Zozuwe 18:1 - WẼNNAAM SEBRE 2014

¹ Israyɛll nebã tigma taab Silo, n tilg b sɛk roogã beenẽ. Rẽ tɩ b zab n tõoga tẽngã zãnga.

SEBR SÕNGO

¹ Israyɛl kamba fãa tigma taab Silo tɩ b ti Sɛka Roog be. B ra tõoga tẽnsa fãa n maand b sẽn dat ne-ba.

Zozuwe 18:1 Iomraidhean Croise

2 Sãmwɛlle 7:6

Bala, mam sẽn yiis Israyɛll nebã Ezɩpt tẽngã daar n tãag rũndã, mam ka tol n zĩnd roog pʋgẽ ye. Mam dag n bee fu-roog pʋgẽ n kẽnd ne yãmba.

1 Rĩm-dãmbã 14:2

Dẽ, a Zeroboaam yeela a pagã yaa: «M kotame tɩ f yik n teem fut ned sẽn kõn yãnd n bãng tɩ yaa foom la rĩm a Zeroboaam pagã ye. Kẽng Sɩlo tẽnga, tɩ Wẽnnaam no-rɛɛs a Akiya bee be. Yaa yẽnda la sẽn dag n yeel maam tɩ m na n lebga Israyɛll nebã rĩmã.

1 Rĩm-dãmbã 14:4

Dẽ, a Zeroboaam pagã maana wa a sɩdã sẽn yeel yẽnda wã. A yikame n kẽng Wẽnnaam no-rɛɛs a Akiya nengẽ Silo. La a Akiya dag n kʋʋla wʋsg t'a ninã ka leb n neẽ ye.

1 Rĩm-dãmbã 2:27

Dẽ, rĩm a Salmo riga a Abiyataar n yiis Sẽn-Ka-Saab maan-kʋʋrã tʋʋmd pʋga, tɩ Sẽn-Ka-Saab sẽn dag n gom a Eli roogã wɛɛngẽ Sɩlo wã paam pidsgu.

A Neemi 9:24

La bãmb kambã sɩd kẽeme n deeg tẽngã n sooge. Yãmb ninga Kana tẽngã rãmb yãnd bãmb taoore, n kɩt tɩ b tõog-b ne b rĩm-dãmbã, la b tẽngã nebã, n maan-b wa b sẽn date.

Yɩɩn‑sõamyã 78:60

Bãmb basa Sɩlo sɛk roogã, fu-roog ning bãmb sẽn dag n be a pʋg ninsaalb sʋkã.

Yɩɩn‑sõamyã 78:66

Bãmb gilga bɛɛbã poorẽ n wẽ-ba, n ning-b yãnd wakat sẽn kõn sa yĩnga.

Zeremi 26:6

mam na n maana ro-kãngã wa m sẽn maan Sɩlo wã, la m kɩt tɩ tẽn-kãngã lebg kãab-wẽnga, buud nins fãa sẽn be dũniyã zugã yĩnga.› »

Zeremi 26:9

Bõe yĩng tɩ fo togsd pĩnd-n-bãngr goam ne Sẽn-Ka-Saab yʋʋre, n yetẽ tɩ ro-kãngã na n yɩɩ wa Sɩlo, tɩ la tẽn-kãngã na n lebga raboog tɩ ned ka leb n zĩnd a pʋgẽ?» Dẽ, nebã fãa gũbga a Zeremi Sẽn-Ka-Saab roogã pʋgẽ.

Zeremi 41:5

neb pis-nii n yi Sɩkɛm ne Sɩlo la Samaari n kẽng Mitspa. Bãmb dag n põnga b toeemsã, la b pãrs b futã, la b bog b mens ne sʋʋse. Bãmb dag n zãada bõn-koaadl kũun ne wisdu, n na n tɩ maan maoong Sẽn-Ka-Saab roogẽ wã.

Sõadga 32:22

la yãmb sã n zab n tõog tẽngã n yaool n lebg n kuili, wakat-kãnga, yãmb paama y meng Sẽn-Ka-Saab taoore, la Israyɛll nebã me taoore. La Sẽn-Ka-Saab taoore, soolem-kãngã na n lebga yãmb dẽnda.

Tʋʋma 7:45

Rẽ zugẽ, tõnd yaab-rãmbã reega fu-ro-kãng n tall-a n kẽ tẽng ningã pʋg a Zozoe sẽn lʋɩ bãmb taoor n zab tɩ Wẽnnaam dig buud a taabã tɩ b reeg n soogã, la fu-roogã paa be hal tɩ ta a Davɩɩd zamaanẽ.

Zozuwe 18:2

Wakat-kãng tɩ yaa Israyɛll buud a yopoe n ket n dag n nan ka paam b pʋɩɩr ye.

Zozuwe 18:8

B sẽn yãk neb nins sẽn tog n tɩ ges tẽnga pʋɩɩb yellã sẽn yik n na n looge, a Zozoe yeela bãmb yaa: «Kẽng-y n gilg-y n ges-y tẽngã sẽn yaa to-to, n gʋls n tall n wa mam nengẽ. Dẽ, mam na n maana poeer Sɩlo ka Sẽn-Ka-Saab taoor yãmb yĩnga.»

Zozuwe 19:51

Tẽn-bãmbã fãa yaa tẽms nins maan-kʋʋd a Eleyazaar ne a Nun biig a Zozoe, la Israyɛll buudã rot kãsem-dãmb sẽn pʋɩ wa sẽn zems poeerã b sẽn maan sɛk roogã noor Sẽn-Ka-Saab taoor Sɩlo wã. Dẽ, bãmb pʋɩɩ tẽngã n sɛ.

Zozuwe 21:2

Sɩlo tẽngã sẽn be Kana soolmẽ wã, n yeel-b yaa: «Sẽn-Ka-Saab rag n goma ne a Moyiis n yeel tɩ b yãk tẽms n kõ tõnd tɩ d kẽ, la d soog a pʋ-weesã n wãbneg d rũmsi.»

Zozuwe 22:12

Israyɛll nebã sẽn wʋm woto, Israyɛll nebã fãa tigma taab Sɩlo n na n tɩ zab ne-ba.

Zozuwe 22:19

Yãmb sã n mikame tɩ b sẽn kõ yãmb tẽng ningã rẽgmame, bɩ y yi n kẽng Sẽn-Ka-Saab tẽngẽ wã, zĩig ning Sẽn-Ka-Saab belmã sẽn beẽ wã, n paam zĩig tõnd sʋk n zĩndi. La y ra kɩɩs Sẽn-Ka-Saabo, la y ra welg y mens ne tõndo, n maan tẽn-kugr y mens yĩnga, n paas Sẽn-Ka-Saab sẽn yaa tõnd Wẽnnaamã tẽn-kugr ye.

Zozuwe 22:9

Rubɛn nebã ne Gaad nebã la Manaase buudã pʋɩ-sʋkã basa Israyɛll nebã Sɩlo sẽn be Kana soolmẽ wã n lebg n leb Galaad soolmẽ wã, tẽng ning Sẽn-Ka-Saab sẽn dag n gom ne a Moyiis t'a kõ-b tɩ b soogã.

Bʋ-kaoodba 18:31

Dan nebã vigla wẽn-naandgã a Mika sẽn dag n maanã, la a kell n paa beenẽ wakat ning fãa Sɩlo Wẽnnaam doogã sẽn zĩndã.

Bʋ-kaoodba 21:12

Dẽ, bãmb yãnda Galaad-Yabɛɛs kom-pugli kobs-naas sẽn nan ka tol n bãng raoa, n peeg-b n kẽng tãb-sikẽ wã Sɩlo sẽn be Kana soolmẽ wã.

Bʋ-kaoodba 21:19

Israyɛll nebã leb n yeelame: «Ade, yʋʋmd fãa, b maanda tigr Sɩlo n waoogd Sẽn-Ka-Saabo.» Sɩlo bee Betɛll rɩtgo, n kell n be sor ning sẽn yit Betɛll n dabd Sɩkɛmã yaang sẽnẽ, n be Lebona goabga.

1 Sãmwɛlle 1:24

Biigã sẽn sigi, a Ãnd peeg-a lame, la a bao lols a tãabo, ne zom wamde, la reezẽ rãam ne ko-waooga, n tall n kẽng Sẽn-Ka-Saab roogẽ wã Silo. La biigã rag n ket n yaa bilfu.

1 Sãmwɛlle 1:3

Yʋʋmd fãa, a Ɛlkana rag n yita a tẽngẽ wã n kẽnd Sɩlo n waoogd Sẽn-Ka-Saab sẽn yaa Saasẽ-Pãng-Soabã, la a maand maand n kõt-ba. A Eli kamb a yiibã, a Ofni ne a Fineyaas rag n bee beenẽ n yaa Sẽn-Ka-Saab maan-kʋʋdba.