Zozuwe 20:8 - WẼNNAAM SEBRE 2014

⁸ La Zʋrdẽ kʋɩlgã rʋʋndã, Zeeriko nin-taoorã, b yãka Bɛtsɛɛr sẽn be weoogẽ wã, yaa tẽn-nabdrẽ sẽn be Rubɛn nebã tẽngã pʋgã. Bãmb yãka Ramot sẽn be Galaad soolmẽ wã sẽn yaa Gaad buudã soolmã sʋkã. B leb n yãka Golan sẽn be Basannã, Manaase buudã soolmã sʋka.

SEBR SÕNGO

⁸ Zʋrdẽ rʋʋnde, Zeriko yaanga, a Rubẽ tẽn-peelmẽ la weooga noorẽ, b yãka Besɛr. N yãk a Rubẽ soolmẽ, Ramot-Galaad, a Gad tẽn-peelmẽ. N yãk Golan, Bazã tãng zugu, a Manase tẽn-peelmẽ.

Zozuwe 20:8 Iomraidhean Croise

1 Rĩm-dãmbã 22:6

Woto, Israyɛll rĩmã tigma a no-rɛɛsdb sõor sẽn kolg kobs-naase, n sok-b yaa: «Mam tog n kẽng n tɩ zaba ne Ramot sẽn be Galaadã bɩ, bɩ m ka tog n kẽnge?» La no-rɛɛsdbã leokame: «Kẽng-y n tɩ zab-y ne-ba. Zu-soabã na n kɩtame tɩ y tõog-ba.»

2 Rĩm-dãmba 8:28

Rĩm a Akaazɩya tũu rĩm a Akaab biig a Zoram n kẽng Ramot sẽn be Galaadã n na n tɩ zab ne Siiri rĩm a Azayɛlle, la Siiri rãmbã pogla rĩm a Zoram.

Yaoolem 3:10

Tõnd deesa tẽms nins fãa sẽn be tẽn-nabdrẽ wã ne Galaad fãa la Basan fãa hal tɩ ta Salka la Edreyi sẽn yaa tẽms sẽn be Basan rĩm a Oog soolmẽ wã.

Yaoolem 4:43

Tẽmsã yaa Betsɛɛr sẽn be weoogã pʋgẽ wã, Rubɛn nebã yĩnga, Ramot sẽn be Galaad tẽngã Gaad nebã yĩnga, la Golan sẽn be Basan wã, Manaase nebã yĩnga.

Zozuwe 20:7

Israyɛll nebã yãka Galɩle tẽng a ye sẽn boond tɩ Kedɛɛs n be Neftali tãmsã sʋka, ne Sɩkɛm sẽn be Efrayiim tãmsã sʋkã, n paas ne Kiryat-Arba b sẽn boond tɩ Ebrõ n be Zʋʋda tãmsã sʋkã.

Zozuwe 20:9

Tẽn-bãmbã n yaa tẽms nins b sẽn yãk Israyɛll nebã yĩnga, ne sãambã sẽn be bãmb sʋkã yĩnga, tɩ ned sã n kʋ a to ne yĩdgu, bɩ a zoe n kẽng be, tɩ b ra wa kʋ-a n dok b sũur t'a nan ka yals nebã taoor tɩ b kao a bʋʋd ye.

Zozuwe 21:27

B yãka tẽms a yiib ne b pʋ-wees Manaase buudã pʋɩ-sʋkã soolem pʋgẽ n kõ a Gɛrsõ yagensã sẽn yaa Leevi buudã, tɩ ned sã n kʋ a to bɩ a zoe n tɩ soond beenẽ. Yaa Golan sẽn be basannã ne a pʋ-weesã, n paas Bɛstra ne a pʋ-weesã, yaa tẽms a yiibu.

Zozuwe 21:36

Rubɛn buudã soolem pʋgẽ, b yãka Bɛtsɛɛr ne a pʋ-weesã, Yatsa ne a pʋ-weesã,

Zozuwe 21:38

Gaad buudã soolem pʋgẽ, b yãka tẽms tɩ ned sã n kʋ a to ne yĩdgu, bɩ a zoe n tɩ soond be. Yaa Ramot sẽn be Galaadã ne a pʋ-weesã, Mahanayim ne a pʋ-weesã,