Zozuwe 22:28 - WẼNNAAM SEBRE 2014

²⁸ Tõnd yeelame: Gomd a woto buud sã n wa zĩnd tõnd sʋka, wall tõnd yagensã sʋka, tõnd na n leok-b lame yaa: Bɩ y ges Sẽn-Ka-Saab tẽn-kugrã mamsgã tõnd yaab-rãmbã sẽn dag n maanã. B ka maan-a maoong sẽn yõogd bugum wall maand a taab yĩng ye, la b maan-a lame t'a tõe n yɩ kaset tõnd ne yãmb sʋka.

SEBR SÕNGO

²⁸ D yeela d mense: ‹B sã n yik beoogo n gomd woto ne tõnd bɩ ne d kamba, d na yeele: Ges-y Soaala-Wẽnd maan-kugra sẽn da yaa a soab akɩka. D ba rãmba ka mee-a yũ-nood maand bɩ maand a taab kʋʋb yĩng ye, b mee-a-la tõnd ne yãmb kaset yĩnga.›

Zozuwe 22:28 Iomraidhean Croise

Sɩngrẽ 31:48

A Labã yeelame: «Kug-rʋr-kãngã yaa kaset maam ne foom sʋk rũndã!» Yaa rẽndã yĩng n kɩt tɩ b pʋd a yʋʋrã tɩ Galɛɛde, sẽn dat n togs tɩ ‹kaset rʋre.›

2 Rĩm-dãmba 16:10

Rĩm a Akaaz kẽnga Damaas n na n tɩ seg Asiiri rĩm a Tɩlgat-Pilezɛɛre. Rĩm a Akaaz sẽn tɩ yã tẽn-kugr ning sẽn be Damaasã, a rɩka tẽn-kugrã mamsgã fãa ne a meebã sẽn tog n yɩ to-to wã n tʋm tɩ b tɩ kɩs maan-kʋʋd a Uuri.

Yikri 25:40

La bɩ f gũusi, n maan bãmb tɩ b zems mamsg ning mam sẽn wilg foom tãngã zugã.»

A Ezayi 19:19

Badaare, tẽn-kugr n na n zĩnd Ezɩpt soolmã tẽn-sʋka, Sẽn-Ka-Saab yĩnga, la kug-vigindg n na n zĩnd soolmã toadgẽ Sẽn-Ka-Saab yĩnga.

Ebre rãmba 8:5

Kaorengã bãmb sẽn maandã yaa bũmb ning sẽn maand arzãnã wẽnego, la a mamsgo, wa Wẽnnaam sẽn pĩnd n wilg a Moyiis wakat ning a sẽn dag n dat n ti sɛk roogã. Wẽnnaam yeel-a lame yaa: Gese, fo na n maana bũmb fãa tɩ yɩ wa b sẽn wilg foom tãngã zug tɩ f ges n maanã.

Zozuwe 22:27

La yaa sẽn na n yɩ kaset tõnd ne yãmb sʋka, la a yɩ kaset tõnd yagensã ne yãmb yagensã sʋk tõnd loogr zugẽ. Sẽn wilgd tɩ tõnd naaga taaba, n maan maand sẽn yõogd bugum la zems-n-taar maando, ne maand a taaba, n waoogd Sẽn-Ka-Saabo, tɩ yãmb kambã ra wa yeel tõnd kambã tɩ b ka tar lagem-n-taar ne Sẽn-Ka-Saab ye!

Zozuwe 22:29

Dẽ wã, tõnd sã n tagsd n dat n kɩɩs Sẽn-Ka-Saabo wall d sã n dat n wẽnemd n bas bãmb rũndã n maan tẽn-kugr n maan maand sẽn yõogd bugum a zugu, wall d maan bõn-koaadl kũun maoongo, bɩ maand a taaba, n paas Sẽn-Ka-Saab sẽn yaa tõnd Wẽnnaamã tẽn-kugr sẽn be bãmb sɛk roogã noorã, yõwã yaa yel-beedo!»

Zozuwe 24:27

Dẽ, a Zozoe yeela nebã yaa: «Ade, kug-kãngã na n yɩɩ kaset tõnd yĩnga, bala, kugrã wʋma goam nins fãa Sẽn-Ka-Saab sẽn gom ne tõndã. Dẽ wã, a na n yɩɩ kaset tõnd yĩnga, tɩ yãmb da wa kɩɩs y Wẽnnaamã ye.»