Zozuwe 18:12 - WẼNNAAM SEBRE 2014

¹² B toadgã sẽn be rɩtgã sɩngda ne Zʋrdẽ kʋɩlgã. B toadgã kell n yegda Zeeriko rɩtgo, n zẽk n dʋʋd tãngã n dabd nin-taoorã sẽnẽ, n tɩ yek Bɛt-Avɛn weoogã.

SEBR SÕNGO

¹² Goabga, sɩngda Zʋrdẽ, n dʋʋd Zeriko goabga, n teesd nin-taoor tãmsã n tat Bɛt-Aven we-raoogo.

Zozuwe 18:12 Iomraidhean Croise

A Ooze 10:5

Samaari nebã na n zoee rabeem Bet-Avɛn nag-sadsã poorẽ. Nebã na n yãb n kaasa a yĩnga. La maan-kʋʋdb nins sẽn waoogd-a wã na n diga ne rabeem a yĩnga, la a ziirã sẽn na n yi n bas-a wã yĩnga.

A Ooze 4:15

Israyɛll nebã, yãmb basa maam wa pag sẽn bas a sɩd n kẽng yoobo. La bɩ Zʋʋda nebã ra maan wa yãmba, n kong bʋʋm ye. Da kẽng-y Gilgall ye, ra kẽng-y Bet-Avɛn ye, la ra wẽen-y ne Sẽn-Ka-Saab sẽn vɩ wã yʋʋr ye!

A Ooze 5:8

Peeb-y baorg Gɩbeya, la y peeb baorg Rama! Kaas-y zabr kaasg Bɛt-Avɛn! Benzame nebã, gũus-y y poorẽ!

Zozuwe 16:1

Zĩis nins b sẽn yãk n kõ a Zozɛf kambã sɩngda ne Zʋrdẽ kʋɩlgã sẽn pẽ Zeeriko wã, n dabd Zeeriko ko-bundsã yaangã, n tũud weoogã n yit Zeeriko n dʋʋd Betɛll tãngã sẽnẽ.

Zozuwe 18:11

B maana poeerã pipi n yãk Benzame yagensã pʋɩɩr wa sẽn zems b rotã, la bãmb soolmã toadg be a Zʋʋda yagensã ne a Zozɛf yagensã soolem sʋka.

Zozuwe 2:1

A Nun biig a Zozoe zĩnda Sitim n tʋm tẽn-gũusdb a yiib n yeel-b yaa: «Kẽng-y n tɩ soos-y n ges-y Zeeriko tẽngã, n bãng a yell neere.» Bãmb kẽngame, la b tɩ siga pʋg-yoodr a yembr yʋʋr sẽn boond t'a Rahaab zakẽ, n yõg gãag sobendo.

Zozuwe 3:16

koomã sẽn yit zugẽ n watẽ wã sẽn ta Ãdem sẽn pẽ Sartanã wã yalsame n tãoos n kuil yĩngr n lebg wa lalga. La koom ning sẽn zoet n sigd n dabd Araba ne yamsem ko-kãsengã sẽnẽ wã welg n looga zãnga. La nebã pɩʋʋga kʋɩlgã Zeeriko sẽnẽ n kẽng rʋʋndã.

Zozuwe 6:1

Israyɛll nebã yĩng kɩtame tɩ Zeeriko nebã pag b tẽngã kʋɩlems sõama. Ned ka yita, la ned ka kẽed me ye.

Zozuwe 7:2

A Zozoe zĩnda Zeeriko n tʋm neb tɩ b kẽng Ayi sẽn pẽ ne Bɛt Avɛn sẽn be Betɛll tẽngã yaangã. A yeel-b lame yaa: «Kẽng-y n tɩ soos-y n ges-y tẽngã.» La bãmb kẽng n tɩ gesa Ayi,

Zozuwe 8:15

A Zozoe ne Israyɛll nebã basame tɩ Ayi nebã rigd-b tɩ b zoet n teesd weoogã sẽnẽ.

1 Sãmwɛlle 13:5

Filistẽ-dãmbã tigmame n na n zab ne Israyɛll nebã. Bɛɛbã rag n tara saar-dãmb tus pis-tã, wed-rʋʋdb tus a yoobe, la b nebã rag n yaa wʋsg wa kʋɩlg noor bĩisri. Bãmb kẽng n tɩ tilga b tãb-sikã Mikmaas sẽn be Bɛt-Avɛn yaangã.