Zozuwe 22:18 - WẼNNAAM SEBRE 2014

¹⁸ Yãmb sã n yik n bas Sẽn-Ka-Saab rũndã, yãmb sã n kɩɩs Sẽn-Ka-Saabo, beoogo, bãmb sũurã na n yika ne Israyɛll nebã fãa.

SEBR SÕNGO

¹⁸ Yãmb sẽn yik rũnna n bas b pʋgbã, yãmb sẽn zẽkd y zug ne bãmbã, ad-y beoogo, b me na n yika b sũura ne b buud a Israyɛl.

Zozuwe 22:18 Iomraidhean Croise

2 Sãmwɛlle 24:1

Sẽn-Ka-Saab sũur leb n yika ne Israyɛll nebã, la b kɩtame t'a Davɩɩd maan yell n yeel tɩ b sõd Israyɛll ne Zʋʋda nebã fãa.

1 Rĩm-dãmbã 9:6

La foom ne f yagensã sã n yãk yam n wẽnemd n bas maam, n kɩɩs mam tõodã ne m noyã mam sẽn kõ yãmbã, n kẽng n pʋg wẽn-naandse, la y waoog-ba,

2 Rĩm-dãmba 17:21

Wakat ning Sẽn-Ka-Saab sẽn wa n welg Israyɛll buudã n bas a Davɩɩd roogã, rẽ tɩ yaa Israyɛll nebã sẽn yãk a Nebat biig a Zeroboaam t'a yaa rĩmã. La a Zeroboaam tudga Israyɛll nebã n kɩt tɩ b wẽnemd n bas Sẽn-Ka-Saab n lʋɩ kong-kãseng pʋgẽ.

1 Kibayã 21:1

Daar a yembre, bɛ wã baoome n na n maan Israyɛll nebã wẽnga: A tusa a Davɩɩd t'a na n sõd Israyɛll nebã.

1 Kibayã 21:14

Dẽ, Sẽn-Ka-Saab kɩtame tɩ bã-loangdg kẽ Israyɛll soolmẽ wã, n kʋ Israyɛll neb tus pis-yopoe.

2 Kibayã 25:27

Sẽn sɩng ne wakat ning a Amatsɩya sẽn bas Sẽn-Ka-Saabã tũubã, neb n sed ne taab Zeruzalɛm n dat n kʋ-a, la a Amatsɩya zoeeme n kẽng Lakɩɩse. La b tʋma neb tɩ b pʋgla n kẽng Lakɩɩs tẽng n tɩ kʋ.

2 Kibayã 34:33

Dẽ zugẽ, a Zoziyaas menesa tẽms a taabã wẽnnaam-dãmbã sẽn yaa yel-beedã, Israyɛll nebã sẽn dag n tarã. La a modga neb nins fãa sẽn dag n be Israyɛll pʋgẽ wã tɩ b waoog Sẽn-Ka-Saab sẽn yaa bãmb Wẽnnaamã. A Zoziyaas vɩɩmã tɛka, a ka tol n bʋdg baa bilf n bas Sẽn-Ka-Saab sẽn yaa bãmb yaab-rãmb Wẽnnaam ye.

Maan‑kʋʋre 10:6

A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.

Sõadga 16:22

La a Moyiis ne a Aarõ wõgemdame n fõgen b nens tẽng n yeel yaa: «Wẽnnaam! Yaa yãmb n kõt bũmb nins fãa yãmb sẽn naanã vɩɩm! Rẽ yĩnga, yãmb na n yika y sũur ne nin-kãensã fãa, tɩ yaool n yaa nin-yɛng bal n beegã?»

Sõadga 32:15

Bala, yãmb sã n wẽnemd n bas Sẽn-Ka-Saabo, bãmb na n kɩtame tɩ Israyɛll nebã kaoos weoogã pʋgẽ n paase, la y na n kɩt tɩ nin-bãmbã fãa sãame.»

Yaoolem 7:4

Bala, b na n kɩtame tɩ yãmb kambã bas maam n tɩ tũ wẽnnaam-dãmb a taaba. La Sẽn-Ka-Saab sũur na n puuga ne yãmb tɩ b sãam yãmb tao-tao.

Zozuwe 22:15

Bãmb kẽnga Rubɛn nebã ne Gaad nebã la Manaase buud pʋɩ-sʋkã nengẽ n tɩ yeel-b yaa:

Zozuwe 22:16

«Ade, Sẽn-Ka-Saab nebã fãa sokdame yaa: Bõe yĩng tɩ yãmb beeg Sẽn-Ka-Saab sẽn yaa Israyɛll Wẽnnaamã a woto. Yãmb wẽnemd n basa Sẽn-Ka-Saab n maan tẽn-kugr y mens yĩnga, n wẽnemd n bas Sẽn-Ka-Saab rũndã?

Zozuwe 22:20

A Zerak biig a Akã sẽn dag n maan yel-wẽnd n beeg Sẽn-Ka-Saabo, yɩɩ Israyɛll nebã fãa n kẽ kongr pʋga, tɩ Sẽn-Ka-Saab sũur puugi. La ka yɩ yẽnda a yembr n ki a beegrã yĩng ye.»

Zozuwe 7:1

La wakat-kãnga, Israyɛll nebã beega Wẽnnaam, n sɩɩs bũmb ning sẽn kisã: A Zeera biig a Zabdi biig a Karmi biig a Akã sẽn yaa Zʋʋda buudã nedã yãka teed nins sẽn yaa kisgã, la Sẽn-Ka-Saab sũur puuga ne Israyɛll nebã.

Zozuwe 7:11

Israyɛll nebã beegame. Bãmb sãama kaool ning mam sẽn dag n maan ne bãmbã. Bãmb yãka bũmb ning sẽn yaa kisgã. B zuk-a lame n solge, b bĩng-a-la b teedã pʋga.

Zozuwe 7:21

Mam gesa te-zɛɛdmã pʋga, n yãnd Mezopotami kobr sẽn yaa neer wʋsgo, n paas ne wanzuri ligd kobs-yi, ne sãnem-giulg sẽn kolg kɩlo a yembre. B bõnã yõka maam wʋsgo, la m dɩk-b lame. B bee bok pʋga, mam fu-roogẽ wã, tɩ wanzuri wã be tẽngre.»

1 Sãmwɛlle 12:14

Yãmb sã n zoe Sẽn-Ka-Saabo, n tũ bãmb la y sak bãmb noorã, yãmb sã n ka kɩɩs Sẽn-Ka-Saab noorã, yãmb ne rĩm ning sẽn so-a yãmbã na n kell n tũu Sẽn-Ka-Saab sẽn yaa yãmb Wẽnnaamã.

1 Sãmwɛlle 12:20

A Sãmwɛll yeela nebã yaa: «Da zoe-y rabeem ye. Yaa sɩd tɩ yãmb maana wẽnga, la ra wẽnemd-y n bas-y Sẽn-Ka-Saab ye. Sak-y bãmb ne y sũyã fãa.