiis boola a Davɩɩd n yeel-a yaa: «Mam wẽenda ne Sẽn-Ka-Saab sẽn vɩ wã, tɩ fo yaa nin-tɩrga, la m sũur nooma ne fo sẽn na n tũ maam n kẽnd n zabdẽ la d lebgd n wat tãb-sikẽ wã. Fo sẽn be ne maamã tɛka, mam ka yã bõn-wẽng fo zug ye. La baoosgo, nanambsã sũy ka noom ne foom ye.