Zozuwe 19:51 - WẼNNAAM SEBRE 2014

⁵¹ Tẽn-bãmbã fãa yaa tẽms nins maan-kʋʋd a Eleyazaar ne a Nun biig a Zozoe, la Israyɛll buudã rot kãsem-dãmb sẽn pʋɩ wa sẽn zems poeerã b sẽn maan sɛk roogã noor Sẽn-Ka-Saab taoor Sɩlo wã. Dẽ, bãmb pʋɩɩ tẽngã n sɛ.

SEBR SÕNGO

⁵¹ Yaa woto la Silo tẽnga, sɛka Roog noore, Wẽnnaam taoore, maan-kʋʋd a Elazar, a Nun biig, a Zozuwe, la kãsem-dãmbã sok Naaba-Wẽnd n bãng buud fãa ne a pʋɩɩre. Yaa woto la pʋɩɩra sɛ yã.

Zozuwe 19:51 Iomraidhean Croise

Sɩngrẽ 49:10

Naam dasaar kõn tol n zãag n bas a Zʋʋda ye. La naam kãnd kõn tol n kong yẽnda naoã tẽngr ye, hal t'ɩ sẽn soa bãmbã wa, tɩ nebã buud fãa sak yẽnda.

Yɩɩn‑sõamyã 78:60

Bãmb basa Sɩlo sɛk roogã, fu-roog ning bãmb sẽn dag n be a pʋg ninsaalb sʋkã.

A Matiye Sõng 20:23

La a Zeezi leok-b lame n yeele: «Yaa sɩd tɩ yãmb na n yũu bõn-yũudl ning mam sẽn na n yũ wã. La a ka be ne maam tɩ kõ noor tɩ ned zĩnd mam dɩtgo wall mam goabg ye. Mam sã n na n kõ me, yaa neb nins mam ba sẽn segl zĩ-kãens b yĩngã.»

A Matiye Sõng 25:34

Dẽ, Rĩmã na n yeela sẽn be‑b bãmb dɩtgã yaa: «Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y pʋɩɩre.

A Zã Sõng 17:2

La wa yãmb sẽn kõ yẽnda noor ning Ninsaal buud fãa zutã, bãmb kõta neb nins fãa yãmb sẽn kõ yẽnda wã vɩɩm sẽn kõn sa.

Tʋʋma 13:19

La Wẽnnaam sãama buud a yopoe Kana n dɩk b soolmã n kõ b nebã tɩ b sooge.

Zozuwe 14:1

Ad Israyɛll nebã sẽn paam pʋɩɩr ning Kana tẽngã pʋga, yaa maan-kʋʋd a Eleyazaar ne a Nun biig a Zozoe ne Israyɛll rotã kãsem-dãmb n kõ-b rẽndã tɩ yɩ b pʋɩɩre.

Zozuwe 18:1

Israyɛll nebã tigma taab Silo, n tilg b sɛk roogã beenẽ. Rẽ tɩ b zab n tõoga tẽngã zãnga.

Zozuwe 18:10

A Zozoe maana poeer bãmb yĩng Sẽn-Ka-Saab taoore, n pʋɩ tẽngã n kõ Israyɛll nebã wa sẽn zems b pʋɩɩrã sẽn yaa to-to.

Zozuwe 20:1

Sẽn-Ka-Saab goma ne a Zozoe n yeel-a yaa:

Bʋ-kaoodba 21:19

Israyɛll nebã leb n yeelame: «Ade, yʋʋmd fãa, b maanda tigr Sɩlo n waoogd Sẽn-Ka-Saabo.» Sɩlo bee Betɛll rɩtgo, n kell n be sor ning sẽn yit Betɛll n dabd Sɩkɛmã yaang sẽnẽ, n be Lebona goabga.

Bʋ-kaoodba 21:21

La yãmb sã n wa n yãnd Sɩlo pʋg-sadbã sẽn yi n na n sao, bɩ y yi tɩ yãmb ned kam fãa wudg n yõk pʋg-sad a yembr n tall n kuil a yir Benzame nebã soolmẽ n tɩ maan a paga.

1 Sãmwɛlle 1:3

Yʋʋmd fãa, a Ɛlkana rag n yita a tẽngẽ wã n kẽnd Sɩlo n waoogd Sẽn-Ka-Saab sẽn yaa Saasẽ-Pãng-Soabã, la a maand maand n kõt-ba. A Eli kamb a yiibã, a Ofni ne a Fineyaas rag n bee beenẽ n yaa Sẽn-Ka-Saab maan-kʋʋdba.