Zozuwe 17:14 - WẼNNAAM SEBRE 2014

¹⁴ A Zozɛf yagensã kẽng n tɩ yẽgma ne a Zozoe n yeel yaa: «Sẽn-Ka-Saab ninga tõnd zug bark hal tɩ ta rũndã, tɩ tõnd lebg wʋsgo, la yaa bõe yĩng tɩ yãmb kõ tõnd pʋɩɩr a yembr bala, zĩig a ye tãa bala?»

SEBR SÕNGO

¹⁴ A Zozɛf rooga waa n yik n yeela a Zozuwe: «Bõe tɩ tõnd pʋɩɩr yaa a ye tãa tɩ d sõor yaool n ya wʋsgo, d sẽn paam Wẽnd bark zembal yĩnga?»

Zozuwe 17:14 Iomraidhean Croise

Sɩngrẽ 48:19

La a baaba zãgsame n yeele: «M biig sõngo, mam miime. Mam mii sõama! Yẽnda me na n lebga buud wʋsg ba, la yẽnda yao wã na n yɩɩ kãseng n yɩɩg yẽnda. La yẽnda yagensã na n yɩɩ buud wʋsgo, n zĩnd zĩig fãa.»

Sɩngrẽ 48:20

Badaare, a Zakoob ning-b-la bark n yeele: «Yãmb maasem yĩnga, Israyɛll nebã na n ningda nebã bark n yetẽ: ‹Wẽnd na kɩt tɩ f yɩ wa a Efrayiim, la wa a Manaase!› » Yɩɩ woto, t'a Zakoob reng n bool a Efrayiim yʋʋre, n yaool na n bool a Manaase yʋʋrã.

Sɩngrẽ 48:22

Mam kõta foom pʋɩɩr n yɩɩd f kẽem-dãmbã. Yaa bũmb ning mam sẽn dag n zab ne sʋʋg la tãp n deeg Amoor-dãmbã nengẽ wã.»

Ezekiyɛl 48:5

Sẽn yegd Manaase buudã toadg sẽn sɩng ne yaang n tɩ ta nin-taoore, yaa Efrayiim buudã pʋɩɩre.

Sõadga 13:7

Isakaar buudã pʋgẽ, yaa a Zozɛf biig a Yigalle.

Sõadga 26:54

Buud fãa tog n paama zĩig wa sẽn zems a nebã sõore. Buud ning neb sõor sẽn yaa wʋsg tog n paama zĩ-bedre, la buud ning neb sõor sẽn paoodã, tog n deega zĩ-bila.

Sõadga 36:12

Bãmb kẽe kãadem ne a Zozɛf biig a Manaase yagensã. Dẽ, bãmb pʋɩɩrã paa b ba wã buud pʋgẽ.

Zozuwe 16:4

Rẽndã yɩ a Zozɛf kamb a Manaase ne a Efrayiim pʋɩɩre.

Zozuwe 17:15

A Zozoe yeela bãmb yaa: «Sã n yaa tɩ yãmb yaa wʋsgo, bɩ y kẽng n tɩ kɛ tʋgã sẽn be Ferɛɛz rãmbã ne Refayim nebã tẽmsẽ wã n kẽ, bala, Refayim tãngã yaa sẽk ne yãmba.»