Zozuwe 22:27 - WẼNNAAM SEBRE 2014

²⁷ La yaa sẽn na n yɩ kaset tõnd ne yãmb sʋka, la a yɩ kaset tõnd yagensã ne yãmb yagensã sʋk tõnd loogr zugẽ. Sẽn wilgd tɩ tõnd naaga taaba, n maan maand sẽn yõogd bugum la zems-n-taar maando, ne maand a taaba, n waoogd Sẽn-Ka-Saabo, tɩ yãmb kambã ra wa yeel tõnd kambã tɩ b ka tar lagem-n-taar ne Sẽn-Ka-Saab ye!

SEBR SÕNGO

²⁷ A na n yɩɩ kaset bala, tõnd ne yamb sʋka, d kamb ne yãmb kamb sʋka, tõnd loogr poore, tɩ yaa Naaba-Wẽnd la d waoogd ne d yũ-nood maando, d sugr kosg maando, d maan-dɩtse. Woto yãmb kamba kõn tõog n yeel d kambã: ‹Yãmb ka tar pʋɩɩr bilfr meng Wẽnnaam, d Soaala, nengẽ ye.›

Zozuwe 22:27 Iomraidhean Croise

Sɩngrẽ 31:48

A Labã yeelame: «Kug-rʋr-kãngã yaa kaset maam ne foom sʋk rũndã!» Yaa rẽndã yĩng n kɩt tɩ b pʋd a yʋʋrã tɩ Galɛɛde, sẽn dat n togs tɩ ‹kaset rʋre.›

Sɩngrẽ 31:52

Kug-rʋrã yaa kaseto, la tẽn-kugrã me yaa kaset tɩ mam ka na n yõsg kug-rʋrã n kẽ fo toadgẽ ye, la fo me ka na n yõsg kug-rʋrã ne tẽn-kugrã n kẽ mam toadgẽ wã n maan wẽng ye.

Yɩɩn‑sõamyã 16:5

Sẽn-Ka-Saab yaa mam pʋɩɩre, la b yaa mam bũmb fãa. Yãmb n so mam beoog yelle.

A Ezayi 19:19

Badaare, tẽn-kugr n na n zĩnd Ezɩpt soolmã tẽn-sʋka, Sẽn-Ka-Saab yĩnga, la kug-vigindg n na n zĩnd soolmã toadgẽ Sẽn-Ka-Saab yĩnga.

Yaoolem 12:11

yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã la y na n tall bũmb nins mam sẽn yeel yãmbã n wa: Yãmb maand nins sẽn yõogd bugmã ne y maand a taabã, la y piig pʋɩyã ne y kũunã, la bũmb nins fãa yãmb sẽn pʋlem Sẽn-Ka-Saabã.

Zozuwe 22:10

Rubɛn nebã ne Gaad nebã la Manaase buudã pʋɩ-sʋkã sẽn wa n ta Zʋrdẽ soolmã sẽn yaa Kana-rãmbã soolmã, bãmb mee tẽn-kug-kẽeng beenẽ, Zʋrdẽ kʋɩlgã noore.

Zozuwe 22:26

Dẽ, tõnd yeela d mens yaa: Wa-y tɩ d me tẽn-kugri, la ka sẽn na n maan maoong sẽn yõogd bugum wall d maan maoong a to a zug ye.

Zozuwe 22:28

Tõnd yeelame: Gomd a woto buud sã n wa zĩnd tõnd sʋka, wall tõnd yagensã sʋka, tõnd na n leok-b lame yaa: Bɩ y ges Sẽn-Ka-Saab tẽn-kugrã mamsgã tõnd yaab-rãmbã sẽn dag n maanã. B ka maan-a maoong sẽn yõogd bugum wall maand a taab yĩng ye, la b maan-a lame t'a tõe n yɩ kaset tõnd ne yãmb sʋka.

Zozuwe 22:34

Rubɛn nebã ne Gaad nebã pʋda tẽn-kugrã yʋʋr tɩ: «A kaseto.» Bala, tẽn-kugrã yaa kaset tõnd fãa yĩnga, n wilgdẽ tɩ Sẽn-Ka-Saab yaa Wẽnnaam.

Zozuwe 24:27

Dẽ, a Zozoe yeela nebã yaa: «Ade, kug-kãngã na n yɩɩ kaset tõnd yĩnga, bala, kugrã wʋma goam nins fãa Sẽn-Ka-Saab sẽn gom ne tõndã. Dẽ wã, a na n yɩɩ kaset tõnd yĩnga, tɩ yãmb da wa kɩɩs y Wẽnnaamã ye.»

1 Sãmwɛlle 7:12

A Sãmwɛll dɩka kugr n lugl Mispa ne zĩig ning b sẽn boond tɩ Yẽndã sʋka, n pʋd kugrã yʋʋr tɩ Ebɛn-Ezɛɛre, sẽn dat n togs tɩ sõngr kugri, la a yeele: «Hal tɩ ta kaanẽ, Sẽn-Ka-Saab sõnga tõndo.»