Zozuwe 22:20 - WẼNNAAM SEBRE 2014

²⁰ A Zerak biig a Akã sẽn dag n maan yel-wẽnd n beeg Sẽn-Ka-Saabo, yɩɩ Israyɛll nebã fãa n kẽ kongr pʋga, tɩ Sẽn-Ka-Saab sũur puugi. La ka yɩ yẽnda a yembr n ki a beegrã yĩng ye.»

SEBR SÕNGO

²⁰ M sok n gese, a Zera biig, a Akã, sẽn waa n wɩɩbã, a sẽn waa n dɩk sẽn kisã, ka buuda zãng la Wẽnd sũ-puura rɩr wɛɛ? A ka yɩ a ye n maan kaalem a yel-wẽnda yĩng ye.»

Zozuwe 22:20 Iomraidhean Croise

2 Kibayã 24:18

Bãmb basa Sẽn-Ka-Saab sẽn yaa bãmb yaab-rãmbã Wẽnnaamã roogo, n waoog a Aseera ra-lugdsã, la wẽn-naands a taaba. Sẽn-Ka-Saab sũurã puug ne Zʋʋda la Zeruzalɛm nebã.

A. Zoobe 35:8

Yaa ninsaal wa foom bal n paamd toog fo wẽngã yĩnga. Fo tɩrlmã nafda ninsaalbã bala.

Maan‑kʋʋre 10:6

A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.

1 Korẽnt rãmba 10:6

Bõn-kãens yaa mamsg tõnd yĩnga, tɩ tõnd da wa paam datem-wẽns wa bãmb sẽn dag n paamã ye.

Zozuwe 22:21

Rubɛn nebã ne Gaad nebã la Manaase buudã pʋɩ-sʋkã leoka Israyɛll nin-buiidã nanambs n yeel-b yaa:

Zozuwe 7:1

La wakat-kãnga, Israyɛll nebã beega Wẽnnaam, n sɩɩs bũmb ning sẽn kisã: A Zeera biig a Zabdi biig a Karmi biig a Akã sẽn yaa Zʋʋda buudã nedã yãka teed nins sẽn yaa kisgã, la Sẽn-Ka-Saab sũur puuga ne Israyɛll nebã.

Zozuwe 7:18

B kɩtame t'a Zabdi zakã rãmb kolg yembr-yembre, la poeerã yõka a Akã sẽn yaa Zʋʋda buudã nedã. A Akã yaa a Zeera biig a Zabdi biig a Karmi biigã.

Zozuwe 7:24

A Zozoe kɩtame tɩ b yõk a Zeera biig a Akã, la b wʋk wanzuri wã, la kobrã ne sãnem giulgã, la b yõg yẽnda kom-dibli wã ne a kom-pugli wã, la a niigã, ne a bõensã, n paas a rũm-bãoonegã ne a fu-roogã, la a sẽn so wã fãa. La Israyɛll nebã naaga a Zozoe tɩ b tall-b n kẽng Akoor tãngã longẽ.

Zozuwe 7:5

Ayi rãmbã kʋʋ Israyɛll neb sẽn kolg pis-tã la a yoobe. Bãmb diga Israyɛll nebã sẽn sɩng ne tẽngã noor n tɩ ta Sebarim. La yaa tãngã sigdgẽ la b kʋ Israyɛll nebã. Rabeem yõka Israyɛll nebã tɩ b gĩinã maage.

2 Pɩyɛɛr 2:6

Wẽnnaam sɩbga tẽms nins sẽn boond tɩ Sodom la Gomoorã, n kɩt tɩ b lebg tompeglem, tɩ yɩ mamsg wẽn-kɩɩsdb nins sẽn na n pʋgl n wa wã yĩnga.