Zozuwe 21:44 - WẼNNAAM SEBRE 2014

⁴⁴ Sẽn-Ka-Saab kɩtame tɩ Israyɛll nebã soolmã sẽn gilgã fãa zĩnd ne laafɩ, wa bãmb sẽn dag n kãab Israyɛll kambã yaab-rãmb tɩ b na n maaname wã. Israyɛll nebã bɛ baa a yembr ka tõog n yals n teeg a yãoog ne bãmb ye. Sẽn-Ka-Saab kɩtame tɩ bãmb tõog b bɛɛbã fãa.

SEBR SÕNGO

⁴⁴ Wẽnd kõ-b-la laafi b tẽn-peelmẽ wala b sẽn da kãab b yaab rãmba la bɛ ba a ye ka yals b taoore ye. Wẽnnaam dɩka b bɛɛba fãa n sagl b nusẽ.

Zozuwe 21:44 Iomraidhean Croise

2 Kibayã 13:16

Israyɛll nebã zoeeme n na n põs Zʋʋda nebã, la Wẽnnaam kɩtame tɩ Zʋʋda nebã tõog Israyɛll nebã.

Yikri 23:31

Mam na n kɩtame tɩ yãmb soolmã tɛk yɩ rudum ko-kãsengã noor tɩ ta Filisti ko-kãsengã noore, la we-raoogã tɛk tɩ ta kʋɩl-kãsengã noore. Bala, mam na n ninga tẽngã nebã yãmb nugẽ, la yãmb na n diga bãmb tɩ b zoe.

Yikri 33:14

La Sẽn-Ka-Saab yeelame: «Mam mengã n na n yãag foom, la mam na n kõo foom vʋʋsgo.»

A Ezayi 63:14

Sẽn-Ka-Saab Sɩɩgã talla bãmb n kẽng vʋʋsg zĩigẽ, wa rũms sẽn sig tãng long pʋga. Yãmb tɛ y nebã a woto n kɩt tɩ yãmb yʋʋrã paam ziiri.»

Yaoolem 2:36

Sẽn sɩng ne Arowɛɛr sẽn be Arno ko-soogã noorã, ne tẽng ning sẽn be ko-soogẽ wã, hal n tãag Galaade, la tẽng ka zĩnd sẽn tar pãng tɩ tõnd ka tõog n deeg-a ye: Sẽn-Ka-Saab sẽn yaa tõnd Wẽnnaamã rɩka bãmb fãa n kõ tõndo.

Yaoolem 21:10

Yãmb sã n wa kẽng n na n tɩ zab ne y bɛɛbã, tɩ Sẽn-Ka-Saab sẽn yaa yãmb Wẽnnaamã kɩt tɩ y tõog-b n yõg n maan yembse,

Ebre rãmba 4:9

Woto yĩnga, vʋʋsg daar a to n be Wẽnnaam nebã yĩnga.

Zozuwe 1:13

«Tẽeg-y bũmb ning Sẽn-Ka-Saab tʋmtʋmd a Moyiis sẽn dag n yeel yãmbã. B rag n yeelame: Sẽn-Ka-Saab sẽn yaa yãmb Wẽnnaamã kõta yãmb vʋʋsgo, la b kõo yãmb tẽn-kãngã.»

Zozuwe 1:15

Maan-y woto, hal tɩ Sẽn-Ka-Saab ges y ba-biisã yell wa b sẽn ges yãmb yellã, tɩ b na tõog n soog tẽng ning Sẽn-Ka-Saab sẽn yaa yãmb Wẽnnaamã sẽn kõt bãmbã. Rẽ zugẽ, yãmb na yaool n lebg n wa reeg soolem ning Sẽn-Ka-Saab tʋmtʋmd a Moyiis sẽn dag n kõ yãmb tɩ yaa y pʋɩɩrã sẽn be yaangã Zʋrdẽ kʋɩlgã rʋʋndã.

Zozuwe 1:5

Fo vɩɩmã tɛka, ned ba a ye kõn tõog n teeg a yãoog ne foom ye. Bala, mam na n zĩnda ne foom wa m sẽn zĩnd ne a Moyiisã. Mam na n yãaga foom, la mam kõn tol n bas n ka sõng-f ye.

Zozuwe 11:12

A Zozoe tõoga tẽn-bãmb fãa ne b rĩm-dãmbã n kʋ ne zabr sʋʋga. Yẽnda sãama b fãa wa Sẽn-Ka-Saab tʋmtʋmd a Moyiis sẽn dag n yeel yẽnda wã.

Zozuwe 11:23

Dẽ, a Zozoe tõog n deega tẽngã gill wa Sẽn-Ka-Saab sẽn dag n yeel a Moyiisã. La a Zozoe rɩka tẽngã n pʋɩ n kõ Israyɛll nebã wa sẽn zems b buudã sõore. La tẽngã zĩnda bãane, tɩ zabr ka leb n beẽ ye.

Zozuwe 11:8

Sẽn-Ka-Saab kɩtame tɩ Israyɛll nebã tõog-ba. B kʋ-b lame n dig-b n tɩ ta Sɩdõ kãsengẽ wã, hal n tɩ tãag Misrefot-mayim, n tɩ tãag Mispa longã sẽn dabd yaangã sẽnẽ. Israyɛll nebã kʋʋ bãmb n ka bas tɩ ned ba a yembr põs ye.

Zozuwe 2:24

Bãmb yeela a Zozoe yaa: «Sɩd hakɩɩkã, Sẽn-Ka-Saab rɩka tẽngã zãng n ning tõnd nugẽ, hal tɩ tẽngã nebã fãa rigd ne rabeem, b sẽn wʋm tõnd kibarã yĩnga.»

Zozuwe 22:4

Dẽ wã, Sẽn-Ka-Saab sẽn yaa yãmb Wẽnnaamã sẽn sõng yãmb ba-biisã tɩ b zĩ ne bãan wa bãmb sẽn dag n kãab bãmbã, moasã, bɩ y lebg n kuil y tẽngẽ wã. Kẽng-y n tɩ zĩnd-y tẽng ning Sẽn-Ka-Saab tʋmtʋmd a Moyiis sẽn dag n kõ yãmb Zʋrdẽ kʋɩlgã rʋʋndã.

Zozuwe 22:9

Rubɛn nebã ne Gaad nebã la Manaase buudã pʋɩ-sʋkã basa Israyɛll nebã Sɩlo sẽn be Kana soolmẽ wã n lebg n leb Galaad soolmẽ wã, tẽng ning Sẽn-Ka-Saab sẽn dag n gom ne a Moyiis t'a kõ-b tɩ b soogã.

Zozuwe 23:1

Sẽn-Ka-Saab kɩtame tɩ Israyɛll nebã tõog b bɛɛbã fãa sẽn gũbg bãmbã. Dẽ poore, Israyɛll nebã zĩnda ne bãan n kaoose. A Zozoe rag n kʋʋla wʋsgo.