Zozuwe 2:12 - WẼNNAAM SEBRE 2014

¹² Moasã, mam kota yãmb tɩ y wẽen ne Sẽn-Ka-Saab yʋʋre, tɩ yãmb me na wa n maana mam ba wã zak rãmb neere, wa mam sẽn maan yãmb neerã. Kõ-y maam bãnd sẽn wilgd tɩ na n yɩ wa yãmb sẽn yeelã.

SEBR SÕNGO

¹² La mam sẽn deeg yãmb neerã, wẽen-y ne y Wẽnnaama la y kõ-m kaseto tɩ y me na maan neere, maam ne m ba wã zak rãmba.

Zozuwe 2:12 Iomraidhean Croise

Sɩngrẽ 21:23

Dẽ wã, bɩ f wẽen ne Wẽnnaam yʋʋre, tɩ f ka na n zãmb maam bɩ m kambã, wall mam yagensã ye. La tɩ fo na n maana maam ne soolem ning fo sẽn yaa sãan a pʋgẽ wã neere, wa mam sẽn maan foom neerã.»

Sɩngrẽ 24:3

tɩ m na n kɩtame tɩ f wẽen ne Sẽn-Ka-Saab sẽn yaa saasẽ la dũniyã Wẽnnaamã yʋʋre, tɩ f ka na n bao Kana soolmã mam sẽn be a pʋgẽ wã bi-pugl n kõ mam bi-riblã ye.

Sɩngrẽ 24:9

Tʋmtʋmdã rɩka a nug n tik a zu-soab a Abrahaam gerã n wẽen n yeel t'a na n maana wa b sẽn yeelã.

Sɩngrẽ 40:14

La mam kota yãmb tɩ y sã n wa n be y sũ-noogã pʋga, bɩ y tẽeg mam yelle, n maan-m neere, n gom ne Faarõ mam yelle, n kɩt tɩ b yiis-m do-kãngã pʋga!

2 Kibayã 36:13

Yẽnda tol n yik n zẽka a zug ne a Nebukatnedzaar n kɩɩs wẽeneg ning a Nebukatnedzaar sẽn dag n kɩt t'a wẽen ne Wẽnnaam yʋʋrã. Yẽnda kenga a sũurã n ka sak Sẽn-Ka-Saabã ye.

A Ɛstɛɛre 8:6

Mam na n maana a wãn n get toog ning sẽn na n paam mam nebã, n ka yeel tɩ yelle? N-yẽe, mam na n maana a wãn n get mam buudã sãoongã n ka maan bũmbu.

Yikri 12:13

Zɩɩmã sẽn be rot nins yãmb sẽn be b pʋsẽ wã zutã na n yɩɩ bãnd yãmb yĩnga. La mam sã n yãnd zɩɩmã, mam na n zʋʋg n basa yãmba, la toog sẽn sãamdã ka na n paam yãmb wakat ning mam sẽn na n sɩbg Ezɩptã ye.

Zeremi 12:16

Bãmb sã n togs m nebã n maan wa bãmba, la b sã n wẽen ne maam a Sẽn-Ka-Saab sẽn vɩ wã yʋʋr wa b sẽn dag n zãms m nebã tɩ b wẽen ne Baallã, bãmb me na n paama zĩig m nebã sʋka.

A Mark Sõng 14:44

Ned ning sẽn na n zãmb a Zeezi wã dag n kõo bãmb bãnd n yeel tɩ ned ning yẽnda sẽn na n mokã, yaa nin‑kãng la a Zeezi. Bɩ b yõk-a, n gũ-a neer n tall‑a n looge.

Rom Dãmba 1:31

B yaa neb sẽn ka be teegre, sẽn ka tar nonglem, n ka mi sugri, n ka tar nimbãan-zoeere ye.

1 Tɩmote 5:8

Ned sã n ka get a neb yelle, sẽn yɩɩd fãa yaa a zaka rãmba, yẽnda basa a tẽebã, la a yaa wẽng n yɩɩd ned ning sẽn ka-a tẽedã.

Zake 2:13

Bala, ned sã n ka tar nimbãan-zoeere, bʋʋdã me ka na n zoe a nimbãaneg ye. Nimbãan-zoeer tõogda bʋʋdo.

Zozuwe 2:13

Wẽen-y tɩ y na n basa m ba wã ne m ma wã, la m tãopã ne m ba-bi-pogsã ne bũmb nins fãa bãmb sẽn so wã tɩ b vɩɩmde, la y na n kɩtame tɩ tõnd põs kũum.»

Zozuwe 2:18

Tõnd sã n wa n kẽ tẽngã, bɩ f rɩk wĩ-kãngã sẽn yaa miuugã n loe võor ninga fo sẽn tũnug n sik tõndã, la f peeg f ba wã ne f ma wã, fo tãopã ne fo buudã fãa n wa tigim fo roogã pʋga.

Zozuwe 2:19

Ned ning sẽn na n yi-a fo roogã pʋg badaare, yaa yẽnda soab n bao a kũum, la taal ka be tõnd zug ye. La ned sã n kẽ fo roogã pʋg n sɩɩs neda, yel-kãng taal bee tõnd zugu.

Zozuwe 6:22

A Zozoe rag n yeela neb a yiib nins sẽn tɩ gũus tẽngã yaa: «Kẽng-y pʋg-yoodrã roogẽ n tɩ yiis-a ne bũmb nins yẽnda sẽn so wã, wa yãmb sẽn dag n pʋlem ne yẽnda to-to wã.»

Zozuwe 9:15

A Zozoe maana laafɩ kaool ne bãmb n yeel-b tɩ b kẽng tɩ bãmb kõn sak tɩ bũmb sɩɩs-b ye. La Israyɛll kãsem-dãmbã me wẽena a woto.

Bʋ-kaoodba 1:24

Gũudbã yãnda ned a yembr sẽn yit tẽngã pʋg n sok-a yaa: «D kotame tɩ f wilg tõnd d sẽn tõe n tũ zĩig ning n kẽ tẽngã pʋga. Woto, tõnd na n maan-f-la neere.»

1 Sãmwɛlle 30:15

A Davɩɩd soka yẽnda yaa: «Fo tõe n yãaga tõnd n kẽng nin-bãmb nengẽ bɩ?» La yẽnda leokame: «Yãmb sã n wẽen ne Wẽnd tɩ y ka na n kʋ-ma, la y ka na n dɩk-m n kõ m soaalã, mam na n tall-y lame n kẽnge.»