Zozuwe 22:23 - WẼNNAAM SEBRE 2014

²³ Tõnd sẽn me tẽn-kugrã sã n yaa tɩ tõnd dat n wẽnemd n basa Sẽn-Ka-Saabo, la sã n yaa tɩ tõnd maana maand sẽn yõogd bugum a zugu, n wa ne bõn-koaadl kũun a zugu, la d sã n maana zems-n-taar maand a zugu, bɩ Sẽn-Ka-Saab sɩbg tõnd rẽ yĩnga.

SEBR SÕNGO

²³ D sã n mee maan-kugr n na n yi d Soaala maasmẽ, n na kʋʋd d yũ-nood maand, la d kõt d kũuni, n na n kʋʋd laafi kosg maand, bɩ Wẽnd sok-do!

Zozuwe 22:23 Iomraidhean Croise

Sɩngrẽ 9:4

La bũmb sẽn be bala, yaa tɩ yãmb ka tog n dɩ rũng ne a vɩɩm ye. Rat n yeelame tɩ y ra rɩ-a ne a zɩɩmã ye.

2 Kibayã 24:22

Woto, rĩm a Zoaas kɩtame tɩ b kʋ maan-kʋʋd a Zehozada a biig a Zakari n ka tẽeg maan-neer ning a ba wã sẽn dag n maanã ye. A Zakari sẽn wa n na n ki wã, a yeelame yaa «Bɩ Sẽn-Ka-Saab gese, la b sɩbge.»

Ezekiyɛl 3:18

Mam sã n yeel nin-wẽng t'a na n kiime, tɩ fo ka keoog-a, fo sã n ka gome, n keoog nin-wẽngã t'a bas a manesem-wẽngã n fãag a vɩɩmã, a na n ki a kongrã pʋga, la mam na n ning foom taal a zɩɩmã raagr yĩnga.

Ezekiyɛl 33:6

Gũudã sã n neẽ tɩ b wata ne zabr sʋʋgã, t'a ka peeb baorgã n keoog nebã, tɩ zabr sʋʋgã wa sãam neda, ned ning sʋʋgã sẽn na n sãamã kongr taal ka leb n be a meng zug ye. La yaa gũudã la mam na n ning taal nedã kũum yĩnga.

Ezekiyɛl 33:8

Mam sã n yeel nin-wẽng t'a na n kiime, tɩ f ka keoog-a, n yeel-a t'a bas a manesem-wẽngã n paam n vɩɩmde, a na n ki a kongrã pʋga, la mam na n ning foom taal a kũumã yĩnga.

Yaoolem 12:11

yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã la y na n tall bũmb nins mam sẽn yeel yãmbã n wa: Yãmb maand nins sẽn yõogd bugmã ne y maand a taabã, la y piig pʋɩyã ne y kũunã, la bũmb nins fãa yãmb sẽn pʋlem Sẽn-Ka-Saabã.

Yaoolem 18:19

Ned sã n ka sak mam goam nins yẽnda sẽn gomd ne mam yʋʋrã, yaa mam meng n na n sok a soaba.

Zozuwe 22:24

La yellã ka woto ye. Sɩdã, tõnd sẽn maan woto wã yaa tɩ rabeem n yõk-do. Tõnd tagsame tɩ yãmb kambã na n wa yeela tõnd kambã nindaar sẽn wate: Bõe lagem-n-taar n be yãmb ne Sẽn-Ka-Saab sẽn yaa Israyɛll Wẽnnaamã sʋka?

1 Sãmwɛlle 20:16

Dẽ, a Zonatã maana kaool ne a Davɩɩd roogã n yeele: «Bɩ Sẽn-Ka-Saab rok b sũur ne a Davɩɩd bɛɛbã.»