Zozuwe 2:24 - WẼNNAAM SEBRE 2014

²⁴ Bãmb yeela a Zozoe yaa: «Sɩd hakɩɩkã, Sẽn-Ka-Saab rɩka tẽngã zãng n ning tõnd nugẽ, hal tɩ tẽngã nebã fãa rigd ne rabeem, b sẽn wʋm tõnd kibarã yĩnga.»

SEBR SÕNGO

²⁴ B yeela a Zozuwe: «Soaala-Wẽnd basa tẽnsa fãa d nugẽ la ad-a Israyɛl poorẽ, neba rigda rabeem wʋsgo.»

Zozuwe 2:24 Iomraidhean Croise

Yikri 15:15

La Edom nanambsã pelens yɩkame. Moaab pãens rãmbã rigdame. Kana nebã fãa gĩin maagame.

Yikri 23:31

Mam na n kɩtame tɩ yãmb soolmã tɛk yɩ rudum ko-kãsengã noor tɩ ta Filisti ko-kãsengã noore, la we-raoogã tɛk tɩ ta kʋɩl-kãsengã noore. Bala, mam na n ninga tẽngã nebã yãmb nugẽ, la yãmb na n diga bãmb tɩ b zoe.

Yelbũna 25:13

Koe-toagsd sẽn togsd sɩd kengda a soaal pɛlga. Yẽnda wẽnda pems-maasg sẽn wẽed ned tigsg wakate.

Zozuwe 1:8

Karem tõogã koees daar fãa, n tags a yell wĩndg la yʋngo, n sak n maan wa bũmb nins sẽn gʋls a pʋgẽ wã. Yaa woto la f na n tõog n maan f tʋʋmã tɩ yɩ sõama, la yaa woto la f na n tõog ne f tʋʋmdã.

Zozuwe 2:23

Dẽ, raop a yiibã yii tãmsã zut n sig n pɩʋʋg Zʋrdẽ kʋɩlgã, n lebg n wa a Nun biig a Zozoe nengẽ. B togsa a Zozoe bũmb nins fãa sẽn maanã.

Zozuwe 5:1

Amoor-dãmbã rĩm-dãmb nins fãa sẽn be Zʋrdẽ kʋɩlgã rʋʋnd nin-taoorã, ne Kana rĩm-dãmb nins fãa sẽn be ko-kãsengã sẽnẽ wã sẽn wʋm tɩ Sẽn-Ka-Saab kɩtame tɩ Zʋrdẽ koomã kʋɩ tɩ Israyɛll nebã pɩʋʋgã, rabeem yõk-b lame tɩ b ka leb n tar daood Israyɛll nebã taoor ye.

Zozuwe 6:2

Sẽn-Ka-Saab yeela a Zozoe yaa: «Gese, mam ningda Zeeriko ne a rĩmã ne a gãndaadã fãa fo nugẽ.

Zozuwe 8:1

Sẽn-Ka-Saab yeela a Zozoe yaa: «Da zoe rabeem ye, la ra yɛɛs ye. Peeg f tãb-biisã fãa, n yik n kẽng n tɩ zab ne Ayi. Gese, mam dɩka Ayi rĩmã ne a nebã, la a tẽngã ne a soolmã n ning fo nugẽ.

Bʋ-kaoodba 1:2

Sẽn-Ka-Saab leokame yaa: «Yaa Zʋʋda buudã n tog n lʋɩ taoore, bala, mam ninga tẽngã bãmb nugẽ.»

Bʋ-kaoodba 18:10

Yãmb sã n ta, y na n mikame tɩ yaa neb sẽn zĩ ne laafɩ la bãane. Tẽngã yaa yalenga, la Wẽnnaam dɩk-a lame n ning yãmb nusẽ. Bũmb ka be dũniyã zug n ka be beenẽ ye.»

Bʋ-kaoodba 7:9

Badaar yʋngo, Sẽn-Ka-Saab goma ne a Zedyõ n yeel-a: «Yik n kẽng Madiyã nebã tãb-sik zĩigẽ, bala, mam kõta foom pãng tɩ f tõog-ba.