Zozuwe 18:16 - WẼNNAAM SEBRE 2014

¹⁶ Toadgã sig n tãaga tãng ning sẽn tees Bɛn-Hinom longã satmã sẽn be Refayim nebã longã sẽn be rɩtgã. Toadgã sig n tũnuga Hinom longã, n yegd Zebuus nebã tẽng goabga, n kell n tɩ tãag Ɛn-Rogɛlle.

SEBR SÕNGO

¹⁶ A sigdame n teesd tãnga sɛtmẽ, tãng ning sẽn tot ne Ben-Inom sudgã sẽn be Refayitsa goabga. Toaaga ra sigda Inom sudga, Zebuzitsa goabga, n sigd Eyin-Rogɛl.

Zozuwe 18:16 Iomraidhean Croise

2 Sãmwɛlle 17:17

A Zonatã ne a Ayimaas dag n yasa Ɛn-Rogɛlle, la yem-poak a yembr n wa n togs bãmb tɩ b tɩ togs naab a Davɩɩde, bala bãmb dag n ka tõe n kẽ tẽngã pʋgẽ tɩ b ka yãnd-b ye.

2 Sãmwɛlle 5:18

Filistẽ-dãmbã kẽng n tɩ sũu tãp Refayim longẽ wã.

1 Rĩm-dãmbã 1:9

Daar a yembre, a Adoniza kẽnga Zowelɛt pĩigã sẽn be Rogɛll ko-bundgã noorã sɛɛg n tɩ maan rũm-bãoonego, ne rũm-bɛd maando, la ne rũm-nobds buud toay-toaya. Dẽ, yẽnda boola a yaopã fãa sẽn yaa rĩmã kom-dibli wã, la a bool Zʋʋda nebã sẽn yaa rĩmã tʋmtʋmdbã.

2 Rĩm-dãmba 23:10

Rĩmã sãama Tofɛt sẽn yaa kamb yõogr zĩigã sẽn dag n be Bɛn-Hinom tãn-longẽ wã, sẽn na yɩl tɩ ned da leb n dɩk a bi-ribl bɩ a bi-pugl n maan maoong n yõog bugum n kõ wẽn-naandg a Molɛk ye.

1 Kibayã 14:9

Filistẽ-dãmbã kẽng n tɩ sũu tãp Refayim longẽ wã.

2 Kibayã 28:3

La yẽnda mengã yõoga wisd Bɛn-Hinom tãn-longẽ wã, la a yõog a kambã bugum, wa buud a taab nins Sẽn-Ka-Saabã sẽn dag n rig Israyɛll nebã taoorã sẽn dag n maand yel-beed ninsã.

2 Kibayã 33:6

La yẽnda mengã tol n dɩka a kamb n maan maoong n yõog bugum Bɛn-Hinom longẽ wã. Yẽnda ra sokd n na n bãnga beoog yelle, la a bʋgd bagre, la a maand sõodo. Yẽnda yãka neb tɩ yaa kinkir-bagba, la neb sẽn boond kɩɩmse. A Manaase kell n kẽnga taoor n maand sẽn yaa wẽng Sẽn-Ka-Saab nifẽ, n kɩt tɩ Sẽn-Ka-Saab sũurã yiki.

A Ezayi 30:33

Bala, b zoe n segla wʋngã n sɛ. B vigla wʋngã rĩmã yĩnga, wʋngã zulmame, a yalmame. Yẽnda wʋngã pida ne bugum la raad wʋsgo. Sẽn-Ka-Saab vʋʋsmã rɩt-a-la wa kidbr ko-soogo.

Zeremi 19:11

n yeel-b tɩ Saasẽ-Pãng-Soabã yetame: Woto me, mam na n wãa nin-kãensã ne tẽn-kãngã wa rʋk b sẽn wã tɩ ka tõe n leb n maneg abada. Neb na n muma b kũum Tofɛte, zĩig a to sẽn ka be wã yĩnga.

Zeremi 19:2

Yi n kẽng Bɛn-Hinom longã sẽn be sa-peesã rignoorẽ wã, n tɩ togs goam nins bãmb sẽn na n kõ maamã.

Zeremi 19:6

Woto yĩnga, mam yeelame tɩ wakat n wate, tɩ b ka na n leb n bool zĩ-kãngã tɩ Tofɛt wall Bɛn-Hinom long ye. B na n bool-a lame tɩ nin-kʋʋb longo. Maam a Sẽn-Ka-Saab n yeele.

Zeremi 32:35

Bãmb mee maoong kʋʋb zĩis a Baall yĩnga, Bɛn-Hinom longã pʋga, n dɩkd b kom-pugli ne b kom-dibli n maand maand n kõt b wẽnnaam a Molɛke. Mam yaool n ka yeel-b tɩ b maan bũmb a woto ye. Bũmb a woto zɩ n wa mam tagsgẽ meng ye. Bãmb maana yel-beed a woto, n kɩt tɩ Zʋʋda buudã lʋɩ kongr pʋga.»

Zozuwe 15:63

Zʋʋda kambã ka tõog n dees Zebuus-rãmbã sẽn be Zeruzalɛmã tẽms ye. Dẽ, Zebuus-rãmbã kell n paa Zeruzalɛm ne Zʋʋda nebã hal tɩ ta rũndã.

Zozuwe 18:28

Sela, Elɛfe, Zebuus-rãmbã tẽnga, sẽn yaa Zeruzalɛmã, Gibeyat ne Kiryate. Yaa tẽms piig la a naas ne b tẽn-kɩremse. Woto n yɩ a Benzame yagensã pʋɩɩr wa sẽn zems b buudã.

Bʋ-kaoodba 1:21

A Benzame buudã ka tõog n dig Zebuus-rãmbã sẽn dag n be Zeruzalɛmã n deeg tẽngã ye. Dẽ kɩtame tɩ Zebuus-rãmbã kell n pa Zeruzalɛm ne a Benzame yagensã hal tɩ ta rũndã.

Bʋ-kaoodba 1:8

Zʋʋda buudã kẽng n tɩ zaba ne Zeruzalɛm nebã n deeg tẽngã. Bãmb kʋʋ Zeruzalɛm nebã ne zabr sʋʋga la b yõog tẽngã bugum.

Bʋ-kaoodba 19:10

La pagã sɩdã rag n ka leb n dat n gãand beenẽ ye. Dẽ, a yikame n looge. Woto, yẽnda ne a bõens a yiibã sẽn zɩt zɩɩbo, n paas a pʋg-rɩkdgã kẽn n tɩ taa Zebuus tẽngã b sẽn boond tɩ Zeruzalɛmã.