Zozuwe 2:9 - WẼNNAAM SEBRE 2014

⁹ n yeel-b yaa: «Mam miime tɩ Sẽn-Ka-Saab rɩka tẽngã n ning yãmb nugẽ, la yãmb rabeem tara tõndo, la tẽngã nebã fãa rigdame.

SEBR SÕNGO

⁹ n yeel-ba: «M miime tɩ Soaala-Wẽnd dɩka tẽng kãnga n sagl y nusẽ, m miime tɩ d fãa yɛɛsame la tẽnga fãa rigda y taoore.

Zozuwe 2:9 Iomraidhean Croise

Sɩngrẽ 35:5

Rẽ poore, bãmb loogame. La Wẽnnaam kɩtame tɩ rabeem yõk tẽms nins sẽn pẽ bãmbã nebã, la b ka babs a Zakoob kambã ye.

2 Sãmwɛlle 17:10

La a sã n yɩ woto, neb nins sẽn tar-b pãng tɩ b sũyã yaa wa gɩgma sũyã na n yɛɛsame. Bala nebã fãa miime tɩ y ba yaa gãndaoogo, la neb nins sẽn be-b ne bãmbã me tara sũ-keelem.

2 Rĩm-dãmba 5:15

A Naama ne a nebã fãa tũu taab n lebg n leb Wẽnnaam daoã nengẽ. La bãmb sẽn ta, a Naama yalsa Wẽnnaam dao a Eliize taoor n yeel-a yaa: «Moasã, mam bãngame tɩ dũniyã gill fãa pʋga, Wẽnnaam ka be zĩig a to tɩ sã n ka Israyɛll ye. Dẽ, mam kotame tɩ y sak n deeg kũun ning mam sẽn na n kõ yãmbã!»

2 Rĩm-dãmba 7:6

Bala, Sẽn-Ka-Saab rag n kɩtame tɩ Siiri nebã zĩnd b tãb-sikẽ wã n wʋm saar-dãmb ne wiidi, la tãb-bi-kʋʋng rãamde. Dẽ, Siiri tãb-biisã goma ne taab n yeel yaa: «Israyɛll dĩmã kẽng n tɩ zemsa ne Hɛt-rãmbã rĩm-dãmbã, la ne Ezɩpt rĩm-dãmbã n kõ-b ligdi, n yeel-b tɩ b wa zab ne tõndo.»

A Neemi 6:16

Dẽ, tõnd bɛɛbã fãa sẽn wʋm tɩ tõnd mee lalgã n sɛ, la bu-zẽms nins sẽn gũbg tõndã sẽn yã bõn-kãnga, rabeem yõk-b lame, la yãnd yõk-b-la wʋsgo. Dẽ, bãmb bãngame tɩ tõnd sẽn tõog n maan tʋʋm-kãngã yaa ne tõnd Wẽnnaamã tʋlsem.

A Ɛstɛɛre 8:17

Rĩmã yam-yakrã ne a tõogã sẽn ta soolem ne tẽng ning la zĩig ning fãa, Zʋɩf-rãmbã maanda sũ-noog n kɩdemdẽ, tɩ lebg tigr daare. La buud a taabã sẽn be soolmã pʋgã maana b mens n lebg Zʋɩf-rãmba. Bala, Zʋɩf-rãmbã rabeem yõka bãmba.

A. Zoobe 19:25

Mam miime tɩ mam fãagdã vɩɩme, la b na n yika tẽng zug yaoolem daarã.

Yɩɩn‑sõamyã 112:10

Nin-wẽng nee rẽ t'a sũur puudẽ, t'a wãbd a yẽna, t'a sũur wurdẽ. Nin-wẽnsã ratem na n sãamame.

Yɩɩn‑sõamyã 115:16

Yĩngr yaa Sẽn-Ka-Saab n so, la b rɩka tẽngã n kõ ninsaalbã.

Yikri 18:11

Moasã, mam miime tɩ Sẽn-Ka-Saab yaa kãseng n yɩɩd wẽnnaam-dãmbã fãa, bala, bãmb fãaga b nebã Ezɩpt nebã nusẽ, wakat ning Ezɩpt nebã sẽn dag n maand bãmb pãngã.»

Yikri 23:27

Mam na n tʋma mam yɛɛsg tɩ reng yãmb taoore, la m na n kɩtame tɩ rabeem kẽ neb nins fãa yãmb sẽn na n kẽng b sʋkã, la m kɩt tɩ y rig y bɛɛbã fãa tɩ b zoe.

Kowelɛt 8:12

Baa yel-wẽn-maand sã n maand wẽng naoor koabg n vɩɩmd n kaoose, baoosgo, mam miime tɩ sẽn zoet-b Wẽnnaamã na n paama sũ-noogo, bãmb sẽn zoet Wẽnnaamã yĩnga.

A Ezayi 19:1

Sɩbgr koɛɛg Ezɩpt nebã yĩnga. Sẽn-Ka-Saab zomba sawaodg kẽnd sẽn tʋʋle, la b wata Ezɩpte. Ezɩpt tẽng wẽn-naandsã rigda ne rabeem bãmb taoore, la Ezɩpt nebã pɛleng yɩgdame.

A Ezayi 23:5

Koɛɛgã sã n ta Ezɩpt tẽngã, b na n diga ne rabeem, wa b sẽn dag n wʋm Tɩɩr yellã.»

Zeremi 27:5

‹Yaa maam n tẽeg m nug n naan dũniyã ne ninsaalbã la rũmsã sẽn be a pʋgẽ wã ne m pãn-kãsengã, la m dɩkda dũniyã n kõt soab ning sẽn ta-a mam yam.

A Nahum 2:10

B rag n yetame: «Zɛ-y wanzuri wã! Zɛ-y sãnemã!» Tẽngã laogã ka tar tɛk ye. Laog buud toor-toor sẽn tar yõod bee be.

Sõadga 20:14

La a Moyiis zĩnda Kadɛɛs n tʋm neb tɩ b kẽng Edom rĩmã nengẽ n tɩ yeel-a yaa: «Ade, fo saam-biisã sẽn yaa Israyɛll nebã yeelame yaa: Yãmb miime tɩ tõnd paama tood buud toor-toore.

Sõadga 20:24

A Aarõ na n kiime n sak a saam-dãmba. Yẽnda ka na n kẽ tẽng ning mam sẽn kõ Israyɛll nebã ye. Bala, Meriba koomã zĩigẽ, yãmb kɩɩsa mam noorã.

A Matiye Sõng 20:15

Dẽ yĩnga, mam ka tar noor tɩ maan m sẽn dat ne m sẽn so wã bɩ? Bɩ fo getame tɩ mam maan-neerã ka sõama?»

Yaoolem 11:25

Ned baa a yembr ka na n tõog n yals n zab ne yãmb ye. Sẽn-Ka-Saab sẽn yaa yãmb Wẽnnaamã na n kɩtame tɩ zĩig ning fãa yãmb sẽn kẽngã pʋgẽ, bɩ rabeem la rigb yõk tẽngã nebã fãa wa bãmb sẽn dag n yeel yãmbã.

Yaoolem 2:25

Sẽn sɩng ne rũndã, mam na n kɩtame tɩ neb nins fãa sẽn be tẽngã zugã zoe yãmba. Bãmb sã n wʋm yãmb kibare, rabeem na n yõk-b lame tɩ b pelens yɩke.

Yaoolem 28:10

Neb nins fãa sẽn be tẽng zugã na n yãame tɩ b boond yãmb ne Sẽn-Ka-Saab yʋʋre, la bãmb na n zoee yãmba.

Yaoolem 32:8

Wakat ning Sẽn-Ka-To sẽn kõ bu-zẽmsã zĩisã, n welg ninsaalbã, bãmb ninga soolmã tods wa sẽn zems Israyɛll nebã sõore.

Ebre rãmba 11:31

Yɩɩ ne tẽeb la pʋg-yoodr a Rahaab ka naag ne ka-tẽebã rãmb n sãam ye, bala, a reega tẽn-gũusdbã ne laafɩ.

Zozuwe 2:11

Tõnd sẽn wʋm woto wã, tõnd gĩinã fãa maagame, tɩ tõnd ned ba a yembr ka tõe n yals yãmb taoor ye. Bala, Sẽn-Ka-Saab sẽn yaa yãmb Wẽnnaamã yaa yĩngr la tẽng Wẽnnaam.

Zozuwe 2:24

Bãmb yeela a Zozoe yaa: «Sɩd hakɩɩkã, Sẽn-Ka-Saab rɩka tẽngã zãng n ning tõnd nugẽ, hal tɩ tẽngã nebã fãa rigd ne rabeem, b sẽn wʋm tõnd kibarã yĩnga.»

Zozuwe 2:8

Sẽn deng raop a yiibã sẽn nan ka gũsi, a Rahaab rʋ n bʋʋg-b-la roogã zugu,

Zozuwe 5:1

Amoor-dãmbã rĩm-dãmb nins fãa sẽn be Zʋrdẽ kʋɩlgã rʋʋnd nin-taoorã, ne Kana rĩm-dãmb nins fãa sẽn be ko-kãsengã sẽnẽ wã sẽn wʋm tɩ Sẽn-Ka-Saab kɩtame tɩ Zʋrdẽ koomã kʋɩ tɩ Israyɛll nebã pɩʋʋgã, rabeem yõk-b lame tɩ b ka leb n tar daood Israyɛll nebã taoor ye.

Zozuwe 6:2

Sẽn-Ka-Saab yeela a Zozoe yaa: «Gese, mam ningda Zeeriko ne a rĩmã ne a gãndaadã fãa fo nugẽ.

Zozuwe 9:10

Tõnd wʋma bũmb nins fãa bãmb sẽn maan Amoor dãmbã rĩm-dãmb a yiibã Zʋrdẽ kʋɩlgã rʋʋndã. Yaa a Sɩhon sẽn yaa Hɛsbon rĩmã, la a Oog sẽn yaa Basan rĩm n be Astarotã.

Zozuwe 9:24

Bãmb leoka a Zozoe n yeel-a yaa: «Yãmb tʋmtʋmdbã wʋma bũmb nins fãa yãmb Wẽnnaamã sẽn yeel b tʋmtʋmd a Moyiis tɩ b na n menesa tẽn-kãngã nebã fãa la b reeg tẽngã n kõ yãmbã. Yãmb rabeem yõka tõnd wʋsgo, tɩ d baood n fãag d vɩɩm. Yaa rẽ yĩng n kɩt tɩ d maan a woto.

Zozuwe 9:9

Bãmb leoka a Zozoe yaa: «Tõnd yaa yãmb tʋmtʋmdba, d yii tẽng sẽn zãra, bala, d wʋmame tɩ b gomd Sẽn-Ka-Saab sẽn yaa yãmb Wẽnnaamã kibare. Tõnd wʋma bũmb nins fãa bãmb sẽn maan Ezɩptã.

Bʋ-kaoodba 7:14

Raoã tũud-n-taagã yeelame: «Yõwã ka bũmb a to, yaa Israyɛll rao a Zoaas biig a Zedyõ zabr sʋʋgã bala. Wẽnnaam dɩka Madiyã nebã ne b tãb-sikã n ning a Zedyõ nugẽ.»